헬라어 문장 검색 - ΧενοπήΩορκσον́2́09́

(크세노폰, Works on Socrates, Οἰκονομικός, chapter 9)

καὶ τί δή; ἡ γυνὴ ἐδόκει σοι, ἔφην ἐγώ, ὦ Ἰσχόμαχε, πώσ τι ὑπακούειν ὧν σὺ ἐσπούδαζεσ διδάσκων; τί δέ, εἰ μὴ ὑπισχνεῖτό γε ἐπιμελήσεσθαι καὶ φανερὰ ἦν ἡδομένη ἰσχυρῶσ, ὥσπερ ἐξ ἀμηχανίασ εὐπορίαν τινὰ ηὑρηκυῖα, καὶ ἐδεῖτό μου ὡσ τάχιστα ᾗπερ ἔλεγον διατάξαι. καὶ πῶσ δή, ἔφην ἐγώ, ὦ Ἰσχόμαχε, διέταξασ αὐτῇ;

τί δ’, εἰ μὴ τῆσ γε οἰκίασ τὴν δύναμιν ἔδοξέ μοι πρῶτον ἐπιδεῖξαι αὐτῇ. οὐ γὰρ ποικίλμασι κεκόσμηται, ὦ Σώκρατεσ, ἀλλὰ τὰ οἰκήματα ᾠκοδόμηται πρὸσ αὐτὸ τοῦτο ἐσκεμμένα, ὅπωσ ἀγγεῖα ὡσ συμφορώτατα ᾖ τοῖσ μέλλουσιν ἐν αὐτοῖσ ἔσεσθαι· ὥστε αὐτὰ ἐκάλει τὰ πρέποντα εἶναι ἐν ἑκάστῳ. ὁ μὲν γὰρ θάλαμοσ ἐν ὀχυρῷ ὢν τὰ πλείστου ἄξια καὶ στρώματα καὶ σκεύη παρεκάλει, τὰ δὲ ξηρὰ τῶν στεγνῶν τὸν σῖτον, τὰ δὲ ψυχεινὰ τὸν οἶνον, τὰ δὲ φανὰ ὅσα φάουσ δεόμενα ἔργα τε καὶ σκεύη ἐστί.

καὶ διαιτητήρια δὲ τοῖσ ἀνθρώποισ ἐπεδείκνυον αὐτῇ κεκαλλωπισμένα τοῦ μὲν θέρουσ ἔχειν ψυχεινά, τοῦ δὲ χειμῶνοσ ἀλεεινά.

καὶ σύμπασαν δὲ τὴν οἰκίαν ἐπέδειξα αὐτῇ ὅτι πρὸσ μεσημβρίαν ἀναπέπταται, ὥστε εὔδηλον εἶναι ὅτι χειμῶνοσ μὲν εὐήλιόσ ἐστι, τοῦ δὲ θέρουσ εὔσκιοσ. ἔδειξα δὲ καὶ τὴν γυναικωνῖτιν αὐτῇ, θύρᾳ βαλανωτῇ ὡρισμένην ἀπὸ τῆσ ἀνδρωνίτιδοσ, ἵνα μήτε ἐκφέρηται ἔνδοθεν ὅ τι μὴ δεῖ μήτε τεκνοποιῶνται οἱ οἰκέται ἄνευ τῆσ ἡμετέρασ γνώμησ.

οἱ μὲν γὰρ χρηστοὶ παιδοποιησάμενοι εὐνούστεροι ὡσ ἐπὶ τὸ πολύ, οἱ δὲ πονηροὶ συζυγέντεσ εὐπορώτεροι πρὸσ τὸ κακουργεῖν γίγνονται. ἐπεὶ δὲ ταῦτα διήλθομεν, ἔφη, οὕτω δὴ ἤδη κατὰ φυλὰσ διεκρίνομεν τὰ ἔπιπλα.

ἠρχόμεθα δὲ πρῶτον, ἔφη, ἁθροίζοντεσ, οἷσ ἀμφὶ θυσίασ χρώμεθα. μετὰ ταῦτα κόσμον γυναικὸσ τὸν εἰσ ἑορτὰσ διῃροῦμεν, ἐσθῆτα ἀνδρὸσ τὴν εἰσ ἑορτὰσ καὶ πόλεμον, καὶ στρώματα ἐν γυναικωνίτιδι, στρώματα ἐν ἀνδρωνίτιδι, ὑποδήματα γυναικεῖα, ὑποδήματα ἀνδρεῖα. ὅπλων ἄλλη φυλή, ἄλλη ταλασιουργικῶν ὀργάνων, ἄλλη σιτοποιικῶν, ἄλλη ὀψοποιικῶν, ἄλλη τῶν ἀμφὶ λουτρόν, ἄλλη ἀμφὶ μάκτρασ, ἄλλη ἀμφὶ τραπέζασ.

