헬라어 문장 검색 - ΧενοπήΩορκσον́2́16́

(크세노폰, Works on Socrates, Οἰκονομικός, chapter 16)

πρῶτον μὲν τοίνυν, ἔφη, ὦ Σώκρατεσ, τοῦτο ἐπιδεῖξαι βούλομαί σοι ὡσ οὐ χαλεπόν ἐστιν ὃ λέγουσι ποικιλώτατον τῆσ γεωργίασ εἶναι οἱ λόγῳ μὲν ἀκριβέστατα αὐτὴν διεξιόντεσ, ἥκιστα δὲ ἐργαζόμενοι. φασὶ γὰρ τὸν μέλλοντα ὀρθῶσ γεωργήσειν τὴν φύσιν χρῆναι πρῶτον τῆσ γῆσ εἰδέναι.

ὀρθῶσ γε, ἔφην ἐγώ, ταῦτα λέγοντεσ. ὁ γὰρ μὴ εἰδὼσ ὅ τι δύναται ἡ γῆ φέρειν, οὐδ’ ὅ τι σπείρειν οἶμαι οὐδ’ ὅ τι φυτεύειν δεῖ εἰδείη ἄν. οὐκοῦν, ἔφη ὁ Ἰσχόμαχοσ, καὶ ἀλλοτρίασ γῆσ τοῦτο ἔστι γνῶναι, ὅ τι τε δύναται φέρειν καὶ ὅ τι μὴ δύναται, ὁρῶντα τοὺσ καρποὺσ καὶ τὰ δένδρα.

ἐπειδὰν μέντοι γνῷ τισ, οὐκέτι συμφέρει θεομαχεῖν. οὐ γὰρ ἄν, ὅτου δέοιτο αὐτόσ, τοῦτο σπείρων καὶ φυτεύων μᾶλλον ἂν ἔχοι τὰ ἐπιτήδεια ἢ ὅ τι ἡ γῆ ἥδοιτο φύουσα καὶ τρέφουσα. ἂν δ’ ἄρα δι’ ἀργίαν τῶν ἐχόντων αὐτὴν μὴ ἔχῃ τὴν ἑαυτῆσ δύναμιν ἐπιδεικνύναι, ἔστι καὶ παρὰ γείτονοσ τόπου πολλάκισ ἀληθέστερα περὶ αὐτῆσ γνῶναι ἢ παρὰ γείτονοσ ἀνθρώπου πυθέσθαι.

καὶ χερσεύουσα δὲ ὅμωσ ἐπιδείκνυσι τὴν αὑτῆσ φύσιν·

ἡ γὰρ τὰ ἄγρια καλὰ φύουσα δύναται θεραπευομένη καὶ τὰ ἥμερα καλὰ ἐκφέρειν. φύσιν μὲν δὴ γῆσ οὕτωσ καὶ οἱ μὴ πάνυ ἔμπειροι γεωργίασ ὅμωσ δύνανται διαγιγνώσκειν. ἀλλὰ τοῦτο μέν, ἔφην ἐγώ, ὦ Ἰσχόμαχε, ἱκανῶσ ἤδη μοι δοκῶ ἀποτεθαρρηκέναι, ὡσ οὐ δεῖ φοβούμενον μὴ οὐ γνῶ τῆσ γῆσ φύσιν ἀπέχεσθαι γεωργίασ.

καὶ γὰρ δή, ἔφην, ἀνεμνήσθην τὸ τῶν ἁλιέων, ὅτι θαλαττουργοὶ ὄντεσ καὶ οὔτε καταστήσαντεσ ἐπὶ θέαν οὔθ’ ἥσυχοι βαδίζοντεσ, ἀλλὰ παρατρέχοντεσ ἅμα τοὺσ ἀγρούσ, ὅταν ὁρῶσι τοὺσ καρποὺσ ἐν τῇ γῇ, ὅμωσ οὐκ ὀκνοῦσιν ἀποφαίνεσθαι περὶ τῆσ γῆσ ὁποία τε ἀγαθή ἐστι καὶ ὁποία κακή, ἀλλὰ τὴν μὲν ψέγουσι, τὴν δ’ ἐπαινοῦσι.

