Hippocrates, Oeuvres Completes D'Hippocrate., ΠΕΡΙ ΑΓΜΩΝ., 5.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 5.)

Σημεῖα δὲ τοῦ καλῶσ ἰητρευμένου ταῦτα, καὶ ὀρθῶσ ἐπιδεομένου, εἰ ἐρωτῳήσ αὐτὸν εἰ πεπίεκται, καὶ εἰ φαίη μὲν πεπιέχθαι, ἡσύχωσ δὲ, καὶ μάλιστα εἰ κατὰ τὸ κάτηγμα φαίη‧ τοιαῦτα τοίνυν φάναι χρὴ πεπρηγμένα διὰ τέλεοσ τὸν ὀρθῶσ ἐπιδεόμενον. Σημεῖα δὲ ταῦτα τῆσ μετριότητοσ, τὴν μὲν ἡμέρην ἣν ἂν ἐπιδεθῇ, καὶ τὴν νύκτα δοκείτω αὐτὸσ ἑωυτῷ μὴ ἐπὶ ἧσσον πεπιέχθαι, ἀλλ’ ἐπὶ μᾶλλον‧ τῇ δ’ ὑστεραίῃ οἰδημάτιον ἐλθεῖν ἐσ χεῖρα ἄκρην μαλθακόν‧ μετριότητοσ γὰρ σημεῖον τῆσ πιέξιόσ σου. Τελευτώσησ δὲ τῆσ ἡμέρησ, ἐπὶ ἧσσον δοκείτω πεπιέχθαι‧ τῇ δὲ τρίτῃ, χαλαρά σοι δοκείτω εἶναι τὰ ἐπιδέσματα. Κἢν μέν τι τούτων τῶν εἰρημένων ἐλλείπῃ, γινώσκειν χρὴ ὅτι χαλαρωτέρη ἡ ἐπίδεσισ τοῦ μετρίου‧ ἢν δέ τι τῶν εἰρημένων πλεονάζῃ, χρὴ γινώσκειν ὅτι μᾶλλον ἐπιέχθη τοῦ μετρίου‧ καὶ τουτέοισι σημαινόμενοσ, τὸ ὕστερον ἐπιδέων, ἢ χαλᾷν μᾶλλον, ἢ πιέζειν. Ἀπολύσαντα δὲ χρὴ τριταῖον ἐόντα, κατατεινάμενον καὶ διορθωσάμενον, αὖθισ ἐπιδῆσαι‧ κἢν μετρίωσ τὸ πρῶτον τετυχήκῃσ ἐπιδήσασ, ταύτην τὴν ἐπίδεσιν χρὴ ὀλίγῳ μᾶλλον ἢ ἐκείνην πιέσαι. Βάλλεσθαι δὲ χρὴ τὰσ ἀρχὰσ κατὰ τὸ κάτηγμα, ὥσπερ καὶ τὸ πρότερον‧ ἢν μὲν γὰρ τοῦτο πρότερον ἐπιδέῃσ, ἐξειρύαται ἐκ τούτου οἱ ἰχῶρεσ ἐσ τὰσ ἐσχατιὰσ ἔνθα καὶ ἔνθα‧ ἢν δέ τι ἄλλο πρότερον πιέζῃσ, ἐσ τοῦτο ἐξειρύαται ἐκ τοῦ πιεχθέντοσ‧ ἐσ πολλὰ δ’ εὔχρηστον τὸ ξυνιέναι. Οὕτωσ οὖν ἄρχεσθαι μὲν αἰεὶ χρὴ τὴν ἐπίδεσιν καὶ τὴν πίεξιν ἐκ τουτέου τοῦ χωρίου, τὰ δ’ ἄλλὰ κατὰ λόγον, ὡσ προσωτέρω ἀπὸ τοῦ κατήγματοσ ἀγάγῃσ, ἐπὶ ἧσσον τὴν πίεξιν ποιέεσθαι. Χαλαρὰ δὲ παντάπασι μηδέποτε περιβάλλειν, ἀλλὰ προσπεπτωκότα. Ἔπειτα δὲ πλείοσιν ὀθονίοισι χρὴ ἐπιδεῖν ἑκάστην τῶν ἐπιδεσίων. Ἐρωτώμενοσ δὲ φάτω ὀλίγῳ μᾶλλόν οἱ πεπιέχθαι, ἢ τὸ πρότερον, καὶ μάλιστα φάτω κατὰ τὸ κάτηγμα, καὶ τὰ ἄλλα δὲ κατὰ λόγον‧ καὶ ἀμφὶ τῷ οἰδήματι, καὶ ἀμφὶ τῷ πονέειν, καὶ ἀμφὶ τῷ Ῥῃί̈ζειν, κατὰ λόγον τῆσ προτέρησ ἐπιδέσιοσ γινέσθω. Ἐπὴν δὲ τριταῖοσ ᾖ, χαλαρώτερά οἱ δοκείτω εἶναι τὰ ἐπιδέσματα. Ἔπειτα ἀπολύσαντα χρὴ αὖθισ ἐπιδῆσαι, ὀλίγῳ μᾶλλον πιέζοντα, καὶ ἐν πᾶσι τοῖσιν ὀθονίοισιν οἷσί περ ἤμελλεν ἐπιδεῖσθαι‧ καὶ ἔπειτα αὐτὸν πάντα ταῦτα καταλαβέτω, ἅπερ καὶ ἐν τῇσι πρώτῃσι περιόδοισι τῶν ἐπιδεσίων.

일치하는 문장이 없습니다.

SEARCH

MENU NAVIGATION