헬라어 문장 검색 - ΧενοπήΑναβασί1́9́

(크세노폰, Anabasis, Κύρου Ἀναβάσεωσ Α, chapter 9)

Κῦροσ μὲν οὖν οὕτωσ ἐτελεύτησεν, ἀνὴρ ὢν Περσῶν τῶν μετὰ Κῦρον τὸν ἀρχαῖον γενομένων βασιλικώτατόσ τε καὶ ἄρχειν ἀξιώτατοσ, ὡσ παρὰ πάντων ὁμολογεῖται τῶν Κύρου δοκούντων ἐν πείρᾳ γενέσθαι. πρῶτον μὲν γὰρ ἔτι παῖσ ὤν, ὅτ’ ἐπαιδεύετο καὶ σὺν τῷ ἀδελφῷ καὶ σὺν τοῖσ ἄλλοισ παισί, πάντων πάντα κράτιστοσ ἐνομίζετο.

πάντεσ γὰρ οἱ τῶν ἀρίστων Περσῶν παῖδεσ ἐπὶ ταῖσ βασιλέωσ θύραισ παιδεύονται·

ἔνθα πολλὴν μὲν σωφροσύνην καταμάθοι ἄν τισ, αἰσχρὸν δ’ οὐδὲν οὔτ’ ἀκοῦσαι οὔτ’ ἰδεῖν ἔστι. θεῶνται δ’ οἱ παῖδεσ καὶ τιμωμένουσ ὑπὸ βασιλέωσ καὶ ἀκούουσι, καὶ ἄλλουσ ἀτιμαζομένουσ·

ὥστε εὐθὺσ παῖδεσ ὄντεσ μανθάνουσιν ἄρχειν τε καὶ ἄρχεσθαι. ἔνθα Κῦροσ αἰδημονέστατοσ μὲν πρῶτον τῶν ἡλικιωτῶν ἐδόκει εἶναι, τοῖσ τε πρεσβυτέροισ καὶ τῶν ἑαυτοῦ ὑποδεεστέρων μᾶλλον πείθεσθαι, ἔπειτα δὲ φιλιππότατοσ καὶ τοῖσ ἵπποισ ἄριστα χρῆσθαι·

ἔκρινον δ’ αὐτὸν καὶ τῶν εἰσ τὸν πόλεμον ἔργων, τοξικῆσ τε καὶ ἀκοντίσεωσ, φιλομαθέστατον εἶναι καὶ μελετηρότατον. ἐπεὶ δὲ τῇ ἡλικίᾳ ἔπρεπε, καὶ φιλοθηρότατοσ ἦν καὶ πρὸσ τὰ θηρία μέντοι φιλοκινδυνότατοσ.

καὶ ἄρκτον ποτὲ ἐπιφερομένην οὐκ ἔτρεσεν, ἀλλὰ συμπεσὼν κατεσπάσθη ἀπὸ τοῦ ἵππου, καὶ τὰ μὲν ἔπαθεν, ὧν καὶ τὰσ ὠτειλὰσ εἶχεν, τέλοσ δὲ κατέκανε· καὶ τὸν πρῶτον μέντοι βοηθήσαντα πολλοῖσ μακαριστὸν ἐποίησεν. ἐπεὶ δὲ κατεπέμφθη ὑπὸ τοῦ πατρὸσ σατράπησ Λυδίασ τε καὶ Φρυγίασ τῆσ μεγάλησ καὶ Καππαδοκίασ, στρατηγὸσ δὲ καὶ πάντων ἀπεδείχθη οἷσ καθήκει εἰσ Καστωλοῦ πεδίον ἁθροίζεσθαι, πρῶτον μὲν ἐπέδειξεν αὑτόν, ὅτι περὶ πλείστου ποιοῖτο, εἴ τῳ σπείσαιτο καὶ εἴ τῳ συνθοῖτο καὶ εἴ τῳ ὑπόσχοιτό τι, μηδὲν ψεύδεσθαι.