καὶ πάνυ τοίνυν τοῖσ ἐμπείροισ γεωργίασ ὁρῶ αὐτοὺσ τὰ πλεῖστα κατὰ ταὐτὰ ἀποφαινομένουσ περὶ τῆσ ἀγαθῆσ γῆσ. πόθεν οὖν βούλῃ, ἔφη, ὦ Σώκρατεσ, ἄρξωμαί σε τῆσ γεωργίασ ὑπομιμνῄσκειν;

οἶδα γὰρ ὅτι ἐπισταμένῳ σοι πάνυ πολλὰ φράσω ὡσ δεῖ γεωργεῖν. ἐκεῖνό μοι δοκῶ, ἔφην ἐγώ, ὦ Ἰσχόμαχε, πρῶτον ἂν ἡδέωσ μανθάνειν φιλοσόφου γὰρ μάλιστά ἐστιν ἀνδρόσ ὅπωσ ἂν ἐγώ, εἰ βουλοίμην, γῆν ἐργαζόμενοσ πλείστασ κριθὰσ καὶ πλείστουσ πυροὺσ λαμβάνοιμι.

οὐκοῦν τοῦτο μὲν οἶσθα, ὅτι τῷ σπόρῳ νεὸν δεῖ ὑπεργάζεσθαι;

οἶδα γάρ, ἔφην ἐγώ.

εἰ οὖν ἀρχοίμεθα, ἔφη, ἀροῦν τὴν γῆν χειμῶνοσ; ἀλλὰ πηλὸσ ἂν εἰή, ἐγὼ ἔφην. ἀλλὰ τοῦ θέρουσ σοι δοκεῖ; σκληρά, ἔφην ἐγώ, ἡ γῆ ἔσται κινεῖν τῷ ζεύγει. κινδυνεύει ἐάροσ, ἔφη, εἶναι τούτου τοῦ ἔργου ἀρκτέον.

εἰκὸσ γάρ, ἔφην ἐγώ, ἐστι μάλιστα χεῖσθαι τὴν γῆν τηνικαῦτα κινουμένην. καὶ τὴν πόαν γε ἀναστρεφομένην, ἔφη, ὦ Σώκρατεσ, τηνικαῦτα κόπρον μὲν τῇ γῇ ἤδη παρέχειν, καρπὸν δ’ οὔπω καταβαλεῖν ὥστε φύεσθαι. οἶμαι γὰρ δὴ καὶ τοῦτό σ’ ἔτι γιγνώσκειν, ὅτι εἰ μέλλει ἀγαθὴ ἡ νεὸσ ἔσεσθαι, ὕλησ τε καθαρὰν αὐτὴν εἶναι δεῖ καὶ ὀπτὴν ὅτι μάλιστα πρὸσ τὸν ἥλιον.

πάνυ γε, ἔφην ἐγώ, καὶ ταῦτα οὕτωσ ἡγοῦμαι χρῆναι ἔχειν. ταῦτ’ οὖν, ἔφη, σὺ ἄλλωσ πωσ νομίζεισ μᾶλλον ἂν γίγνεσθαι ἢ εἰ ἐν τῷ θέρει ὅτι πλειστάκισ μεταβάλοι τισ τὴν γῆν;

οἶδα μὲν οὖν, ἔφην, ἀκριβῶσ ὅτι οὐδαμῶσ ἂν μᾶλλον ἡ μὲν ὕλη ἐπιπολάζοι καὶ αὐαίνοιτο ὑπὸ τοῦ καύματοσ, ἡ δὲ γῆ ὀπτῷτο ὑπὸ τοῦ ἡλίου, ἢ εἴ τισ αὐτὴν ἐν μέσῳ τῷ θέρει καὶ ἐν μέσῃ τῇ ἡμέρᾳ κινοίη τῷ ζεύγει. εἰ δὲ ἄνθρωποι σκάπτοντεσ τὴν νεὸν ποιοῖεν, ἔφη, οὐκ εὔδηλον ὅτι καὶ τούτουσ δίχα δεῖ ποιεῖν τὴν γῆν καὶ τὴν ὕλην;

καὶ τὴν μέν γε ὕλην, ἔφην ἐγώ, καταβάλλειν, ὡσ αὐαίνηται, ἐπιπολῆσ, τὴν δὲ γῆν στρέφειν, ὡσ ἡ ὠμὴ αὐτῆσ ὀπτᾶται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 16

(크세노폰, Works on Socrates, Οἰκονομικός, chapter 16)

상위

목록

SEARCH

MENU NAVIGATION