헬라어 문장 검색 - Πλυταρ́Ξιμον́06́

(플루타르코스, Κίμων, chapter 6)

ἐπεὶ δὲ Μήδων φυγόντων ἐκ τῆσ Ἑλλάδοσ ἐπέμφθη στρατηγόσ, κατὰ θάλατταν οὔπω τὴν ἀρχὴν Ἀθηναίων ἐχόντων, ἔτι δὲ Παυσανίᾳ τε καὶ Λακεδαιμονίοισ ἑπομένων, πρῶτον μὲν ἐν ταῖσ στρατείαισ ἀεὶ παρεῖχε τοὺσ πολίτασ κόσμῳ τε θαυμαστοὺσ καὶ προθυμίᾳ πολὺ πάντων διαφέροντασ· ἔπειτα Παυσανίου τοῖσ μὲν βαρβάροισ διαλεγομένου περὶ προδοσίασ καὶ βασιλεῖ γράφοντοσ ἐπιστολάσ, τοῖσ δὲ συμμάχοισ τραχέωσ καὶ αὐθαδῶσ προσφερομένου καὶ πολλὰ δι’ ἐξουσίαν καὶ ὄγκον ἀνόητον ὑβρίζοντοσ, ὑπολαμβάνων πράωσ τοὺσ ἀδικουμένουσ καὶ φιλανθρώπωσ ἐξομιλῶν ἔλαθεν οὐ δι’ ὅπλων τὴν τῆσ Ἑλλάδοσ ἡγεμονίαν, ἀλλὰ λόγῳ καὶ ἤθει παρελόμενοσ.

προσετίθεντο γὰρ οἱ πλεῖστοι τῶν συμμάχων ἐκείνῳ τε καὶ Ἀριστείδῃ τὴν χαλεπότητα καὶ ὑπεροψίαν τοῦ Παυσανίου μὴ φέροντεσ.

οἱ δὲ καὶ τούτουσ ἅμα προσήγοντο καὶ τοῖσ ἐφόροισ πέμποντεσ ἔφραζον, ὡσ ἀδοξούσησ τῆσ Σπάρτησ καὶ ταραττομένησ τῆσ Ἑλλάδοσ, ἀνακαλεῖν τὸν Παυσανίαν. λέγεται δὲ παρθένον τινὰ Βυζαντίαν ἐπιφανῶν γονέων, ὄνομα Κλεονίκην, ἐπ’ αἰσχύνῃ τοῦ Παυσανίου μεταπεμπομένου, τοὺσ μὲν γονεῖσ ὑπ’ ἀνάγκησ καὶ φόβου προέσθαι τὴν παῖδα, τὴν δὲ τῶν πρὸ τοῦ δωματίου δεηθεῖσαν ἀνελέσθαι τὸ φῶσ, διὰ σκότουσ καὶ σιωπῆσ τῇ κλίνῃ προσιοῦσαν ἤδη τοῦ Παυσανίου καθεύδοντοσ, ἐμπεσεῖν καὶ ἀνατρέψαι τὸ λυχνίον ἄκουσαν·

τὸν δ’ ὑπὸ τοῦ ψόφου ταραχθέντα καὶ σπασάμενοντὸ παρακείμενον ἐγχειρίδιον, ὥσ τινοσ ἐπ’ αὐτὸν ἐχθροῦ βαδίζοντοσ, πατάξαι καὶ καταβαλεῖν τὴν παρθένον, ἐκ δὲ τῆσ πληγῆσ ἀποθανοῦσαν αὐτὴν οὐκ ἐᾶν τὸν Παυσανίαν ἡσυχάζειν, ἀλλὰ νύκτωρ εἴδωλον αὐτῷ φοιτῶσαν εἰσ τὸν ὕπνον ὀργῇ λέγειν τόδε τὸ ἡρῷον·

στεῖχε δίκησ ἆσσον· μάλα τοι κακὸν ἀνδράσιν ὕβρισ. ἐφ’ ᾧ καὶ μάλιστα χαλεπῶσ ἐνεγκόντεσ οἱ σύμμαχοι μετὰ τοῦ Κίμωνοσ ἐξεπολιόρκησαν αὐτόν. ὁ δ’ ἐκπεσὼν τοῦ Βυζαντίου καὶ τῷ φάσματι ταραττόμενοσ, ὡσ λέγεται, κατέφυγε πρὸσ τὸ νεκυομαντεῖον εἰσ Ἡράκλειαν, καὶ τὴν ψυχὴν ἀνακαλούμενοσ τῆσ Κλεονίκησ παρῃτεῖτο τὴν ὀργήν.

ἡ δ’ εἰσ ὄψιν ἐλθοῦσα ταχέωσ ἔφη παύσεσθαι τῶν κακῶν αὐτὸν ἐν Σπάρτῃ γενόμενον, αἰνιττομένη, ὡσ ἐοίκε, τὴν μέλλουσαν αὐτῷ τελευτήν. ταῦτα μὲν οὖν ὑπὸ πολλῶν ἱστόρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 6

(플루타르코스, Κίμων, chapter 6)

상위

목록

SEARCH

MENU NAVIGATION