καὶ γὰρ οὖν ἐπίστευον μὲν αὐτῷ αἱ πόλεισ ἐπιτρεπόμεναι, ἐπίστευον δ’ οἱ ἄνδρεσ·

καὶ εἴ τισ πολέμιοσ ἐγένετο, σπεισαμένου Κύρου ἐπίστευε μηδὲν ἂν παρὰ τὰσ σπονδὰσ παθεῖν. τοιγαροῦν ἐπεὶ Τισσαφέρνει ἐπολέμησε, πᾶσαι αἱ πόλεισ ἑκοῦσαι Κῦρον εἵλοντο ἀντὶ Τισσαφέρνουσ πλὴν Μιλησίων·

οὗτοι δὲ ὅτι οὐκ ἤθελε τοὺσ φεύγοντασ προέσθαι ἐφοβοῦντο αὐτόν. καὶ γὰρ ἔργῳ ἐπεδείκνυτο καὶ ἔλεγεν ὅτι οὐκ ἄν ποτε προοῖτο, ἐπεὶ ἅπαξ φίλοσ αὐτοῖσ ἐγένετο, οὐδ’ εἰ ἔτι μὲν μείουσ γένοιντο, ἔτι δὲ κάκιον πράξειαν.

φανερὸσ δ’ ἦν καὶ εἴ τίσ τι ἀγαθὸν ἢ κακὸν ποιήσειεν αὐτόν, νικᾶν πειρώμενοσ·

καὶ εὐχὴν δέ τινεσ αὐτοῦ ἐξέφερον ὡσ εὔχοιτο τοσοῦτον χρόνον ζῆν ἔστε νικῴη καὶ τοὺσ εὖ καὶ κακῶσ ποιοῦντασ ἀλεξόμενοσ. καὶ γὰρ οὖν πλεῖστοι δὴ αὐτῷ ἑνί γε ἀνδρὶ τῶν ἐφ’ ἡμῶν ἐπεθύμησαν καὶ χρήματα καὶ πόλεισ καὶ τὰ ἑαυτῶν σώματα προέσθαι.

οὐ μὲν δὴ οὐδὲ τοῦτ’ ἄν τισ εἴποι, ὡσ τοὺσ κακούργουσ καὶ ἀδίκουσ εἰά καταγελᾶν, ἀλλὰ ἀφειδέστατα πάντων ἐτιμωρεῖτο·

πολλάκισ δ’ ἦν ἰδεῖν παρὰ τὰσ στειβομένασ ὁδοὺσ καὶ ποδῶν καὶ χειρῶν καὶ ὀφθαλμῶν στερομένουσ ἀνθρώπουσ· ὥστ’ ἐν τῇ Κύρου ἀρχῇ ἐγένετο καὶ Ἕλληνι καὶ βαρβάρῳ μηδὲν ἀδικοῦντι ἀδεῶσ πορεύεσθαι ὅπῃ τισ ἤθελεν, ἔχοντι ὅ τι προχωροίη. τούσ γε μέντοι ἀγαθοὺσ εἰσ πόλεμον ὡμολόγητο διαφερόντωσ τιμᾶν.

καὶ πρῶτον μὲν ἦν αὐτῷ πόλεμοσ πρὸσ Πισίδασ καὶ Μυσούσ· στρατευόμενοσ οὖν καὶ αὐτὸσ εἰσ ταύτασ τὰσ χώρασ, οὓσ ἑώρα ἐθέλοντασ κινδυνεύειν, τούτουσ καὶ ἄρχοντασ ἐποίει ἧσ κατεστρέφετο χώρασ, ἔπειτα δὲ καὶ ἄλλοισ δώροισ ἐτίμα· ὥστε φαίνεσθαι τοὺσ μὲν ἀγαθοὺσ εὐδαιμονεστάτουσ, τοὺσ δὲ κακοὺσ δούλουσ τούτων ἀξιοῦσθαι εἶναι.

τοιγαροῦν πολλὴ ἦν ἀφθονία αὐτῷ τῶν ἐθελόντων κινδυνεύειν, ὅπου τισ οἰοίτο Κῦρον αἰσθήσεσθαι. εἴσ γε μὴν δικαιοσύνην εἴ τισ φανερὸσ γένοιτο ἐπιδείκνυσθαι βουλόμενοσ, περὶ παντὸσ ἐποιεῖτο τούτουσ πλουσιωτέρουσ ποιεῖν τῶν ἐκ τοῦ ἀδίκου φιλοκερδούντων.

