헬라어 문장 검색 - Ηιπποξ́Οευϝρεσ́10́26́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 26.)

Χρὴ δὲ, ὡσ ἐν κεφαλαίῳ εἰρῆσθαι, οἷσιν ἂν μὴ ἐπίδοξοσ ᾖ ἡ τῶν ὀστέων ἀπόστασισ ἔσεσθαι, τὴν αὐτὴν ἰητρείην ἰητρεύειν, ὥσπερ ἂν οἷσιν ὀστέα μὲν κατεηγότα εἰή, ἕλκοσ δὲ μὴ ἔχοντα‧ τάσ τε γὰρ κατατάσιασ καὶ κατορθώσιασ τῶν ὀστέων τὸν αὐτὸν τρόπον ποιέεσθαι, τήν τε ἐπίδεσιν παραπλήσιον τρόπον. Ἐπὶ μὲν γὰρ αὐτὸ τὸ ἕλκοσ πισσηρὴν κηρωτὴν χρίσαντα, σπλῆνα λεπτὸν διπλόον ἐπιδεθῆναι, τὰ δὲ πέριξ κηρωτῇ λευκῇ χρίειν. Τὰ δὲ ὀθόνια καὶ τὰ ἀλλα πλατύρερά τινι ἐσχισμένα ἔστω, ἢ εἰ μὴ έλκοσ εἶχεν‧ καὶ ᾧ ἂν πρώτῳ ἐπιδέηται, συχνῷ ἔστω τοῦ ἕλκεοσ πλατύτερον. Τὰ γὰρ στενότερα τοῦ ἕλκεοσ ζώσαντα ἔχει τὸ ἕλκοσ‧ τὸ δὲ οὐ χρή‧ ἀλλ’ ἡ πρώτη περιβολὴ ὅλον κατεχέτω τὸ ἕλκοσ, καὶ ὑπερεχέτω τὸ ὀθόνιον ἔνθεν τε καὶ ἔνθεν. Βάλλεσθαι μὲν οὖν χρὴ τὸ ὀθόνιον κατ’ αὐτὴν τὴν ἴξιν τοῦ ἕλκεοσ, πιέζειν δὲ ὀλίγῳ ἧσσον ἢ εἰ μὴ ἕλκοσ εἶχεν, ἐπινέμεσθαι δὲ τῇ ἐπιδέσει ὥσπερ καὶ πρόσθεν εἴρηται. Τὰ δὲ ὀθόνια αἰεὶ μὲν τοῦ τρόπου τοῦ μαλθακοῦ ἔστωσαν, μᾶλλον δέ τι δεῖ ἐν τοῖσι τοιούτοισιν, ἢ εἰ μὴ ἕλκοσ εἶχεν. Πλῆθοσ δὲ τῶν ὀθονίων, μὴ ἐλάσσω ἔστω τῶν πρότερον εἰρημένων, ἀλλά τινι καὶ πλείω. Ἢν δὲ ἐπιδεθῇ, δοκείτω τῷ ἐπιδεδεμένῳ ἡρμόσθαι μὲν, πεπιέχθαι δὲ μή‧ φάτω δὲ κατὰ τὸ ἕλκοσ μάλιστα ἡρμόσθαι. Τοὺσ δὲ χρόνουσ τοὺσ αὐτοὺσ μὲν χρὴ εἶναι ἐπὶ τὸ μᾶλλον δοκέειν ἡρμόσθαι, τοὺσ αὐτοὺσ δὲ ἐπὶ τὸ μᾶλλον δοκέειν χαλᾷν, ὥσπερ καὶ ἐν τοῖσι πρόσθεν εἴρηται. Μετεπιδεῖν δὲ διὰ τρίτησ, πάντα μεταποιέοντα ἐσ τοὺσ τρόπουσ τοὺσ παραπλησίουσ, ὥσπερ καὶ πρόσθεν εἴρηται, πλὴν ἐσ τὸ σύμπαν ἧσσόν τινι πιέζειν ταῦτα ἢ ἐκεῖνα. Καὶ ἢν κατὰ λόγον τὰ εἰκότα γένηται, ἰσχνότερον μὲν αἰεὶ εὑρεθήσεται τὸ κατὰ τὸ ἕλκοσ, ἰσχνὸν δὲ καὶ τὸ ἄλλο πᾶν τὸ ὑπὸ τῆσ ἐπιδέσιοσ κατεχόμενον‧ καὶ αἵ τε ἐκπυήσιεσ ἔσονται θάσσουσ ἢ τῶν ἄλλωσ ἰητρευμένων ἑλκέων, ὅσα τε σαρκία ἐν τῷ τρώματι ἐμελάνθη καὶ ἐθανατώθη, θᾶσσον περιῤῬήγνυται καὶ ἐκπίπτει ἐπὶ ταύτῃ τῇ ἰητρείῃ, ἢ ἐν τῇσιν ἄλλῃσιν, ἐσ ὠτειλάσ τε θᾶσσον ὁρμᾶται τὸ ἕλκοσ οὕτωσ ἢ ἄλλωσ ἰητρευμένον. Πάντων δὲ τούτων αἴτιον, ὅτι ἰσχνὸν μὲν τὸ κατὰ τὸ ἕλκοσ χωρίον γίνεται, ἰσχνὰ δὲ τὰ περιέχοντα. Τὰ μὲν οὖν ἄλλα πάντα παραπλησίωσ χρὴ ἰητρεύειν, ὡσ τὰ ἄνευ ἑλκώσιοσ ὀστέα κατηγνύμενα. Τοὺσ δὲ νάρθηκασ οὐ χρὴ προστιθέναι. Διὰ τοῦτο καὶ τὰ ὀθόνια χρὴ τούτοισι πλείω εἶναι ἢ τοῖσιν ἑτέροισιν, ὅτι τε ἧσσον πιέζεται, ὅτι τε οἱ νάρθηκεσ βραδύτεροι προστίθενται. Ἢν μέντοι τοὺσ νάρθηκασ προστιθῇσ, μὴ κατὰ τὴν ἴξιν τοῦ ἕλκεοσ προστιθέναι, ἄλλωσ τε καὶ χαλαρῶσ προστιθέναι, προμηθεύμενοσ ὅκωσ μηδεμία σφίγξισ μεγάλη ἔσται ἀπὸ τῶν ναρθήκων. Εἴρηται δὲ τοῦτο καὶ ἐν τοῖσι πρότερον γεγραμμένοισιν. Τὴν μέντοι δίαιταν ἀκριβεστέρην καὶ πλείω χρόνον χρὴ ποιέεσθαι οἷσιν ἐξ ἀρχῆσ ἕλκεα γίνεται, καὶ οἷσιν ὀστέα ἐξίσχει‧ καὶ τὸ ξύμπαν δὲ εἰρῆσθαι, ἐπὶ τοῖσι ἰσχυροτάτοισι τρώμασιν ἀκριβεστέρην καὶ πουλυχρονιωτέρην εἶναι χρὴ τὴν δίαιταν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 26.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 26.)

상위

목록

SEARCH

MENU NAVIGATION