헬라어 문장 검색 - ΧενοπήΩορκσον́2́05́

(크세노폰, Works on Socrates, Οἰκονομικός, chapter 5)

ταῦτα δέ, ὦ Κριτόβουλε, ἐγὼ διηγοῦμαι, ἔφη ὁ Σωκράτησ, ὅτι τῆσ γεωργίασ οὐδ’ οἱ πάνυ μακάριοι δύνανται ἀπέχεσθαι. ἐοίκε γὰρ ἡ ἐπιμέλεια αὐτῆσ εἶναι ἅμα τε ἡδυπάθειά τισ καὶ οἴκου αὔξησισ καὶ σωμάτων ἄσκησισ εἰσ τὸ δύνασθαι ὅσα ἀνδρὶ ἐλευθέρῳ προσήκει. πρῶτον μὲν γὰρ ἀφ’ ὧν ζῶσιν οἱ ἄνθρωποι, ταῦτα ἡ γῆ φέρει ἐργαζομένοισ, καὶ ἀφ’ ὧν τοίνυν ἡδυπαθοῦσι, προσεπιφέρει·

ἔπειτα δὲ ὅσοισ κοσμοῦσι βωμοὺσ καὶ ἀγάλματα καὶ οἷσ αὐτοὶ κοσμοῦνται, καὶ ταῦτα μετὰ ἡδίστων ὀσμῶν καὶ θεαμάτων παρέχει·

ἔπειτα δὲ ὄψα πολλὰ τὰ μὲν φύει, τὰ δὲ τρέφει· καὶ γὰρ ἡ προβατευτικὴ τέχνη συνῆπται τῇ γεωργίᾳ, ὥστε ἔχειν καὶ θεοὺσ ἐξαρέσκεσθαι θύοντασ καὶ αὐτοὺσ χρῆσθαι. παρέχουσα δ’ ἀφθονώτατα τἀγαθὰ οὐκ ἐᾷ ταῦτα μετὰ μαλακίασ λαμβάνειν, ἀλλὰ ψύχη τε χειμῶνοσ καὶ θάλπη θέρουσ ἐθίζει καρτερεῖν.

καὶ τοὺσ μὲν αὐτουργοὺσ διὰ τῶν χειρῶν γυμνάζουσα ἰσχὺν αὐτοῖσ προστίθησι, τοὺσ δὲ τῇ ἐπιμελείᾳ γεωργοῦντασ ἀνδρίζει πρῴ τε ἐγείρουσα καὶ πορεύεσθαι σφοδρῶσ ἀναγκάζουσα. καὶ γὰρ ἐν τῷ χώρῳ καὶ ἐν τῷ ἄστει ἀεὶ ἐν ὡρ́ᾳ αἱ ἐπικαιριώταται πράξεισ εἰσίν. ἔπειτα ἄν τε σὺν ἵππῳ ἀρήγειν τισ τῇ πόλει βούληται, τὸν ἵππον ἱκανωτάτη ἡ γεωργία συντρέφειν, ἄν τε πεζῇ, σφοδρὸν τὸ σῶμα παρέχει·

θήραισ τε ἐπιφιλοπονεῖσθαι συνεπαίρει τι ἡ γῆ καὶ κυσὶν εὐπέτειαν τροφῆσ παρέχουσα καὶ θηρία συμπαρατρέφουσα. ὠφελούμενοι δὲ καὶ οἱ ἵπποι καὶ αἱ κύνεσ ἀπὸ τῆσ γεωργίασ ἀντωφελοῦσι τὸν χῶρον, ὁ μὲν ἵπποσ πρῴ τε κομίζων τὸν κηδόμενον εἰσ τὴν ἐπιμέλειαν καὶ ἐξουσίαν παρέχων ὀψὲ ἀπιέναι, αἱ δὲ κύνεσ τά τε θηρία ἀπερύκουσαι ἀπὸ λύμησ καρπῶν καὶ προβάτων καὶ τῇ ἐρημίᾳ τὴν ἀσφάλειαν συμπαρέχουσαι.

