헬라어 문장 검색 - Ηιπποξ́Οευϝρεσ́10́15́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 15.)

Ἐπὴν δὲ κνήμησ ὀστέα ἀμφότερα καταγῇ ἄνευ ἑλκώσιοσ, κατατάσιοσ ἰσχυροτέρησ δεῖται. Ὅταν δὲ δὴ ἱκανῶσ καταταθῇ, Ῥηί̈διον ἤδη κατορθώσασθαι τὰ ὀστέα καὶ ἐσ τὴν φύσιν ἀγαγεῖν, τοῖσι θέναρσι τῶν χειρέων ἀπευθύνοντα καὶ ἐξευκρινέοντα. Τείνειν δὲ τουτέων τῶν τρόπων ἐνίοισι τῶν προειρημένων, ἢν μεγάλαι αἱ παραλλάξιεσ ἐώσιν. Ἱκαναὶ δὲ καὶ αἱ ἀπὸ τῶν ἀνδρῶν κατατάσιεσ‧ τὰ πλεῖστα γὰρ ἀρκέοιεν ἂν δύο ἄνδρεσ ἐῤῬωμένοι, ὁ μὲν ἔνθεν, ὁ δ’ ἔνθεν ἀντιτείνοντεσ. Τείνειν δὲ ἐσ τὸ ἰθὺ χρὴ κατὰ φύσιν καὶ κατὰ τὴν ἰθυωρίην τῆσ κνήμησ καὶ τοῦ μηροῦ, καὶ ἢν κνήμησ ὀστέα κατεηγυίησ κατατείνῃσ, καὶ ἢν μηροῦ. Καὶ ἐπιδεῖν δὲ οὕτωσ, ἐκτεταμένων ἀμφοτέρων, ὁκότερον ἂν τουτέων ἐπιδέῃσ‧ οὐ γὰρ ταὐτὰ ξυμφέρει σκέλει τε καὶ χειρί. Πήχεοσ μὲν γὰρ καὶ βραχίονοσ ἐπὴν ἐπιδεθῶσιν ὀστέα κατεηγότα, ἀναλαμβάνεται ἡ χεὶρ, καὶ ἢν ἐκτεταμένα ἐπιδέῃσ, τὰ σχήματα τῶν σαρκῶν ἑτεροιοῦται ἐν τῇ ξυγκάμψει τοῦ ἀγκῶνοσ‧ ἀδύνατοσ γὰρ ὁ ἀγκὼν ἐκτετάσθαι πουλὺν χρόνον‧ οὐ γὰρ πολλάκισ ἐν τοιούτῳ εἴθισται ἐσχηματίσθαι, ἀλλ’ ἐν τῷ ξυγκεκάμφθαι‧ καὶ δὴ καὶ ἅτε δυνάμενοι οἱ ἄνθρωποι περιιέναι, ἐπὴν κατὰ χεῖρα τρωθῶσι, ξυγκεκάμφθαι κατὰ τὸν ἀγκῶνα δέονται. Σκέλοσ δὲ ἔν τε τῇσιν ὁδοιπορίῃσιν καὶ ἐν τῷ ἑστάναι εἴθισται ὁτὲ μὲν ἐκτετάσθαι, ὁτὲ δὲ σμικροῦ δεῖν ἐκτετάσθαι‧ καὶ εἴθισται καθεῖσθαι ἐσ τὸ κάτω κατὰ φύσιν, καὶ δὴ καὶ πρὸσ τὸ ὀχέειν τὸ ἄλλο σῶμα‧ διὰ τοῦτο εὔφορον αὐτῷ ἐστι τὸ ἐκτετάσθαι, ὅταν ἀνάγκη ἔχῃ‧ καὶ δὴ καὶ ἐν τῇσι κοίτῃσι πολλάκισ ἐν τῷ σχήματι τουτέῳ ἐστίν‧ ἐπὴν δὲ δὴ τρωθῇ, ἀνάγκη καταδουλοῦται τὴν γνώμην, ὅτι ἀδύνατοι μετεωρίζεσθαι γίνονται, ὥστε οὐδὲ μέμνηνται περὶ τοῦ ξυγκαμφθῆναι καὶ ἀναστῆναι, ἀλλὰ ἀτρεμέουσιν ἐν τουτέῳ τῷ σχήματι κείμενοι. Διὰ οὖν ταύτασ τὰσ προφάσιασ χειρὸσ καὶ σκέλεοσ, οὔτε ἡ κατάτασισ, οὔτε ἡ ἐπίδεσισ τοῦ σχήματοσ ξυμφέρει ἡ αὐτή. Ἢν μὲν οὖν ἱκανὴ ἡ κατάτασισ ἡ ἀπὸ τῶν ἀνδρῶν ᾖ, οὐ δεῖ μάτην πονέεσθαι‧ καὶ γὰρ σολοικότερον μηχανοποιέειν μηδὲν δέον‧ ἢν δὲ μὴ ἱκανὴ ἡ κατάτασισ ἡ ἀπὸ τῶν ἀνδρῶν, καὶ τῶν ἄλλων τινὰ τῶν ἀναγκέων προσφέρειν, ἥν τινά γε προσχωρέοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 15.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 15.)

상위

목록

SEARCH

MENU NAVIGATION