헬라어 문장 검색 - Ηιπποξ́Οευϝρεσ́10́22́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 22.)

Σωλῆνα δὲ εἰ μέν τισ ὑπ’ αὐτὸν τὸν μηρὸν ὑποθείη μὴ ὑπερβάλλοντα τὴν ἰγνύην, βλάπτοι ἂν μᾶλλον ἢ ὠφελέοι‧ οὔτε γὰρ ἂν τὸ σῶμα κωλύοι, οὔτε τὴν κνήμην, ἄνευ τοῦ μηροῦ κινέεσθαι. Ἀσηρὸν γὰρ εἰή πρὸσ τὴν ἰγνύην προσβαλλόμενον‧ καὶ ὃ ἥκιστα δεῖ, τοῦτ’ ἂν ἐποτρύνοι ποιέειν‧ ἥκιστα γὰρ δεῖ κατὰ τὸ γόνυ κάμπτειν‧ πᾶσαν γὰρ ἂν τύρβην παρέχοι τῇσιν ἐπιδέσεσιν‧ καὶ μηροῦ ἐπιδεδεμένου καὶ κνήμησ, ὅστισ κατὰ τὸ γόνυ κάμπτοι, ἀνάγκη ἂν εἰή τούτῳ τοὺσ μύασ ἄλλοτε ἄλλο σχῆμα ἴσχειν‧ ἀνάγκη δ’ ἂν εἰή καὶ τὰ ὀστέα τὰ κατεηγότα κίνησιν ἔχειν. Περὶ παντὸσ οὖν ποιητέον τὴν ἰγνύην ἐντετάσθαι. Δοκέοι ἂν οὖν μοι ὁ σωλὴν, ὁ περιέχων πρὸσ τὸν πόδα ἀπὸ τοῦ ἰσχίου, ὠφελέειν ὑποτιθέμενοσ‧ καὶ ἄλλωσ κατ’ ἰγνύην ταινίην χαλαρῶσ περιβάλλειν ξὺν τῷ σωλῆνι, ὥσπερ τὰ παιδία ἐν τῇσι κοίτῃσι σπαργανοῦται‧ εἶτα ἐπὴν ὁ μηρὸσ ἐσ τὸ ἄνω διαστρέφοιτο, ἢ ἐσ τὸ πλάγιον, εὐκατασχετώτερον εἰή ἂν ξὺν τῷ σωλῆνι οὕτωσ. Ἢ οὖν διαμπερὲσ εἰή ποιητέοσ ὁ σωλὴν, ἢ οὐ ποιητέοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 22.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 22.)

상위

목록

SEARCH

MENU NAVIGATION