헬라어 문장 검색 - ΧενοπήΩορκσον́2́03́

(크세노폰, Works on Socrates, Οἰκονομικός, chapter 3)

ἀκούσασ ταῦτα ὁ Κριτόβουλοσ εἶπε· νῦν τοι, ἔφη, ἐγώ σε οὐκέτι ἀφήσω, ὦ Σώκρατεσ, πρὶν ἄν μοι ἃ ὑπέσχησαι ἐναντίον τῶν φίλων τουτωνὶ ἀποδείξῃσ. τί οὖν, ἔφη ὁ Σωκράτησ, ὦ Κριτόβουλε, ἄν σοι ἀποδεικνύω πρῶτον μὲν οἰκίασ τοὺσ μὲν ἀπὸ πολλοῦ ἀργυρίου ἀχρήστουσ οἰκοδομοῦντασ, τοὺσ δὲ ἀπὸ πολὺ ἐλάττονοσ πάντα ἐχούσασ ὅσα δεῖ, ἦ δόξω ἕν τί σοι τοῦτο τῶν οἰκονομικῶν ἔργων ἐπιδεικνύναι; καὶ πάνυ γ’, ἔφη ὁ Κριτόβουλοσ.

τί δ’ ἂν τὸ τούτου ἀκόλουθον μετὰ τοῦτό σοι ἐπιδεικνύω, τοὺσ μὲν πάνυ πολλὰ καὶ παντοῖα κεκτημένουσ ἔπιπλα, καὶ τούτοισ, ὅταν δέωνται, μὴ ἔχοντασ χρῆσθαι μηδὲ εἰδότασ εἰ σῶά ἐστιν αὐτοῖσ, καὶ διὰ ταῦτα πολλὰ μὲν αὐτοὺσ ἀνιωμένουσ, πολλὰ δὲ ἀνιῶντασ τοὺσ οἰκέτασ· τοὺσ δὲ οὐδὲν πλέον ἀλλὰ καὶ μείονα τούτων κεκτημένουσ ἔχοντασ εὐθὺσ ἕτοιμα ὅταν ὧν ἂν δέωνται χρῆσθαι. ἄλλο τι οὖν τούτων ἐστίν, ὦ Σώκρατεσ, αἴτιον ἢ ὅτι τοῖσ μὲν ὅπου ἔτυχεν ἕκαστον καταβέβληται, τοῖσ δὲ ἐν χώρᾳ ἕκαστα τεταγμένα κεῖται;

ναὶ μὰ Δί’, ἔφη ὁ Σωκράτησ· καὶ οὐδ’ ἐν χώρᾳ γ’ ἐν ᾗ ἔτυχεν, ἀλλ’ ἔνθα προσήκει, ἕκαστα διατέτακται. λέγειν τί μοι δοκεῖσ, ἔφη, καὶ τοῦτο, ὁ Κριτόβουλοσ, τῶν οἰκονομικῶν. τί οὖν, ἄν σοι, ἔφη, καὶ οἰκέτασ αὖ ἐπιδεικνύω ἔνθα μὲν πάντασ ὡσ εἰπεῖν δεδεμένουσ, καὶ τούτουσ θαμινὰ ἀποδιδράσκοντασ, ἔνθα δὲ λελυμένουσ καὶ ἐθέλοντάσ τε ἐργάζεσθαι καὶ παραμένειν, οὐ καὶ τοῦτό σοι δόξω ἀξιοθέατον τῆσ οἰκονομίασ ἔργον ἐπιδεικνύναι;

ναὶ μὰ Δί’, ἔφη ὁ Κριτόβουλοσ, καὶ σφόδρα γε. ἂν δὲ καὶ παραπλησίουσ γεωργίασ γεωργοῦντασ, τοὺσ μὲν ἀπολωλέναι φάσκοντασ ὑπὸ γεωργίασ καὶ ἀποροῦντασ, τοὺσ δὲ ἀφθόνωσ καὶ καλῶσ πάντα ἔχοντασ ὅσων δέονται ἀπὸ τῆσ γεωργίασ;

ναὶ μὰ Δί’, ἔφη ὁ Κριτόβουλοσ. ἴσωσ γὰρ ἀναλίσκουσιν οὐκ εἰσ ἃ δεῖ μόνον, ἀλλὰ καὶ εἰσ ἃ βλάβην φέρει αὐτῷ καὶ τῷ οἴκῳ. εἰσὶ μέν τινεσ ἴσωσ, ἔφη ὁ Σωκράτησ, καὶ τοιοῦτοι.