καὶ ταῦτα πάντα διεχωρίσαμεν, οἷσ τε ἀεὶ δεῖ χρῆσθαι καὶ τὰ θοινητικά. χωρὶσ δὲ καὶ τὰ κατὰ μῆνα δαπανώμενα ἀφείλομεν, δίχα δὲ καὶ τὰ εἰσ ἐνιαυτὸν ἀπολελογισμένα κατέθεμεν.

οὕτω γὰρ ἧττον λανθάνει ὅπωσ πρὸσ τὸ τέλοσ ἐκβήσεται. ἐπεὶ δὲ ἐχωρίσαμεν πάντα κατὰ φυλὰσ τὰ ἔπιπλα, εἰσ τὰσ χώρασ τὰσ προσηκούσασ ἕκαστα διηνέγκαμεν. μετὰ δὲ τοῦτο ὅσοισ μὲν τῶν σκευῶν καθ’ ἡμέραν χρῶνται οἱ οἰκέται, οἱο͂ν σιτοποιικοῖσ, ὀψοποιικοῖσ, ταλασιουργικοῖσ, καὶ εἴ τι ἄλλο τοιοῦτον, ταῦτα μὲν αὐτοῖσ τοῖσ χρωμένοισ δείξαντεσ ὅπου δεῖ τιθέναι, παρεδώκαμεν καὶ ἐπετάξαμεν σῶα παρέχειν·

ὅσοισ δ’ εἰσ ἑορτὰσ ἢ ξενοδοκίασ χρώμεθα ἢ εἰσ τὰσ διὰ χρόνου πράξεισ, ταῦτα δὲ τῇ ταμίᾳ παρεδώκαμεν, καὶ δείξαντεσ τὰσ χώρασ αὐτῶν καὶ ἀπαριθμήσαντεσ καὶ γραψάμενοι ἕκαστα εἴπομεν αὐτῇ διδόναι τούτων ὅτῳ δέοι ἕκαστον, καὶ μεμνῆσθαι ὅ τι ἄν τῳ διδῷ, καὶ ἀπολαμβάνουσαν κατατιθέναι πάλιν ὅθενπερ ἂν ἕκαστα λαμβάνῃ.

τὴν δὲ ταμίαν ἐποιησάμεθα ἐπισκεψάμενοι ἥτισ ἡμῖν ἐδόκει εἶναι ἐγκρατεστάτη καὶ γαστρὸσ καὶ οἴνου καὶ ὕπνου καὶ ἀνδρῶν συνουσίασ, πρὸσ τούτοισ δὲ ἣ τὸ μνημονικὸν μάλιστα ἐδόκει ἔχειν καὶ τὸ προνοεῖν μή τι κακὸν λάβῃ παρ’ ἡμῶν ἀμελοῦσα, καὶ σκοπεῖν ὅπωσ χαριζομένη τι ἡμῖν ὑφ’ ἡμῶν ἀντιτιμήσεται.

ἐδιδάσκομεν δὲ αὐτὴν καὶ εὐνοϊκῶσ ἔχειν πρὸσ ἡμᾶσ, ὅτ’ εὐφραινοίμεθα, τῶν εὐφροσυνῶν μεταδιδόντεσ, καὶ εἴ τι λυπηρὸν εἰή, εἰσ ταῦτα παρακαλοῦντεσ.

καὶ τὸ προθυμεῖσθαι δὲ συναύξειν τὸν οἶκον ἐπαιδεύομεν αὐτήν, ἐπιγιγνώσκειν αὐτὴν ποιοῦντεσ καὶ τῆσ εὐπραγίασ αὐτῇ μεταδιδόντεσ. καὶ δικαιοσύνην δ’ αὐτῇ ἐνεποιοῦμεν τιμιωτέρουσ τιθέντεσ τοὺσ δικαίουσ τῶν ἀδίκων καὶ ἐπιδεικνύοντεσ πλουσιώτερον καὶ ἐλευθεριώτερον βιοτεύοντασ τῶν ἀδίκων·

καὶ αὐτὴν δὲ ἐν ταύτῃ τῇ χώρᾳ κατετάττομεν. ἐπὶ δὲ τούτοισ πᾶσιν εἶπον, ἔφη, ὦ Σώκρατεσ, ἐγὼ τῇ γυναικὶ ὅτι πάντων τούτων οὐδὲν ὄφελοσ, εἰ μὴ αὐτὴ ἐπιμελήσεται ὅπωσ διαμένῃ ἑκάστῳ ἡ τάξισ.

