헬라어 문장 검색 - Πλυταρ́Ξιμον́18́

(플루타르코스, Κίμων, chapter 18)

εὐθὺσ μὲν οὖν ὁ Κίμων κατελθὼν ἔλυσε τὸν πόλεμον καὶ διήλλαξε τὰσ πόλεισ· γενομένησ δ’ εἰρήνησ ὁρῶν τοὺσ Ἀθηναίουσ ἡσυχίαν ἄγειν μὴ δυναμένουσ, ἀλλὰ κινεῖσθαι καὶ αὐξάνεσθαι ταῖσ στρατείαισ βουλομένουσ, ἵνα μὴ τοῖσ Ἕλλησι διοχλῶσι μηδὲ περὶ τὰσ νήσουσ ἢ Πελοπόννησον ἀναστρεφόμενοι ναυσὶ πολλαῖσ αἰτίασ ἐμφυλίων πολέμων καὶ συμμαχικῶν ἐγκλημάτων ἀρχὰσ ἐπισπάσωνται κατὰ τῆσ πόλεωσ, ἐπλήρου διακοσίασ τριήρεισ ὡσ ἐπ’ Αἴγυπτον καὶ Κύπρον αὖθισ ἐκστρατευσόμενοσ, ἅμα μὲν ἐμμελετᾶν τοῖσ πρὸσ τοὺσ βαρβάρουσ ἀγῶσι βουλόμενοσ τοὺσ Ἀθηναίουσ, ἅμα δ’ ὠφελεῖσθαι δικαίωσ τὰσ ἀπὸ τῶν φύσει πολεμίων εὐπορίασ εἰσ τὴν Ἑλλάδα κομίζοντασ. ἤδη δὲ παρεσκευασμένων ἁπάντων καὶ τοῦ στρατοῦ παρὰ ταῖσ ναυσὶν ὄντοσ ὄναρ εἶδεν ὁ Κίμων.

ἐδόκει κύνα θυμουμένην ὑλακτεῖν πρὸσ αὐτόν, ἐκ δὲ τῆσ ὑλακῆσ μεμιγμένον ἀφεῖσαν ἀνθρώπου φθόγγον εἰπεῖν·

στεῖχε· φίλοσ γὰρ ἔσῃ καὶ ἐμοὶ καὶ ἐμοῖσ σκυλάκεσσιν. οὕτω δὲ δυσκρίτου τῆσ ὄψεωσ οὔσησ Ἀστύφιλοσ ὁ Ποσειδωνιάτησ, μαντικὸσ ἀνὴρ καὶ συνήθησ τῷ Κίμωνι, φράζει θάνατον αὐτῷ προσημαίνειν τὴν ὄψιν, οὕτω διαιρῶν· κύων ἀνθρώπῳ, πρὸσ ὃν ὑλακτεῖ, πολέμιοσ· πολεμίῳ δ’ οὐκ ἄν τισ μᾶλλον ἢ τελευτήσασ φίλοσ γένοιτο· τὸ δὲ μῖγμα τῆσ φωνῆσ Μῆδον ἀποδηλοῖ τὸν ἐχθρόν· ὁ γὰρ Μήδων στρατὸσ Ἕλλησιν ὁμοῦ καὶ βαρβάροισ μέμικται.

μετὰ δὲ ταύτην τὴν ὄψιν αὐτοῦ τῷ Διονύσῳ θύσαντοσ ὁ μὲν μάντισ ἀπέτεμε τὸ ἱερεῖον, τοῦ δ’ αἵματοσ τὸ πηγνύμενον ἤδη μύρμηκεσ πολλοὶ λαμβάνοντεσ κατὰ μικρὸν ἔφερον πρὸσ τὸν Κίμωνα καὶ τοῦ ποδὸσ περὶ τὸν μέγαν δάκτυλον περιέπλαττον, ἐπὶ πολὺν χρόνον λανθάνοντεσ. ἅμα δέ πωσ ὅ τε Κίμων τῷ γινομένῳ προσέσχε καὶ παρῆν ὁ θύτησ ἐπιδεικνύμενοσ αὐτῷ τὸν λοβὸν οὐκ ἔχοντα κεφαλήν. ἄλλ’ οὐ γὰρ ἦν ἀνάδυσισ τῆσ στρατείασ ἐξέπλευσε, καὶ τῶν νεῶν ἑξήκοντα μὲν ἀπέστειλεν εἰσ Αἴγυπτον, ταῖσ δ’ ἄλλαισ πάλιν ἔπλει. καὶ καταναυμαχήσασ Φοινισσῶν νεῶν καὶ Κιλισσῶν βασιλικὸν στόλον ἀνεκτᾶτο τε τὰσ ἐν κύκλῳ πόλεισ καὶ τοῖσ περὶ Αἴγυπτον ἐφήδρευεν, οὐδὲν μικρόν, ἀλλ’ ὅλησ ἐπινοῶν τῆσ βασιλέωσ ἡγεμονίασ κατάλυσιν, καὶ μάλιστα ὅτι τοῦ Θεμιστοκλέουσ ἐπυνθάνετο δόξαν εἶναι καὶ δύναμιν ἐν τοῖσ βαρβάροισ μεγάλην, ὑποδεδεγμένου βασιλεῖ κινοῦντι τὸν Ἑλληνικὸν πόλεμον στρατηγήσειν.

Θεμιστοκλῆσ μὲν οὖν οὐχ ἥκιστα λέγεται τὰσ Ἑλληνικὰσ πράξεισ ἀπογνούσ, ὡσ οὐκ ἂν ὑπερβαλόμενοσ τὴν Κίμωνοσ εὐτυχίαν καὶ ἀρετήν, ἑκὼν τελευτῆσαι, Κίμων δὲ μεγάλων ἐπαιρόμενοσ ἀρχὰσ ἀγώνων καὶ περὶ Κύπρον συνέχων τὸ ναυτικὸν ἔπεμψεν εἰσ Ἄμμωνοσ ἄνδρασ ἀπόρρητόν τινα μαντείαν ποιησομένουσ παρὰ τῷ θεῷ·

γινώσκει γὰρ οὐδεὶσ ὑπὲρ ὧν ἐπέμφθησαν, οὐδὲ χρησμὸν αὐτοῖσ ὁ θεὸσ ἐξήνεγκεν, ἀλλ’ ἅμα τῷ προσελθεῖν ἐκέλευσεν ἀπιέναι τοὺσ θεοπρόπουσ· αὐτὸν γὰρ ἤδη τὸν Κίμωνα παρ’ ἑαυτῷ τυγχάνειν ὄντα.

ταῦτα ἀκούσαντεσ οἱ θεοπρόποι κατέβαινον ἐπὶ θάλασσαν· γενόμενοι δὲ ἐν τῷ στρατοπέδῳ τῶν Ἑλλήνων, ὃ τότε περὶ Αἴγυπτον ἦν, ἐπύθοντο τεθνάναι τὸν Κίμωνα· καὶ τὰσ ἡμέρασ πρὸσ τὸ μαντεῖον ἀνάγοντεσ ἔγνωσαν ᾐνιγμένην τὴν τελευτὴν τοῦ ἀνδρόσ, ὡσ ἤδη παρὰ θεοῖσ ὄντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 18

(플루타르코스, Κίμων, chapter 18)

상위

목록

SEARCH

MENU NAVIGATION