헬라어 문장 검색 - ΧενοπήΑναβασί1́4́

(크세노폰, Anabasis, Κύρου Ἀναβάσεωσ Α, chapter 4)

ἐντεῦθεν ἐξελαύνει σταθμοὺσ δύο παρασάγγασ δέκα ἐπὶ τὸν Ψάρον ποταμόν, οὗ ἦν τὸ εὖροσ τρία πλέθρα. ἐντεῦθεν ἐξελαύνει σταθμὸν ἕνα παρασάγγασ πέντε ἐπὶ τὸν Πύραμον ποταμόν, οὗ ἦν τὸ εὖροσ στάδιον. ἐντεῦθεν ἐξελαύνει σταθμοὺσ δύο παρασάγγασ πεντεκαίδεκα εἰσ Ἰσσούσ, τῆσ Κιλικίασ ἐσχάτην πόλιν ἐπὶ τῇ θαλάττῃ οἰκουμένην, μεγάλην καὶ εὐδαίμονα. ἐνταῦθα ἔμειναν ἡμέρασ τρεῖσ·

καὶ Κύρῳ παρῆσαν αἱ ἐκ Πελοποννήσου νῆεσ τριάκοντα καὶ πέντε καὶ ἐπ’ αὐταῖσ ναύαρχοσ Πυθαγόρασ Λακεδαιμόνιοσ. ἡγεῖτο δ’ αὐταῖσ Ταμὼσ Αἰγύπτιοσ ἐξ Ἐφέσου, ἔχων ναῦσ ἑτέρασ Κύρου πέντε καὶ εἴκοσιν, αἷσ ἐπολιόρκει Μίλητον, ὅτε Τισσαφέρνει φίλη ἦν, καὶ συνεπολέμει Κύρῳ πρὸσ αὐτόν. παρῆν δὲ καὶ Χειρίσοφοσ Λακεδαιμόνιοσ ἐπὶ τῶν νεῶν, μετάπεμπτοσ ὑπὸ Κύρου, ἑπτακοσίουσ ἔχων ὁπλίτασ, ὧν ἐστρατήγει παρὰ Κύρῳ.

αἱ δὲ νῆεσ ὡρ́μουν παρὰ τὴν Κύρου σκηνήν. ἐνταῦθα καὶ οἱ παρὰ Ἀβροκόμα μισθοφόροι Ἕλληνεσ ἀποστάντεσ ἦλθον παρὰ Κῦρον τετρακόσιοι ὁπλῖται καὶ συνεστρατεύοντο ἐπὶ βασιλέα. ἐντεῦθεν ἐξελαύνει σταθμὸν ἕνα παρασάγγασ πέντε ἐπὶ πύλασ τῆσ Κιλικίασ καὶ τῆσ Συρίασ.

ἦσαν δὲ ταῦτα δύο τείχη, καὶ τὸ μὲν ἔσωθεν <τὸ> πρὸ τῆσ Κιλικίασ Συέννεσισ εἶχε καὶ Κιλίκων φυλακή, τὸ δὲ ἔξω τὸ πρὸ τῆσ Συρίασ βασιλέωσ ἐλέγετο φυλακὴ φυλάττειν. διὰ μέσου δὲ ῥεῖ τούτων ποταμὸσ Κάρσοσ ὄνομα, εὖροσ πλέθρου. ἅπαν δὲ τὸ μέσον τῶν τειχῶν ἦσαν στάδιοι τρεῖσ· καὶ παρελθεῖν οὐκ ἦν βίᾳ· ἦν γὰρ ἡ πάροδοσ στενὴ καὶ τὰ τείχη εἰσ τὴν θάλατταν καθήκοντα, ὕπερθεν δ’ ἦσαν πέτραι ἠλίβατοι· ἐπὶ δὲ τοῖσ τείχεσιν ἀμφοτέροισ ἐφειστήκεσαν πύλαι. ταύτησ ἕνεκα τῆσ παρόδου Κῦροσ τὰσ ναῦσ μετεπέμψατο, ὅπωσ ὁπλίτασ ἀποβιβάσειεν εἴσω καὶ ἔξω τῶν πυλῶν, καὶ βιασόμενοσ τοὺσ πολεμίουσ εἰ φυλάττοιεν ἐπὶ ταῖσ Συρίαισ πύλαισ, ὅπερ ᾤετο ποιήσειν ὁ Κῦροσ τὸν Ἀβροκόμαν, ἔχοντα πολὺ στράτευμα.

