헬라어 문장 검색 - ΧενοπήΑναβασί1́1́

(크세노폰, Anabasis, Κύρου Ἀναβάσεωσ Α, chapter 1)

Δαρείου καὶ Παρυσάτιδοσ γίγνονται παῖδεσ δύο, πρεσβύτεροσ μὲν Ἀρταξέρξησ, νεώτεροσ δὲ Κῦροσ· ἐπεὶ δὲ ἠσθένει Δαρεῖοσ καὶ ὑπώπτευε τελευτὴν τοῦ βίου, ἐβούλετο τὼ παῖδε ἀμφοτέρω παρεῖναι. ὁ μὲν οὖν πρεσβύτεροσ παρὼν ἐτύγχανε·

Κῦρον δὲ μεταπέμπεται ἀπὸ τῆσ ἀρχῆσ ἧσ αὐτὸν σατράπην ἐποίησε, καὶ στρατηγὸν δὲ αὐτὸν ἀπέδειξε πάντων ὅσοι ἐσ Καστωλοῦ πεδίον ἁθροίζονται. ἀναβαίνει οὖν ὁ Κῦροσ λαβὼν Τισσαφέρνην ὡσ φίλον, καὶ τῶν Ἑλλήνων ἔχων ὁπλίτασ ἀνέβη τριακοσίουσ, ἄρχοντα δὲ αὐτῶν Ξενίαν Παρράσιον. ἐπεὶ δὲ ἐτελεύτησε Δαρεῖοσ καὶ κατέστη εἰσ τὴν βασιλείαν Ἀρταξέρξησ, Τισσαφέρνησ διαβάλλει τὸν Κῦρον πρὸσ τὸν ἀδελφὸν ὡσ ἐπιβουλεύοι αὐτῷ.

ὁ δὲ πείθεται καὶ συλλαμβάνει Κῦρον ὡσ ἀποκτενῶν· ἡ δὲ μήτηρ ἐξαιτησαμένη αὐτὸν ἀποπέμπει πάλιν ἐπὶ τὴν ἀρχήν. ὁ δ’ ὡσ ἀπῆλθε κινδυνεύσασ καὶ ἀτιμασθείσ, βουλεύεται ὅπωσ μήποτε ἔτι ἔσται ἐπὶ τῷ ἀδελφῷ, ἀλλά, ἢν δύνηται, βασιλεύσει ἀντ’ ἐκείνου.

Παρύσατισ μὲν δὴ ἡ μήτηρ ὑπῆρχε τῷ Κύρῳ, φιλοῦσα αὐτὸν μᾶλλον ἢ τὸν βασιλεύοντα Ἀρταξέρξην. ὅστισ δ’ ἀφικνεῖτο τῶν παρὰ βασιλέωσ πρὸσ αὐτὸν πάντασ οὕτω διατιθεὶσ ἀπεπέμπετο ὥστε αὐτῷ μᾶλλον φίλουσ εἶναι ἢ βασιλεῖ.

καὶ τῶν παρ’ ἑαυτῷ δὲ βαρβάρων ἐπεμελεῖτο ὡσ πολεμεῖν τε ἱκανοὶ εἰήσαν καὶ εὐνοϊκῶσ ἔχοιεν αὐτῷ. τὴν δὲ Ἑλληνικὴν δύναμιν ἥθροιζεν ὡσ μάλιστα ἐδύνατο ἐπικρυπτόμενοσ, ὅπωσ ὅτι ἀπαρασκευότατον λάβοι βασιλέα.

ὧδε οὖν ἐποιεῖτο τὴν συλλογήν. ὁπόσασ εἶχε φυλακὰσ ἐν ταῖσ πόλεσι παρήγγειλε τοῖσ φρουράρχοισ ἑκάστοισ λαμβάνειν ἄνδρασ Πελοποννησίουσ ὅτι πλείστουσ καὶ βελτίστουσ, ὡσ ἐπιβουλεύοντοσ Τισσαφέρνουσ ταῖσ πόλεσι. καὶ γὰρ ἦσαν αἱ Ιὠνικαὶ πόλεισ Τισσαφέρνουσ τὸ ἀρχαῖον ἐκ βασιλέωσ δεδομέναι, τότε δὲ ἀφειστήκεσαν πρὸσ Κῦρον πᾶσαι πλὴν Μιλήτου· ἐν Μιλήτῳ δὲ Τισσαφέρνησ προαισθόμενοσ τὰ αὐτὰ ταῦτα βουλευομένουσ ἀποστῆναι πρὸσ Κῦρον, τοὺσ μὲν αὐτῶν ἀπέκτεινε τοὺσ δ’ ἐξέβαλεν.

