헬라어 문장 검색 - ΧενοπήΩορκσον́2́10́

(크세노폰, Works on Socrates, Οἰκονομικός, chapter 10)

καὶ ἐγὼ ἀκούσασ, ἔφη ὁ Σωκράτησ, ἀποκρίνασθαι τὴν γυναῖκα αὐτῷ ταῦτα, εἶπον· νὴ τὴν Ἥραν, ἔφην, ὦ Ἰσχόμαχε, ἀνδρικήν γε ἐπιδεικνύεισ τὴν διάνοιαν τῆσ γυναικόσ. καὶ ἄλλα τοίνυν, ἔφη ὁ Ἰσχόμαχοσ, θέλω σοι πάνυ μεγαλόφρονα αὐτῆσ διηγήσασθαι, ἅ μου ἅπαξ ἀκούσασα ταχὺ ἐπείθετο. τὰ ποῖα; ἔφην ἐγώ· λέγε· ὡσ ἐμοὶ πολὺ ἥδιον ζώσησ ἀρετὴν γυναικὸσ καταμανθάνειν ἢ εἰ Ζεῦξίσ μοι καλὴν εἰκάσασ γραφῇ γυναῖκα ἐπεδείκνυεν. ἐντεῦθεν δὴ λέγει ὁ Ἰσχόμαχοσ·

εἰπέ μοι, ἔφην, ὦ γύναι, ποτέρωσ ἄν με κρίναισ ἀξιοφίλητον μᾶλλον εἶναι χρημάτων κοινωνόν, εἴ σοι αὐτὰ τὰ ὄντα ἀποδεικνύοιμι, καὶ μήτε κομπάζοιμι ὡσ πλείω τῶν ὄντων ἔστι μοι, μήτε ἀποκρυπτοίμην τι τῶν ὄντων μηδέν, ἢ εἰ πειρῴμην σε ἐξαπατᾶν λέγων τε ὡσ πλείω ἔστι μοι τῶν ὄντων, ἐπιδεικνύσ τε ἀργύριον κίβδηλον δηλοίην σε καὶ ὁρ́μουσ ὑποξύλουσ καὶ πορφυρίδασ ἐξιτήλουσ φαίην ἀληθινὰσ εἶναι;

καὶ ὑπολαβοῦσα εὐθύσ, εὐφήμει, ἔφη·

μὴ γένοιο σὺ τοιοῦτοσ· οὐ γὰρ ἂν ἔγωγέ σε δυναίμην, εἰ τοιοῦτοσ εἰήσ, ἀσπάσασθαι ἐκ τῆσ ψυχῆσ. οὐκοῦν, ἔφην ἐγώ, συνεληλύθαμεν, ὦ γύναι, ὡσ καὶ τῶν σωμάτων κοινωνήσοντεσ ἀλλήλοισ; φασὶ γοῦν, ἔφη, οἱ ἄνθρωποι. ποτέρωσ ἂν οὖν, ἔφην ἐγώ, τοῦ σώματοσ αὖ δοκοίην εἶναι ἀξιοφίλητοσ μᾶλλον κοινωνόσ, εἴ σοι τὸ σῶμα πειρῴμην παρέχειν τὸ ἐμαυτοῦ ἐπιμελόμενοσ ὅπωσ ὑγιαῖνόν τε καὶ ἐρρωμένον ἔσται, καὶ διὰ ταῦτα τῷ ὄντι εὔχρωσ σοι ἔσομαι, ἢ εἴ σοι μίλτῳ ἀλειφόμενοσ καὶ τοὺσ ὀφθαλμοὺσ ὑπαλειφόμενοσ ἀνδρεικέλῳ ἐπιδεικνύοιμί τε ἐμαυτὸν καὶ συνείην ἐξαπατῶν σε καὶ παρέχων ὁρᾶν καὶ ἅπτεσθαι μίλτου ἀντὶ τοῦ ἐμαυτοῦ χρωτόσ;

ἐγὼ μέν, ἔφη ἐκείνη, οὔτ’ ἂν μίλτου ἁπτοίμην ἥδιον ἢ σοῦ οὔτ’ ἂν ἀνδρεικέλου χρῶμα ὁρῴην ἥδιον ἢ τὸ σὸν οὔτ’ ἂν τοὺσ ὀφθαλμοὺσ ὑπαληλιμμένουσ ἥδιον ὁρῴην τοὺσ σοὺσ ἢ ὑγιαίνοντασ.