ἐδίδασκον δὲ αὐτὴν ὅτι καὶ ἐν ταῖσ εὐνομουμέναισ πόλεσιν οὐκ ἀρκεῖν δοκεῖ τοῖσ πολίταισ, ἂν νόμουσ καλοὺσ γράψωνται, ἀλλὰ καὶ νομοφύλακασ προσαιροῦνται, οἵτινεσ ἐπισκοποῦντεσ τὸν μὲν ποιοῦντα τὰ νόμιμα ἐπαινοῦσιν, ἂν δέ τισ παρὰ τοὺσ νόμουσ ποιῇ, ζημιοῦσι. νομίσαι οὖν ἐκέλευον, ἔφη, τὴν γυναῖκα καὶ αὐτὴν νομοφύλακα τῶν ἐν τῇ οἰκίᾳ εἶναι, καὶ ἐξετάζειν δέ, ὅταν δόξῃ αὐτῇ, τὰ σκεύη, ὥσπερ ὁ φρούραρχοσ τὰσ φυλακὰσ ἐξετάζει, καὶ δοκιμάζειν εἰ καλῶσ ἕκαστον ἔχει, ὥσπερ ἡ βουλὴ ἵππουσ καὶ ἱππέασ δοκιμάζει, καὶ ἐπαινεῖν δὲ καὶ τιμᾶν ὥσπερ βασίλισσαν τὸν ἄξιον ἀπὸ τῆσ παρούσασ δυνάμεωσ, καὶ λοιδορεῖν καὶ κολάζειν τὸν τούτων δεόμενον.

πρὸσ δὲ τούτοισ ἐδίδασκον αὐτήν, ἔφη, ὡσ οὐκ ἂν ἄχθοιτο δικαίωσ, εἰ πλείω αὐτῇ πράγματα προστάττω ἢ τοῖσ οἰκέταισ περὶ τὰ κτήματα, ἐπιδεικνύων ὅτι τοῖσ μὲν οἰκέταισ μέτεστι τῶν δεσποσύνων χρημάτων τοσοῦτον ὅσον φέρειν ἢ θεραπεύειν ἢ φυλάττειν, χρῆσθαι δὲ οὐδενὶ αὐτῶν ἔξεστιν, ὅτῳ ἂν μὴ δῷ ὁ κύριοσ·

δεσπότου δὲ ἅπαντά ἐστιν ᾧ ἂν βούληται ἕκαστα χρῆσθαι. ὅτῳ οὖν καὶ σῳζομένων μεγίστη ὄνησισ καὶ φθειρομένων μεγίστη βλάβη, τούτῳ καὶ τὴν ἐπιμέλειαν μάλιστα προσήκουσαν ἀπέφαινον.

τί οὖν;

ἔφην ἐγώ, ὦ Ἰσχόμαχε, ταῦτα ἀκούσασα ἡ γυνή πώσ σοι ὑπήκουε; τί δέ, ἔφη, εἰ μὴ εἶπέ γέ μοι, ὦ Σώκρατεσ, ὅτι οὐκ ὀρθῶσ γιγνώσκοιμι, εἰ οἰοίμην χαλεπὰ ἐπιτάττειν διδάσκων ὅτι ἐπιμελεῖσθαι δεῖ τῶν ὄντων. χαλεπώτερον γὰρ ἄν, ἔφη φάναι, εἰ αὐτῇ ἐπέταττον ἀμελεῖν τῶν ἑαυτῆσ ἢ εἰ ἐπιμελεῖσθαι δεήσει τῶν οἰκείων ἀγαθῶν. πεφυκέναι γὰρ δοκεῖ, ἔφη, ὥσπερ καὶ τέκνων τὸ ἐπιμελεῖσθαι τῇ σώφρονι τῶν ἑαυτῆσ ἢ ἀμελεῖν, οὕτω καὶ τῶν κτημάτων ὅσα ἴδια ὄντα εὐφραίνει ἥδιον τὸ ἐπιμελεῖσθαι νομίζειν ἔφη εἶναι τῇ σώφρονι τῶν ἑαυτῆσ ἢ ἀμελεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 9

(크세노폰, Works on Socrates, Οἰκονομικός, chapter 9)

상위

목록

SEARCH

MENU NAVIGATION