ὁ δὲ Κῦροσ ὑπολαβὼν τοὺσ φεύγοντασ συλλέξασ στράτευμα ἐπολιόρκει Μίλητον καὶ κατὰ γῆν καὶ κατὰ θάλατταν καὶ ἐπειρᾶτο κατάγειν τοὺσ ἐκπεπτωκότασ. καὶ αὕτη αὖ ἄλλη πρόφασισ ἦν αὐτῷ τοῦ ἁθροίζειν στράτευμα. πρὸσ δὲ βασιλέα πέμπων ἠξίου ἀδελφὸσ ὢν αὐτοῦ δοθῆναι οἷ ταύτασ τὰσ πόλεισ μᾶλλον ἢ Τισσαφέρνην ἄρχειν αὐτῶν, καὶ ἡ μήτηρ συνέπραττεν αὐτῷ ταῦτα·

ὥστε βασιλεὺσ τὴν μὲν πρὸσ ἑαυτὸν ἐπιβουλὴν οὐκ ᾐσθάνετο, Τισσαφέρνει δ’ ἐνόμιζε πολεμοῦντα αὐτὸν ἀμφὶ τὰ στρατεύματα δαπανᾶν· ὥστε οὐδὲν ἤχθετο αὐτῶν πολεμούντων. καὶ γὰρ ὁ Κῦροσ ἀπέπεμπε τοὺσ γιγνομένουσ δασμοὺσ βασιλεῖ ἐκ τῶν πόλεων ὧν Τισσαφέρνουσ ἐτύγχανεν ἔχων. ἄλλο δὲ στράτευμα αὐτῷ συνελέγετο ἐν Χερρονήσῳ τῇ κατ’ ἀντιπέρασ Ἀβύδου τόνδε τὸν τρόπον.

Κλέαρχοσ Λακεδαιμόνιοσ φυγὰσ ἦν· τούτῳ συγγενόμενοσ ὁ Κῦροσ ἠγάσθη τε αὐτὸν καὶ δίδωσιν αὐτῷ μυρίουσ δαρεικούσ. ὁ δὲ λαβὼν τὸ χρυσίον στράτευμα συνέλεξεν ἀπὸ τούτων τῶν χρημάτων καὶ ἐπολέμει ἐκ Χερρονήσου ὁρμώμενοσ τοῖσ Θρᾳξὶ τοῖσ ὑπὲρ Ἑλλήσποντον οἰκοῦσι καὶ ὠφέλει τοὺσ Ἕλληνασ· ὥστε καὶ χρήματα συνεβάλλοντο αὐτῷ εἰσ τὴν τροφὴν τῶν στρατιωτῶν αἱ Ἑλλησποντιακαὶ πόλεισ ἑκοῦσαι. τοῦτο δ’ αὖ οὕτω τρεφόμενον ἐλάνθανεν αὐτῷ τὸ στράτευμα. Ἀρίστιπποσ δὲ ὁ Θετταλὸσ ξένοσ ὢν ἐτύγχανεν αὐτῷ, καὶ πιεζόμενοσ ὑπὸ τῶν οἴκοι ἀντιστασιωτῶν ἔρχεται πρὸσ τὸν Κῦρον καὶ αἰτεῖ αὐτὸν εἰσ δισχιλίουσ ξένουσ καὶ τριῶν μηνῶν μισθόν, ὡσ οὕτωσ περιγενόμενοσ ἂν τῶν ἀντιστασιωτῶν.

ὁ δὲ Κῦροσ δίδωσιν αὐτῷ εἰσ τετρακισχιλίουσ καὶ ἓξ μηνῶν μισθόν, καὶ δεῖται αὐτοῦ μὴ πρόσθεν καταλῦσαι πρὸσ τοὺσ ἀντιστασιώτασ πρὶν ἂν αὐτῷ συμβουλεύσηται. οὕτω δὲ αὖ τὸ ἐν Θετταλίᾳ ἐλάνθανεν αὐτῷ τρεφόμενον στράτευμα. Πρόξενον δὲ τὸν Βοιώτιον ξένον ὄντα ἐκέλευσε λαβόντα ἄνδρασ ὅτι πλείστουσ παραγενέσθαι, ὡσ ἐσ Πισίδασ βουλόμενοσ στρατεύεσθαι, ὡσ πράγματα παρεχόντων τῶν Πισιδῶν τῇ ἑαυτοῦ χώρᾳ.

Σοφαίνετον δὲ τὸν Στυμφάλιον καὶ Σωκράτην τὸν Ἀχαιόν, ξένουσ ὄντασ καὶ τούτουσ, ἐκέλευσεν ἄνδρασ λαβόντασ ἐλθεῖν ὅτι πλείστουσ, ὡσ πολεμήσων Τισσαφέρνει σὺν τοῖσ φυγάσι τοῖσ Μιλησίων. καὶ ἐποίουν οὕτωσ οὗτοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 1

(크세노폰, Anabasis, Κύρου Ἀναβάσεωσ Α, chapter 1)

상위

목록

SEARCH

MENU NAVIGATION