καὶ γὰρ οὖν ἄλλα τε πολλὰ δικαίωσ αὐτῷ διεχειρίζετο καὶ στρατεύματι ἀληθινῷ ἐχρήσατο.

καὶ γὰρ στρατηγοὶ καὶ λοχαγοί, οἳ χρημάτων ἕνεκα πρὸσ ἐκεῖνον ἔπλευσαν, ἔγνωσαν κερδαλεώτερον εἶναι Κύρῳ καλῶσ πειθαρχεῖν ἢ τὸ κατὰ μῆνα κέρδοσ. ἀλλὰ μὴν εἴ τίσ γέ τι αὐτῷ προστάξαντι καλῶσ ὑπηρετήσειεν, οὐδενὶ πώποτε ἀχάριστον εἰάσε τὴν προθυμίαν.

τοιγαροῦν δὴ κράτιστοι ὑπηρέται παντὸσ ἔργου Κύρῳ ἐλέχθησαν γενέσθαι. εἰ δέ τινα ὁρῴη δεινὸν ὄντα οἰκονόμον ἐκ τοῦ δικαίου καὶ κατασκευάζοντά τε ἧσ ἄρχοι χώρασ καὶ προσόδουσ ποιοῦντα, οὐδένα ἂν πώποτε ἀφείλετο, ἀλλ’ ἀεὶ πλείω προσεδίδου·

ὥστε καὶ ἡδέωσ ἐπόνουν καὶ θαρραλέωσ ἐκτῶντο καὶ ὃ ἐπέπατο αὖ τισ ἥκιστα Κῦρον ἔκρυπτεν· οὐ γὰρ φθονῶν τοῖσ φανερῶσ πλουτοῦσιν ἐφαίνετο, ἀλλὰ πειρώμενοσ χρῆσθαι τοῖσ τῶν ἀποκρυπτομένων χρήμασι. φίλουσ γε μήν, ὅσουσ ποιήσαιτο καὶ εὔνουσ γνοίη ὄντασ καὶ ἱκανοὺσ κρίνειε συνεργοὺσ εἶναι ὅ τι τυγχάνει βουλόμενοσ κατεργάζεσθαι, ὁμολογεῖται πρὸσ πάντων κράτιστοσ δὴ γενέσθαι θεραπεύειν.

καὶ γὰρ αὐτὸ τοῦτο οὗπερ αὐτὸσ ἕνεκα φίλων ᾤετο δεῖσθαι, ὡσ συνεργοὺσ ἔχοι, καὶ αὐτὸσ ἐπειρᾶτο συνεργὸσ τοῖσ φίλοισ κράτιστοσ εἶναι τούτου ὅτου αἰσθάνοιτο ἕκαστον ἐπιθυμοῦντα.

δῶρα δὲ πλεῖστα μὲν οἶμαι εἷσ γε ἀνὴρ ἐλάμβανε διὰ πολλά·

ταῦτα δὲ πάντων δὴ μάλιστα τοῖσ φίλοισ διεδίδου, πρὸσ τοὺσ τρόπουσ ἑκάστου σκοπῶν καὶ ὅτου μάλιστα ὁρῴη ἕκαστον δεόμενον. καὶ ὅσα τῷ σώματι αὐτοῦ πέμποι τισ ἢ ὡσ εἰσ πόλεμον ἢ ὡσ εἰσ καλλωπισμόν, καὶ περὶ τούτων λέγειν αὐτὸν ἔφασαν ὅτι τὸ μὲν ἑαυτοῦ σῶμα οὐκ ἂν δύναιτο τούτοισ πᾶσι κοσμηθῆναι, φίλουσ δὲ καλῶσ κεκοσμημένουσ μέγιστον κόσμον ἀνδρὶ νομίζοι.