Ἀβροκόμασ δὲ οὐ τοῦτ’ ἐποίησεν, ἀλλ’ ἐπεὶ ἤκουσε Κῦρον ἐν Κιλικίᾳ ὄντα, ἀναστρέψασ ἐκ Φοινίκησ παρὰ βασιλέα ἀπήλαυνεν, ἔχων, ὡσ ἐλέγετο, τριάκοντα μυριάδασ στρατιᾶσ. ἐντεῦθεν ἐξελαύνει διὰ Συρίασ σταθμὸν ἕνα παρασάγγασ πέντε εἰσ Μυρίανδον, πόλιν οἰκουμένην ὑπὸ Φοινίκων ἐπὶ τῇ θαλάττῃ·

ἐμπόριον δ’ ἦν τὸ χωρίον καὶ ὡρ́μουν αὐτόθι ὁλκάδεσ πολλαί. ἐνταῦθ’ ἔμεινεν ἡμέρασ ἑπτά· καὶ Ξενίασ ὁ Ἀρκὰσ στρατηγὸσ καὶ Πασίων ὁ Μεγαρεὺσ ἐμβάντεσ εἰσ πλοῖον καὶ τὰ πλείστου ἄξια ἐνθέμενοι ἀπέπλευσαν, ὡσ μὲν τοῖσ πλείστοισ ἐδόκουν φιλοτιμηθέντεσ ὅτι τοὺσ στρατιώτασ αὐτῶν τοὺσ παρὰ Κλέαρχον ἀπελθόντασ ὡσ ἀπιόντασ εἰσ τὴν Ἑλλάδα πάλιν καὶ οὐ πρὸσ βασιλέα εἰά Κῦροσ τὸν Κλέαρχον ἔχειν.

ἐπεὶ δ’ ἦσαν ἀφανεῖσ, διῆλθε λόγοσ ὅτι διώκει αὐτοὺσ Κῦροσ τριήρεσι· καὶ οἱ μὲν ηὔχοντο ὡσ δειλοὺσ ὄντασ αὐτοὺσ ληφθῆναι, οἱ δ’ ᾤκτιρον εἰ ἁλώσοιντο. Κῦροσ δὲ συγκαλέσασ τοὺσ στρατηγοὺσ εἶπεν·

ἀλλ’ οὐδὲ τούτων στερήσονται, ἀλλ’ ἀπολήψονται τῆσ πρόσθεν ἕνεκα περὶ ἐμὲ ἀρετῆσ. ἀπολελοίπασιν ἡμᾶσ Ξενίασ καὶ Πασίων. ἀλλ’ εὖ γε μέντοι ἐπιστάσθων ὅτι οὔτε ἀποδεδράκασιν· οἶδα γὰρ ὅπῃ οἴχονται· οὔτε ἀποπεφεύγασιν· ἔχω γὰρ τριήρεισ ὥστε ἑλεῖν τὸ ἐκείνων πλοῖον· ἀλλὰ μὰ τοὺσ θεοὺσ οὐκ ἔγωγε αὐτοὺσ διώξω, οὐδ’ ἐρεῖ οὐδεὶσ ὡσ ἐγὼ ἑώσ μὲν ἂν παρῇ τισ χρῶμαι, ἐπειδὰν δὲ ἀπιέναι βούληται, συλλαβὼν καὶ αὐτοὺσ κακῶσ ποιῶ καὶ τὰ χρήματα ἀποσυλῶ. ἀλλὰ ἴτωσαν, εἰδότεσ ὅτι κακίουσ εἰσὶ περὶ ἡμᾶσ ἢ ἡμεῖσ περὶ ἐκείνουσ. καίτοι ἔχω γε αὐτῶν καὶ τέκνα καὶ γυναῖκασ ἐν Τράλλεσι φρουρούμενα· καὶ ὁ μὲν ταῦτα εἶπεν·

οἱ δὲ Ἕλληνεσ, εἴ τισ καὶ ἀθυμότεροσ ἦν πρὸσ τὴν ἀνάβασιν, ἀκούοντεσ τὴν Κύρου ἀρετὴν ἥδιον καὶ προθυμότερον συνεπορεύοντο. μετὰ ταῦτα Κῦροσ ἐξελαύνει σταθμοὺσ τέτταρασ παρασάγγασ εἴκοσιν ἐπὶ τὸν Χάλον ποταμόν, ὄντα τὸ εὖροσ πλέθρου, πλήρη δ’ ἰχθύων μεγάλων καὶ πραέων, οὓσ οἱ Σύροι θεοὺσ ἐνόμιζον καὶ ἀδικεῖν οὐκ εἰών, οὐδὲ τὰσ περιστεράσ.

