헬라어 문장 검색 - Ηιπποξ́Οευϝρεσ́10́36́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 36.)

Ὅσοισι δὲ μηροῦ ὀστέον ἢ βραχίονοσ ἐξέσχεν, οὗτοι οὐ μάλα περιγίνονται. Τὰ γὰρ ὀστέα μεγάλα καὶ πολυμύελα, καὶ πολλὰ καὶ ἐπίκαιρα τὰ συντιτρωσκόμενα νεῦρα καὶ μύεσ καὶ φλέβεσ‧ καὶ ἢν μὲν ἐμβάλλῃσ, σπασμοὶ φιλέουσιν ἐπιγίνεσθαι, μὴ ἐμβληθεῖσι δὲ, πυρετοὶ ὀξέεσ, καὶ ἐπίχολοι, καὶ λυγγώδεεσ, καὶ ἐπιμεαινονται. Περιγίνονται δὲ οὐχ ἧσσον, οἷσι μὴ ἐμβληθῇ, μηδὲ ειρηθῇ ἐμβάλλεσθαι‧ ἔτι δὲ μᾶλλον περιγίνονται, οἷσι τὸ κάτω μέροσ τοῦ ὀστέου ἐξέσχεν, ἢ οἷσι τὸ ἄνω‧ περιγένοιντο δ’ ἂν καὶ οἷσιν ἐμβληθείη, σπανίωσ γε μήν. Μελέται γὰρ μελετέων μέγα διαφέρουσι, καὶ φύσιεσ φυσίων τῶν σωμάτων εἰσ εὐφορίην. Διαφέρει δὲ μέγα, καὶ ἢν ἔσω τοῦ βραχίονοσ καὶ τοῦ μηροῦ τὰ ὀστέα ἐξέχῃ‧ πολλαὶ γὰρ καὶ ἐπίκαιροι κατατάσιεσ φλεβῶν ἐν τῷ ἔσω μέρει, ὧν ἔνιαι τιτρωσκόμεναι σφάγιαί εἰσιν‧ εἰσὶ δὲ καὶ ἐν τῷ ἔξω μέρει, ἧσσον δέ. Ἐν τοῖσιν οὖν τοιούτοισι τρώμασι τοὺσ μὲν κινδύνουσ οὐ χρὴ λήθειν, ὁκοῖοί τινέσ εἰσι, καὶ προλέγειν χρὴ πρὸσ τοὺσ καιρούσ. Εἰ δὲ ἀναγκάζοιο μὲν ἐμβάλλειν, ἐλπίζοισ δὲ ἐμβαλεῖν, καὶ μὴ πολλὴ ἡ παράλλαξισ εἰή τοῦ ὀστέου, καὶ μὴ ξυνδεδραμήκοιεν οἱ μύεσ ̔φιλέουσι γὰρ ξυνθεῖν̓, ἡ μόχλευσισ καὶ τούτοισι μετὰ τῆσ κατατάσιοσ εὖ ἂν ξυλλαμβάνοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 36.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 36.)

상위

목록

SEARCH

MENU NAVIGATION