παρορμᾷ δέ τι καὶ εἰσ τὸ ἀρήγειν σὺν ὅπλοισ τῇ χώρᾳ καὶ ἡ γῆ τοὺσ γεωργοὺσ ἐν τῷ μέσῳ τοὺσ καρποὺσ τρέφουσα τῷ κρατοῦντι λαμβάνειν.

καὶ δραμεῖν δὲ καὶ βαλεῖν καὶ πηδῆσαι τίσ ἱκανωτέρουσ τέχνη γεωργίασ παρέχεται;

τίσ δὲ τοῖσ ἐργαζομένοισ πλείω τέχνη ἀντιχαρίζεται; τίσ δὲ ἥδιον τὸν ἐπιμελόμενον δέχεται προτείνουσα προσιόντι λαβεῖν ὅ τι χρῄζει; τίσ δὲ ξένουσ ἀφθονώτερον δέχεται;

χειμάσαι δὲ πυρὶ ἀφθόνῳ καὶ θερμοῖσ λουτροῖσ ποῦ πλείων εὐμάρεια ἢ ἐν χώρῳ τῳ; ποῦ δὲ ἥδιον θερίσαι ὕδασί τε καὶ πνεύμασι καὶ σκιαῖσ ἢ κατ’ ἀγρόν; τίσ δὲ ἄλλη θεοῖσ ἀπαρχὰσ πρεπωδεστέρασ παρέχει ἢ ἑορτὰσ πληρεστέρασ ἀποδεικνύει;

τίσ δὲ οἰκέταισ προσφιλεστέρα ἢ γυναικὶ ἡδίων ἢ τέκνοισ ποθεινοτέρα ἢ φίλοισ εὐχαριστοτέρα; ἐμοὶ μὲν θαυμαστὸν δοκεῖ εἶναι εἴ τισ ἐλεύθεροσ ἄνθρωποσ ἢ κτῆμά τι τούτου ἥδιον κέκτηται ἢ ἐπιμέλειαν ἡδίω τινὰ ταύτησ ηὑρ́ηκεν ἢ ὠφελιμωτέραν εἰσ τὸν βίον.

ἔτι δὲ ἡ γῆ θεὸσ οὖσα τοὺσ δυναμένουσ καταμανθάνειν καὶ δικαιοσύνην διδάσκει·

τοὺσ γὰρ ἄριστα θεραπεύοντασ αὐτὴν πλεῖστα ἀγαθὰ ἀντιποιεῖ. ἐὰν δ’ ἄρα καὶ ὑπὸ πλήθουσ ποτὲ στρατευμάτων τῶν ἔργων στερηθῶσιν οἱ ἐν τῇ γεωργίᾳ ἀναστρεφόμενοι καὶ σφοδρῶσ καὶ ἀνδρικῶσ παιδευόμενοι, οὗτοι εὖ παρεσκευασμένοι καὶ τὰσ ψυχὰσ καὶ τὰ σώματα, ἂν μὴ θεὸσ ἀποκωλύῃ, δύνανται ἰόντεσ εἰσ τὰσ τῶν ἀποκωλυόντων λαμβάνειν ἀφ’ ὧν θρέψονται.

πολλάκισ δ’ ἐν τῷ πολέμῳ καὶ ἀσφαλέστερόν ἐστι σὺν τοῖσ ὅπλοισ τὴν τροφὴν μαστεύειν ἢ σὺν τοῖσ γεωργικοῖσ ὀργάνοισ. συμπαιδεύει δὲ καὶ εἰσ τὸ ἐπαρκεῖν ἀλλήλοισ ἡ γεωργία.