αἱ δὲ κῶμαι ἐν αἷσ ἐσκήνουν Παρυσάτιδοσ ἦσαν εἰσ ζώνην δεδομέναι. ἐντεῦθεν ἐξελαύνει σταθμοὺσ πέντε παρασάγγασ τριάκοντα ἐπὶ τὰσ πηγὰσ τοῦ Δάρδατοσ ποταμοῦ, οὗ τὸ εὖροσ πλέθρου.

ἐνταῦθα ἦσαν τὰ Βελέσυοσ βασίλεια τοῦ Συρίασ ἄρξαντοσ, καὶ παράδεισοσ πάνυ μέγασ καὶ καλόσ, ἔχων πάντα ὅσα ὡρ͂αι φύουσι. Κῦροσ δ’ αὐτὸν ἐξέκοψε καὶ τὰ βασίλεια κατέκαυσεν. ἐντεῦθεν ἐξελαύνει σταθμοὺσ τρεῖσ παρασάγγασ πεντεκαίδεκα ἐπὶ τὸν Εὐφράτην ποταμόν, ὄντα τὸ εὖροσ τεττάρων σταδίων·

καὶ πόλισ αὐτόθι ᾠκεῖτο μεγάλη καὶ εὐδαίμων Θάψακοσ ὄνομα. ἐνταῦθα ἔμεινεν ἡμέρασ πέντε. καὶ Κῦροσ μεταπεμψάμενοσ τοὺσ στρατηγοὺσ τῶν Ἑλλήνων ἔλεγεν ὅτι ἡ ὁδὸσ ἔσοιτο πρὸσ βασιλέα μέγαν εἰσ Βαβυλῶνα· καὶ κελεύει αὐτοὺσ λέγειν ταῦτα τοῖσ στρατιώταισ καὶ ἀναπείθειν ἕπεσθαι. οἱ δὲ ποιήσαντεσ ἐκκλησίαν ἀπήγγελλον ταῦτα·

οἱ δὲ στρατιῶται ἐχαλέπαινον τοῖσ στρατηγοῖσ, καὶ ἔφασαν αὐτοὺσ πάλαι ταῦτ’ εἰδότασ κρύπτειν, καὶ οὐκ ἔφασαν ἰέναι, ἐὰν μή τισ αὐτοῖσ χρήματα διδῷ, ὥσπερ τοῖσ προτέροισ μετὰ Κύρου ἀναβᾶσι παρὰ τὸν πατέρα τοῦ Κύρου, καὶ ταῦτα οὐκ ἐπὶ μάχην ἰόντων, ἀλλὰ καλοῦντοσ τοῦ πατρὸσ Κῦρον. ταῦτα οἱ στρατηγοὶ Κύρῳ ἀπήγγελλον·

ὁ δ’ ὑπέσχετο ἀνδρὶ ἑκάστῳ δώσειν πέντε ἀργυρίου μνᾶσ, ἐπὰν εἰσ Βαβυλῶνα ἥκωσι, καὶ τὸν μισθὸν ἐντελῆ μέχρι ἂν καταστήσῃ τοὺσ Ἕλληνασ εἰσ Ιὠνίαν πάλιν. τὸ μὲν δὴ πολὺ τοῦ Ἑλληνικοῦ οὕτωσ ἐπείσθη. Μένων δὲ πρὶν δῆλον εἶναι τί ποιήσουσιν οἱ ἄλλοι στρατιῶται, πότερον ἕψονται Κύρῳ ἢ οὔ, συνέλεξε τὸ αὑτοῦ στράτευμα χωρὶσ τῶν ἄλλων καὶ ἔλεξε τάδε. ἄνδρεσ, ἐάν μοι πεισθῆτε, οὔτε κινδυνεύσαντεσ οὔτε πονήσαντεσ τῶν ἄλλων πλέον προτιμήσεσθε στρατιωτῶν ὑπὸ Κύρου.

