헬라어 문장 검색 - Ηιπποξ́Οευϝρεσ́10́37́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 37.)

Ἐμβάλλοντα δὲ, ἐλλέβορον μαλθακὸν πιπίσαι χρὴ αὐθημερὸν, ἢν αὐθημερὸν ἐμβληθῇ‧ εἰ δὲ μὴ, οὐδ’ ἐγχειρέειν χρή. Τὸ δὲ ἕλκοσ ἰητρεύειν χρὴ, οἷσί περ κεφαλῆσ ὀστέα κατεηγυίησ, καὶ ψυχρὸν μηδὲν προσφέρειν‧ σιτίου δέ στερῆσαι τελέωσ‧ καὶ ἢν μὲν πικρόχολοσ φύσει ᾖ, ὀξύγλυκυ εὐῶδεσ ὀλίγον ἐπὶ ὕδωρ ἐπιστάζοντα, τουτέῳ διαιτᾷν‧ ἢν δὲ μὴ πικρόχολοσ ᾖ, ὕδατι πόματι χρῆσθαι‧ καὶ ἢν μὲν πυρεταίνῃ ξυνεχῶσ, τεσσαρεσκαίδεκα ἡμέρῃσι τὸ ἐλάχιστον οὕτω διαιτᾷν, ἢν δὲ ἀπύρετοσ ᾖ, ἑπτὰ ἡμέρῃσιν‧ ἔπειτα ἐκ προσαγωγῆσ κατὰ λόγον ἐσ φαύλην δίαιταν ἄγειν. Καὶ οἷσιν ἂν μὴ ἐμβληθῇ τὰ ὀστέα, καὶ τὴν φαρμακείην χρὴ τοιαύτην ποιέεσθαι, καὶ τῶν ἑλκέων τὴν μελέτην καὶ τὴν δίαιταν‧ ὡσαύτωσ καὶ τὸ ἀπαιωρεύμενον τοῦ σώματοσ μὴ κατατείνειν, ἀλλὰ καὶ προσάγειν μᾶλλον, ὥστε χαλαρώτερον εἶναι τὸ κατὰ τὸ ἕλκοσ. Τῶν δὲ ὀστέων ἀπόστασισ χρονίη, ὥσπερ καὶ πρόσθεν εἴρηται. Μάλιστα δὲ χρὴ τὰ τοιαῦτα διαφυγεῖν, ἅμα ἤν τισ καλὴν ἔχῃ τὴν ἀποφυγήν‧ αἵ τε γὰρ ἐλπίδεσ ὀλίγαι, καὶ οἱ κίνδυνοι πολλοί‧ καὶ μὴ ἐμβάλλων ἄτεχνοσ ἂν δοκέοι εἶναι, καὶ ἐμβάλλων ἐγγυτέρω ἂν τοῦ θανάτου ἀγάγοι, ἢ τῆσ σωτηρίησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 37.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 37.)

상위

목록

SEARCH

MENU NAVIGATION