ἐπί τε γὰρ τοὺσ πολεμίουσ σὺν ἀνθρώποισ δεῖ ἰέναι, τῆσ τε γῆσ σὺν ἀνθρώποισ ἐστὶν ἡ ἐργασία. τὸν οὖν μέλλοντα εὖ γεωργήσειν δεῖ τοὺσ ἐργαστῆρασ καὶ προθύμουσ παρασκευάζειν καὶ πείθεσθαι θέλοντασ·

τὸν δὲ ἐπὶ πολεμίουσ ἄγοντα ταὐτὰ δεῖ μηχανᾶσθαι δωρούμενόν τε τοῖσ ποιοῦσιν ἃ δεῖ ποιεῖν τοὺσ ἀγαθοὺσ καὶ κολάζοντα τοὺσ ἀτακτοῦντασ. καὶ παρακελεύεσθαι δὲ πολλάκισ οὐδὲν ἧττον δεῖ τοῖσ ἐργάταισ τὸν γεωργὸν ἢ τὸν στρατηγὸν τοῖσ στρατιώταισ·

καὶ ἐλπίδων δὲ ἀγαθῶν οὐδὲν ἧττον οἱ δοῦλοι τῶν ἐλευθέρων δέονται, ἀλλὰ καὶ μᾶλλον, ὅπωσ μένειν ἐθέλωσι. καλῶσ δὲ κἀκεῖνοσ εἶπεν ὃσ ἔφη τὴν γεωργίαν τῶν ἄλλων τεχνῶν μητέρα καὶ τροφὸν εἶναι.

εὖ μὲν γὰρ φερομένησ τῆσ γεωργίασ ἔρρωνται καὶ αἱ ἄλλαι τέχναι ἅπασαι, ὅπου δ’ ἂν ἀναγκασθῇ ἡ γῆ χερσεύειν, ἀποσβέννυνται καὶ αἱ ἄλλαι τέχναι σχεδόν τι καὶ κατὰ γῆν καὶ κατὰ θάλατταν. ἀκούσασ δὲ ταῦτα ὁ Κριτόβουλοσ εἶπεν·

ἀλλὰ ταῦτα μὲν ἔμοιγε, ὦ Σώκρατεσ, καλῶσ δοκεῖσ λέγειν· ὅτι δὲ τῆσ γεωργικῆσ τὰ πλεῖστά ἐστιν ἀνθρώπῳ ἀδύνατα προνοῆσαι, <δῆλον· > καὶ γὰρ χάλαζαι καὶ πάχναι ἐνίοτε καὶ αὐχμοὶ καὶ ὄμβροι ἐξαίσιοι καὶ ἐρυσῖβαι καὶ ἄλλα πολλάκισ τὰ καλῶσ ἐγνωσμένα καὶ πεποιημένα ἀφαιροῦνται· καὶ πρόβατα δ’ ἐνίοτε κάλλιστα τεθραμμένα νόσοσ ἐλθοῦσα κάκιστα ἀπώλεσεν. ἀκούσασ δὲ ταῦτα ὁ Σωκράτησ εἶπεν·

ἀλλ’ ᾤμην ἔγωγέ σε, ὦ Κριτόβουλε, εἰδέναι ὅτι οἱ θεοὶ οὐδὲν ἧττόν εἰσι κύριοι τῶν ἐν τῇ γεωργίᾳ ἔργων ἢ τῶν ἐν τῷ πολέμῳ. καὶ τοὺσ μὲν ἐν τῷ πολέμῳ ὁρᾷσ, οἶμαι, πρὸ τῶν πολεμικῶν πράξεων ἐξαρεσκομένουσ τοὺσ θεοὺσ καὶ ἐπερωτῶντασ θυσίαισ καὶ οἰωνοῖσ ὅ τι τε χρὴ ποιεῖν καὶ ὅ τι μή· περὶ δὲ τῶν γεωργικῶν πράξεων ἧττον οἰεί δεῖν τοὺσ θεοὺσ ἱλάσκεσθαι;

εὖ γὰρ ἴσθι, ἔφη, ὅτι οἱ σώφρονεσ καὶ ὑπὲρ ὑγρῶν καὶ ξηρῶν καρπῶν καὶ βοῶν καὶ ἵππων καὶ προβάτων καὶ ὑπὲρ πάντων γε δὴ τῶν κτημάτων τοὺσ θεοὺσ θεραπεύουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 5

(크세노폰, Works on Socrates, Οἰκονομικός, chapter 5)

상위

목록

SEARCH

MENU NAVIGATION