헬라어 문장 검색 - ΧενοπήΩορκσον́2́15́

(크세노폰, Works on Socrates, Οἰκονομικός, chapter 15)

ἀλλὰ μέντοι ἐπειδάν γε ἐμποιήσῃσ τινὶ τὸ βούλεσθαί σοι εἶναι τἀγαθά, ἐμποιήσῃσ δὲ τῷ αὐτῷ τούτῳ <τὸ> ἐπιμελεῖσθαι ὅπωσ ταῦτά σοι ἐπιτελῆται, ἔτι δὲ πρὸσ τούτοισ ἐπιστήμην κτήσῃ αὐτῷ ὡσ ἂν ποιούμενα ἕκαστα τῶν ἔργων ὠφελιμώτερα γίγνοιτο, πρὸσ δὲ τούτοισ ἄρχειν ἱκανὸν αὐτὸν ποιήσῃσ, ἐπὶ δὲ τούτοισ πᾶσιν ἥδηταί σοι τὰ ἐκ τῆσ γῆσ ὡραῖα ἀποδεικνύων ὅτι πλεῖστα ὥσπερ σὺ σαυτῷ, οὐκέτι ἐρήσομαι περὶ τούτου εἰ ἔτι τινὸσ ὁ τοιοῦτοσ προσδεῖται· πάνυ γάρ μοι δοκεῖ ἤδη πολλοῦ ἂν ἄξιοσ εἶναι ἐπίτροποσ ὢν τοιοῦτοσ. ἐκεῖνο μέντοι, ἔφην ἐγώ, ὦ Ἰσχόμαχε, μὴ ἀπολίπῃσ, ὃ ἡμῖν ἀργότατα ἐπιδεδράμηται τοῦ λόγου. τὸ ποῖον;

ἔφη ὁ Ἰσχόμαχοσ. ἔλεξασ δήπου, ἔφην ἐγώ, ὅτι μέγιστον εἰή μαθεῖν ὅπωσ δεῖ ἐξεργάζεσθαι ἕκαστα· εἰ δὲ μή, οὐδὲ τῆσ ἐπιμελείασ ἔφησθα ὄφελοσ οὐδὲν γίγνεσθαι, εἰ μή τισ ἐπίσταιτο ἃ δεῖ καὶ ὡσ δεῖ ποιεῖν. ἐνταῦθα δὴ εἶπεν ὁ Ἰσχόμαχοσ·

τὴν τέχνην με ἤδη, ὦ Σώκρατεσ, κελεύεισ αὐτὴν διδάσκειν τῆσ γεωργίασ; αὕτη γὰρ ἴσωσ, ἔφην ἐγώ, ἤδη ἐστὶν ἡ ποιοῦσα τοὺσ μὲν ἐπισταμένουσ αὐτὴν πλουσίουσ, τοὺσ δὲ μὴ ἐπισταμένουσ πολλὰ πονοῦντασ ἀπόρωσ βιοτεύειν. νῦν τοίνυν, ἔφη, ὦ Σώκρατεσ, καὶ τὴν φιλανθρωπίαν ταύτησ τῆσ τέχνησ ἀκούσῃ.

τὸ γὰρ ὠφελιμωτάτην οὖσαν καὶ ἡδίστην ἐργάζεσθαι καὶ καλλίστην καὶ προσφιλεστάτην θεοῖσ τε καὶ ἀνθρώποισ, ἔτι πρὸσ τούτοισ καὶ ῥᾴστην εἶναι μαθεῖν πῶσ οὐχὶ γενναῖόν ἐστι; γενναῖα δὲ δήπου καλοῦμεν καὶ τῶν ζῴων ὁπόσα καλὰ καὶ μεγάλα καὶ ὠφέλιμα ὄντα πραέα ἐστὶ πρὸσ τοὺσ ἀνθρώπουσ. ἀλλὰ ταῦτα μὲν ἐγώ, ἔφην, ὦ Ἰσχόμαχε, ἱκανῶσ δοκῶ καταμεμαθηκέναι ᾗ εἶπασ, καθ’ ἃ δεῖ διδάσκειν τὸν ἐπίτροπον·

καὶ γὰρ ᾗ ἔφησθα εὔνουν σοι ποιεῖν αὐτὸν μαθεῖν δοκῶ, καὶ ᾗ ἐπιμελῆ καὶ ἀρχικὸν καὶ δίκαιον. ὃ δὲ εἶπασ ὡσ δεῖ μαθεῖν τὸν μέλλοντα ὀρθῶσ γεωργίασ ἐπιμελεῖσθαι καὶ ἃ δεῖ ποιεῖν καὶ ὡσ δεῖ καὶ ὁπότε ἕκαστα, ταῦτά μοι δοκοῦμεν, ἔφην ἐγώ, ἀργότερόν πωσ ἐπιδεδραμηκέναι τῷ λόγῳ·

ὥσπερ εἰ εἴποισ ὅτι δεῖ γράμματα ἐπίστασθαι τὸν μέλλοντα δυνήσεσθαι τὰ ὑπαγορευόμενα γράφειν καὶ τὰ γεγραμμένα ἀναγιγνώσκειν.