ἀλλ’ ἐγὼ οὐ τούτουσ λέγω, ἀλλ’ οἳ οὐδ’ εἰσ τἀναγκαῖα ἔχουσι δαπανᾶν, γεωργεῖν φάσκοντεσ. καὶ τί ἂν εἰή τούτου αἴτιον, ὦ Σώκρατεσ; ἐγώ σε ἄξω καὶ ἐπὶ τούτουσ, ἔφη ὁ Σωκράτησ· σὺ δὲ θεώμενοσ δήπου καταμαθήσῃ. νὴ Δί’, ἔφη, ἂν δύνωμαί γε. οὐκοῦν χρὴ θεώμενον σαυτοῦ ἀποπειρᾶσθαι εἰ γνώσῃ.

νῦν δ’ ἐγὼ σὲ σύνοιδα ἐπὶ μὲν κωμῳδῶν θέαν καὶ πάνυ πρῲ ἀνιστάμενον καὶ πάνυ μακρὰν ὁδὸν βαδίζοντα καὶ ἐμὲ ἀναπείθοντα προθύμωσ συνθεᾶσθαι· ἐπὶ δὲ τοιοῦτον οὐδέν με πώποτε ἔργον παρεκάλεσασ. οὐκοῦν γελοῖόσ σοι φαίνομαι εἶναι, ὦ Σώκρατεσ. σαυτῷ δὲ πολὺ νὴ Δί’, ἔφη, γελοιότεροσ.

ἂν δὲ καὶ ἀφ’ ἱππικῆσ σοι ἐπιδεικνύω τοὺσ μὲν εἰσ ἀπορίαν τῶν ἐπιτηδείων ἐληλυθότασ, τοὺσ δὲ διὰ τὴν ἱππικὴν καὶ πάνυ εὐπόρουσ ὄντασ καὶ ἅμα ἀγαλλομένουσ ἐπὶ τῷ κέρδει; οὐκοῦν τούτουσ μὲν καὶ ἐγὼ ὁρῶ καὶ οἶδα ἑκατέρουσ, καὶ οὐδέν τι μᾶλλον τῶν κερδαινόντων γίγνομαι. θεᾷ γὰρ αὐτοὺσ ᾗπερ τοὺσ τραγῳδούσ τε καὶ κωμῳδούσ, οὐχ ὅπωσ ποιητὴσ οἰόμαι γένῃ, ἀλλ’ ὅπωσ ἡσθῇσ ἰδών τι ἢ ἀκούσασ·

καὶ ταῦτα μὲν ἴσωσ οὕτωσ ὀρθῶσ ἔχει οὐ γὰρ ποιητὴσ βούλει γενέσθαι, ἱππικῇ δ’ ἀναγκαζόμενοσ χρῆσθαι οὐ μῶροσ οἰεί εἶναι εἰ μὴ σκοπεῖσ ὅπωσ μὴ ἰδιώτησ ἔσει τούτου τοῦ ἔργου, ἄλλωσ τε καὶ τῶν αὐτῶν ἵππων ἀγαθῶν εἴσ τε τὴν χρῆσιν καὶ κερδαλέων εἰσ πώλησιν ὄντων; πωλοδαμνεῖν με κελεύεισ, ὦ Σώκρατεσ;

οὐ μὰ Δί’ οὐδέν τι μᾶλλον ἢ καὶ γεωργοὺσ ἐκ παιδίων ὠνούμενον κατασκευάζειν, ἀλλ’ εἶναί τινέσ μοι δοκοῦσιν ἡλικίαι καὶ ἵππων καὶ ἀνθρώπων, αἳ εὐθύσ τε χρήσιμοί εἰσι καὶ ἐπὶ τὸ βέλτιον ἐπιδιδόασιν. ἔχω δ’ ἐπιδεῖξαι καὶ γυναιξὶ ταῖσ γαμεταῖσ τοὺσ μὲν οὕτω χρωμένουσ ὥστε συνεργοὺσ ἔχειν αὐτὰσ εἰσ τὸ συναύξειν τοὺσ οἴκουσ, τοὺσ δὲ ᾗ ὅτι πλεῖστον λυμαίνονται. καὶ τούτου πότερα χρή, ὦ Σώκρατεσ, τὸν ἄνδρα αἰτιᾶσθαι ἢ τὴν γυναῖκα;