τί οὖν κελεύω ποιῆσαι; νῦν δεῖται Κῦροσ ἕπεσθαι τοὺσ Ἕλληνασ ἐπὶ βασιλέα· ἐγὼ οὖν φημι ὑμᾶσ χρῆναι διαβῆναι τὸν Εὐφράτην ποταμὸν πρὶν δῆλον εἶναι ὅ τι οἱ ἄλλοι Ἕλληνεσ ἀποκρινοῦνται Κύρῳ. ἢν μὲν γὰρ ψηφίσωνται ἕπεσθαι, ὑμεῖσ δόξετε αἴτιοι εἶναι ἄρξαντεσ τοῦ διαβαίνειν, καὶ ὡσ προθυμοτάτοισ οὖσιν ὑμῖν χάριν εἴσεται Κῦροσ καὶ ἀποδώσει·

ἐπίσταται δ’ εἴ τισ καὶ ἄλλοσ· ἢν δὲ ἀποψηφίσωνται οἱ ἄλλοι, ἄπιμεν μὲν ἅπαντεσ τοὔμπαλιν, ὑμῖν δὲ ὡσ μόνοισ πειθομένοισ πιστοτάτοισ χρήσεται καὶ εἰσ φρούρια καὶ εἰσ λοχαγίασ, καὶ ἄλλου οὗτινοσ ἂν δέησθε οἶδα ὅτι ὡσ φίλοι τεύξεσθε Κύρου. ἀκούσαντεσ ταῦτα ἐπείθοντο καὶ διέβησαν πρὶν τοὺσ ἄλλουσ ἀποκρίνασθαι.

Κῦροσ δ’ ἐπεὶ ᾔσθετο διαβεβηκότασ, ἥσθη τε καὶ τῷ στρατεύματι πέμψασ Γλοῦν εἶπεν· ἐγὼ μέν, ὦ ἄνδρεσ, ἤδη ὑμᾶσ ἐπαινῶ· ὅπωσ δὲ καὶ ὑμεῖσ ἐμὲ ἐπαινέσετε ἐμοὶ μελήσει, ἢ μηκέτι με Κῦρον νομίζετε. οἱ μὲν δὴ στρατιῶται ἐν ἐλπίσι μεγάλαισ ὄντεσ ηὔχοντο αὐτὸν εὐτυχῆσαι, Μένωνι δὲ καὶ δῶρα ἐλέγετο πέμψαι μεγαλοπρεπῶσ.

ταῦτα δὲ ποιήσασ διέβαινε· συνείπετο δὲ καὶ τὸ ἄλλο στράτευμα αὐτῷ ἅπαν. καὶ τῶν διαβαινόντων τὸν ποταμὸν οὐδεὶσ ἐβρέχθη ἀνωτέρω τῶν μαστῶν ὑπὸ τοῦ ποταμοῦ. οἱ δὲ Θαψακηνοὶ ἔλεγον ὅτι οὐπώποθ’ οὗτοσ ὁ ποταμὸσ διαβατὸσ γένοιτο πεζῇ εἰ μὴ τότε, ἀλλὰ πλοίοισ, ἃ τότε Ἀβροκόμασ προϊὼν κατέκαυσεν, ἵνα μὴ Κῦροσ διαβῇ.

ἐδόκει δὴ θεῖον εἶναι καὶ σαφῶσ ὑποχωρῆσαι τὸν ποταμὸν Κύρῳ ὡσ βασιλεύσοντι. ἐντεῦθεν ἐξελαύνει διὰ τῆσ Συρίασ σταθμοὺσ ἐννέα παρασάγγασ πεντήκοντα·

καὶ ἀφικνοῦνται πρὸσ τὸν Ἀράξην ποταμόν. ἐνταῦθα ἦσαν κῶμαι πολλαὶ μεσταὶ σίτου καὶ οἴνου. ἐνταῦθα ἔμειναν ἡμέρασ τρεῖσ καὶ ἐπεσιτίσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 4

(크세노폰, Anabasis, Κύρου Ἀναβάσεωσ Α, chapter 4)

상위

목록

SEARCH

MENU NAVIGATION