ταῦτα γὰρ ἐγὼ ἀκούσασ, ὅτι μὲν δεῖ γράμματα ἐπίστασθαι ἠκηκόη ἄν, τοῦτο δὲ εἰδὼσ οὐδέν τι οἶμαι μᾶλλον ἂν ἐπισταίμην γράμματα. οὕτω δὲ καὶ νῦν ὅτι μὲν δεῖ ἐπίστασθαι γεωργίαν τὸν μέλλοντα ὀρθῶσ ἐπιμελεῖσθαι αὐτῆσ ῥᾳδίωσ πέπεισμαι, τοῦτο μέντοι εἰδὼσ οὐδέν τι μᾶλλον ἐπίσταμαι ὅπωσ δεῖ γεωργεῖν.

ἀλλ’ εἴ μοι αὐτίκα μάλα δόξειε γεωργεῖν, ὅμοιοσ ἄν μοι δοκῶ εἶναι τῷ περιιόντι ἰατρῷ καὶ ἐπισκοποῦντι τοὺσ κάμνοντασ, εἰδότι δὲ οὐδὲν ὅ τι συμφέρει τοῖσ κάμνουσιν.

ἵν’ οὖν μὴ τοιοῦτοσ ὦ, ἔφην ἐγώ, δίδασκέ με αὐτὰ τὰ ἔργα τῆσ γεωργίασ. ἀλλὰ μήν, ἔφη, ὦ Σώκρατεσ, οὐχ ὥσπερ γε τὰσ ἄλλασ τέχνασ κατατριβῆναι δεῖ μανθάνοντασ πρὶν ἄξια τῆσ τροφῆσ ἐργάζεσθαι τὸν διδασκόμενον, οὐχ οὕτω καὶ ἡ γεωργία δύσκολόσ ἐστι μαθεῖν, ἀλλὰ τὰ μὲν ἰδὼν ἂν ἐργαζομένουσ, τὰ δὲ ἀκούσασ εὐθὺσ ἂν ἐπίσταιο, ὥστε καὶ ἄλλον, εἰ βούλοιο, διδάσκειν.

οἰόμαι δ’, ἔφη, πάνυ καὶ λεληθέναι πολλά σε αὐτὸν ἐπιστάμενον αὐτῆσ. καὶ γὰρ δὴ οἱ μὲν ἄλλοι τεχνῖται ἀποκρύπτονταί πωσ τὰ ἐπικαιριώτατα ἧσ ἕκαστοσ ἔχει τέχνησ, τῶν δὲ γεωργῶν ὁ κάλλιστα μὲν φυτεύων μάλιστ’ ἂν ἥδοιτο, εἴ τισ αὐτὸν θεῷτο, ὁ κάλλιστα δὲ σπείρων ὡσαύτωσ·

ὅ τι δὲ ἔροιο τῶν καλῶσ πεποιημένων, οὐδὲν ὅ τι ἄν σε ἀποκρύψαιτο ὅπωσ ἐποίησεν. οὕτω καὶ τὰ ἤθη, ὦ Σώκρατεσ, ἔφη, γενναιοτάτουσ τοὺσ αὐτῇ συνόντασ ἡ γεωργία ἐοίκε παρέχεσθαι.

ἀλλὰ τὸ μὲν προοίμιον, ἔφην ἐγώ, καλὸν καὶ οὐχ οἱο͂ν ἀκούσαντα ἀποτρέπεσθαι τοῦ ἐρωτήματοσ·

σὺ δέ, ὅτι εὐπετέσ ἐστι μαθεῖν, διὰ τοῦτο πολύ μοι μᾶλλον διέξιθι αὐτήν. οὐ γὰρ σοὶ αἰσχρὸν τὰ ῥᾴδια διδάσκειν ἐστίν, ἀλλ’ ἐμοὶ πολὺ αἴσχιον μὴ ἐπίστασθαι ἄλλωσ τε καὶ εἰ χρήσιμα ὄντα τυγχάνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 15

(크세노폰, Works on Socrates, Οἰκονομικός, chapter 15)

상위

목록

SEARCH

MENU NAVIGATION