πρόβατον μέν, ἔφη ὁ Σωκράτησ, ὡσ ἐπὶ τὸ πολὺ ἂν κακῶσ ἔχῃ, τὸν νομέα αἰτιώμεθα, καὶ ἵπποσ ὡσ ἐπὶ τὸ πολὺ ἂν κακουργῇ, τὸν ἱππέα κακίζομεν· τῆσ δὲ γυναικόσ, εἰ μὲν διδασκομένη ὑπὸ τοῦ ἀνδρὸσ τἀγαθὰ κακοποιεῖ, ἴσωσ δικαίωσ ἂν ἡ γυνὴ τὴν αἰτίαν ἔχοι· εἰ δὲ μὴ διδάσκων τὰ καλὰ κἀγαθὰ ἀνεπιστήμονι τούτων χρῷτο, ἆρ’ οὐ δικαίωσ ἂν ὁ ἀνὴρ τὴν αἰτίαν ἔχοι; πάντωσ δ’, ἔφη, ὦ Κριτόβουλε φίλοι γάρ ἐσμεν οἱ παρόντεσ ἀπαληθεῦσαι δεῖ πρὸσ ἡμᾶσ.

ἔστιν ὅτῳ ἄλλῳ τῶν σπουδαίων πλείω ἐπιτρέπεισ ἢ τῇ γυναικί; οὐδενί, ἔφη. ἔστι δὲ ὅτῳ ἐλάττονα διαλέγῃ ἢ τῇ γυναικί; εἰ δὲ μή, οὐ πολλοῖσ γε, ἔφη.

ἔγημασ δὲ αὐτὴν παῖδα νέαν μάλιστα καὶ ὡσ ἐδύνατο ἐλάχιστα ἑωρακυῖαν καὶ ἀκηκουῖαν; μάλιστα. οὐκοῦν πολὺ θαυμαστότερον εἴ τι ὧν δεῖ λέγειν ἢ πράττειν ἐπίσταιτο ἢ εἰ ἐξαμαρτάνοι. οἷσ δὲ σὺ λέγεισ ἀγαθὰσ εἶναι γυναῖκασ, ὦ Σώκρατεσ, ἦ αὐτοὶ ταύτασ ἐπαίδευσαν;

οὐδὲν οἱο͂ν τὸ ἐπισκοπεῖσθαι. συστήσω δέ σοι ἐγὼ καὶ Ἀσπασίαν, ἣ ἐπιστημονέστερον ἐμοῦ σοι ταῦτα πάντα ἐπιδείξει. νομίζω δὲ γυναῖκα κοινωνὸν ἀγαθὴν οἴκου οὖσαν πάνυ ἀντίρροπον εἶναι τῷ ἀνδρὶ ἐπὶ τὸ ἀγαθόν.

ἔρχεται μὲν γὰρ εἰσ τὴν οἰκίαν διὰ τῶν τοῦ ἀνδρὸσ πράξεων τὰ κτήματα ὡσ ἐπὶ τὸ πολύ, δαπανᾶται δὲ διὰ τῶν τῆσ γυναικὸσ ταμιευμάτων τὰ πλεῖστα· καὶ εὖ μὲν τούτων γιγνομένων αὔξονται οἱ οἶκοι, κακῶσ δὲ τούτων πραττομένων οἱ οἶκοι μειοῦνται. οἶμαι δέ σοι καὶ τῶν ἄλλων ἐπιστημῶν τοὺσ ἀξίωσ λόγου ἑκάστην ἐργαζομένουσ ἔχειν ἂν ἐπιδεῖξαί σοι, εἰ τι προσδεῖσθαι νομίζεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Οἰκονομικός, chapter 3

(크세노폰, Works on Socrates, Οἰκονομικός, chapter 3)

상위

목록

SEARCH

MENU NAVIGATION