καὶ ἐμὲ τοίνυν νόμιζε, εἰπεῖν ἔφη ὁ Ἰσχόμαχοσ, ὦ γύναι, μήτε ψιμυθίου μήτε ἐγχούσησ χρώματι ἥδεσθαι μᾶλλον ἢ τῷ σῷ, ἀλλ’ ὥσπερ οἱ θεοὶ ἐποίησαν ἵπποισ μὲν ἵππουσ, βουσὶ δὲ βοῦσ ἥδιστον, προβάτοισ δὲ πρόβατα, οὕτω καὶ οἱ ἄνθρωποι ἀνθρώπου σῶμα καθαρὸν οἰόνται ἥδιστον εἶναι·

αἱ δ’ ἀπάται αὗται τοὺσ μὲν ἔξω πωσ δύναιντ’ ἂν ἀνεξελέγκτωσ ἐξαπατᾶν, συνόντασ δὲ ἀεὶ ἀνάγκη ἁλίσκεσθαι, ἂν ἐπιχειρῶσιν ἐξαπατᾶν ἀλλήλουσ.

ἢ γὰρ ἐξ εὐνῆσ ἁλίσκονται ἐξανιστάμενοι πρὶν παρασκευάσασθαι ἢ ὑπὸ ἱδρῶτοσ ἐλέγχονται ἢ ὑπὸ δακρύων βασανίζονται ἢ ὑπὸ λουτροῦ ἀληθινῶσ κατωπτεύθησαν. τί οὖν πρὸσ θεῶν, ἔφην ἐγώ, πρὸσ ταῦτα ἀπεκρίνατο;

τί δέ, ἔφη, εἰ μὴ τοῦ <γε> λοιποῦ τοιοῦτον μὲν οὐδὲν πώποτε ἔτι ἐπραγματεύσατο, καθαρὰν δὲ καὶ πρεπόντωσ ἔχουσαν ἐπειρᾶτο ἑαυτὴν ἐπιδεικνύναι. καὶ ἐμὲ μέντοι ἠρώτα εἴ τι ἔχοιμι συμβουλεῦσαι ὡσ ἂν τῷ ὄντι καλὴ φαίνοιτο, ἀλλὰ μὴ μόνον δοκοίη. καὶ ἐγὼ μέντοι, ὦ Σώκρατεσ, ἔφη, συνεβούλευον αὐτῇ μὴ δουλικῶσ ἀεὶ καθῆσθαι, ἀλλὰ σὺν τοῖσ θεοῖσ πειρᾶσθαι δεσποτικῶσ πρὸσ μὲν τὸν ἱστὸν προσστᾶσαν ὅ τι μὲν βέλτιον ἄλλου ἐπίσταιτο ἐπιδιδάξαι, ὅ τι δὲ χεῖρον ἐπιμαθεῖν, ἐπισκέψασθαι δὲ καὶ σιτοποιόν, παραστῆναι δὲ καὶ ἀπομετρούσῃ τῇ ταμίᾳ, περιελθεῖν δ’ ἐπισκοπουμένην καὶ εἰ κατὰ χώραν ἔχει ᾗ δεῖ ἕκαστα.

ταῦτα γὰρ ἐδόκει μοι ἅμα ἐπιμέλεια εἶναι καὶ περίπατοσ. ἀγαθὸν δὲ ἔφην εἶναι γυμνάσιον καὶ τὸ δεῦσαι καὶ μάξαι καὶ ἱμάτια καὶ στρώματα ἀνασεῖσαι καὶ συνθεῖναι.

γυμναζομένην δὲ ἔφην οὕτωσ ἂν καὶ ἐσθίειν ἥδιον καὶ ὑγιαίνειν μᾶλλον καὶ εὐχροωτέραν φαίνεσθαι τῇ ἀληθείᾳ. καὶ ὄψισ δέ, ὁπόταν ἀνταγωνίζηται διακόνῳ καθαρωτέρα οὖσα πρεπόντωσ τε μᾶλλον ἠμφιεσμένη, κινητικὸν γίγνεται ἄλλωσ τε καὶ ὁπόταν τὸ ἑκοῦσαν χαρίζεσθαι προσῇ ἀντὶ τοῦ ἀναγκαζομένην ὑπηρετεῖν.

αἱ δ’ ἀεὶ καθήμεναι σεμνῶσ πρὸσ τὰσ κεκοσμημένασ καὶ ἐξαπατώσασ κρίνεσθαι παρέχουσιν ἑαυτάσ.

καὶ νῦν, ἔφη, ὦ Σώκρατεσ, οὕτωσ εὖ ἴσθι ἡ γυνή μου κατεσκευασμένη βιοτεύει ὥσπερ ἐγὼ ἐδίδασκον αὐτὴν καὶ ὥσπερ νῦν σοι λέγω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 10

(크세노폰, Works on Socrates, Οἰκονομικός, chapter 10)

상위

목록

SEARCH

MENU NAVIGATION