καὶ τὸ μὲν τὰ μεγάλα νικᾶν τοὺσ φίλουσ εὖ ποιοῦντα οὐδὲν θαυμαστόν, ἐπειδή γε καὶ δυνατώτεροσ ἦν·

τὸ δὲ τῇ ἐπιμελείᾳ περιεῖναι τῶν φίλων καὶ τῷ προθυμεῖσθαι χαρίζεσθαι, ταῦτα ἔμοιγε μᾶλλον δοκεῖ ἀγαστὰ εἶναι. Κῦροσ γὰρ ἔπεμπε βίκουσ οἴνου ἡμιδεεῖσ πολλάκισ ὁπότε πάνυ ἡδὺν λάβοι, λέγων ὅτι οὔπω δὴ πολλοῦ χρόνου τούτου ἡδίονι οἴνῳ ἐπιτύχοι·

τοῦτον οὖν σοὶ ἔπεμψε καὶ δεῖταί σου τήμερον τοῦτον ἐκπιεῖν σὺν οἷσ μάλιστα φιλεῖσ. πολλάκισ δὲ χῆνασ ἡμιβρώτουσ ἔπεμπε καὶ ἄρτων ἡμίσεα καὶ ἄλλα τοιαῦτα, ἐπιλέγειν κελεύων τὸν φέροντα·

τούτοισ ἥσθη Κῦροσ· βούλεται οὖν καὶ σὲ τούτων γεύσασθαι. ὅπου δὲ χιλὸσ σπάνιοσ πάνυ εἰή, αὐτὸσ δὲ δύναιτο παρασκευάσασθαι διὰ τὸ πολλοὺσ ἔχειν ὑπηρέτασ καὶ διὰ τὴν ἐπιμέλειαν, διαπέμπων ἐκέλευε τοὺσ φίλουσ τοῖσ τὰ ἑαυτῶν σώματα ἄγουσιν ἵπποισ ἐμβάλλειν τοῦτον τὸν χιλόν, ὡσ μὴ πεινῶντεσ τοὺσ ἑαυτοῦ φίλουσ ἄγωσιν.

εἰ δὲ δή ποτε πορεύοιτο καὶ πλεῖστοι μέλλοιεν ὄψεσθαι, προσκαλῶν τοὺσ φίλουσ ἐσπουδαιολογεῖτο, ὡσ δηλοίη οὓσ τιμᾷ.

ὥστε ἐγὼ μέν γε, ἐξ ὧν ἀκούω, οὐδένα κρίνω ὑπὸ πλειόνων πεφιλῆσθαι οὔτε Ἑλλήνων οὔτε βαρβάρων. τεκμήριον δὲ τούτου καὶ τόδε.

παρὰ μὲν Κύρου δούλου ὄντοσ οὐδεὶσ ἀπῄει πρὸσ βασιλέα, πλὴν Ὀρόντασ ἐπεχείρησε· καὶ οὗτοσ δὴ ὃν ᾤετο πιστόν οἱ εἶναι ταχὺ αὐτὸν ηὑρ͂ε Κύρῳ φίλτερον ἢ ἑαυτῷ· παρὰ δὲ βασιλέυσ πολλοὶπρὸσ Κῦρον ἀπῆλθον, ἐπειδὴ πολέμιοι ἀλλήλοισ ἐγένοντο, καὶ οὗτοι μέντοι οἱ μάλιστα ὑπ’ αὐτοῦ ἀγαπώμενοι, νομίζοντεσ παρὰ Κύρῳ ὄντεσ ἀγαθοὶ ἀξιωτέρασ ἂν τιμῆσ τυγχάνειν ἢ παρὰ βασιλεῖ. μέγα δὲ τεκμήριον καὶ τὸ ἐν τῇ τελευτῇ τοῦ βίου αὐτῷ γενόμενον ὅτι καὶ αὐτὸσ ἦν ἀγαθὸσ καὶ κρίνειν ὀρθῶσ ἐδύνατο τοὺσ πιστοὺσ καὶ εὔνουσ καὶ βεβαίουσ.

ἀποθνῄσκοντοσ γὰρ αὐτοῦ πάντεσ οἱ περὶ αὐτὸν φίλοι καὶ συντράπεζοι ἀπέθανον μαχόμενοι ὑπὲρ Κύρου πλὴν Ἀριαίου·

οὗτοσ δὲ τεταγμένοσ ἐτύγχανεν ἐπὶ τῷ εὐωνύμῳ τοῦ ἱππικοῦ ἄρχων· ὡσ δ’ ᾔσθετο Κῦρον πεπτωκότα, ἔφυγεν ἔχων καὶ τὸ στράτευμα πᾶν οὗ ἡγεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 9

(크세노폰, Anabasis, Κύρου Ἀναβάσεωσ Α, chapter 9)

상위

목록

SEARCH

MENU NAVIGATION