헬라어 문장 검색 - ΧενοπήΑναβασί1́3́

(크세노폰, Anabasis, Κύρου Ἀναβάσεωσ Α, chapter 3)

ἐνταῦθα ἔμεινεν ὁ Κῦροσ καὶ ἡ στρατιὰ ἡμέρασ εἴκοσιν· οἱ γὰρ στρατιῶται οὐκ ἔφασαν ἰέναι τοῦ πρόσω· ὑπώπτευον γὰρ ἤδη ἐπὶ βασιλέα ἰέναι· μισθωθῆναι δὲ οὐκ ἐπὶ τούτῳ ἔφασαν. πρῶτοσ δὲ Κλέαρχοσ τοὺσ αὑτοῦ στρατιώτασ ἐβιάζετο ἰέναι· οἱ δ’ αὐτόν τε ἔβαλλον καὶ τὰ ὑποζύγια τὰ ἐκείνου, ἐπεὶ ἄρξαιντο προϊέναι. Κλέαρχοσ δὲ τότε μὲν μικρὸν ἐξέφυγε μὴ καταπετρωθῆναι, ὕστερον δ’ ἐπεὶ ἔγνω ὅτι οὐ δυνήσεται βιάσασθαι, συνήγαγεν ἐκκλησίαν τῶν αὑτοῦ στρατιωτῶν.

καὶ πρῶτον μὲν ἐδάκρυε πολὺν χρόνον ἑστώσ· οἱ δὲ ὁρῶντεσ ἐθαύμαζον καὶ ἐσιώπων· εἶτα δὲ ἔλεξε τοιάδε. ἄνδρεσ στρατιῶται, μὴ θαυμάζετε ὅτι χαλεπῶσ φέρω τοῖσ παροῦσι πράγμασιν.

ἐμοὶ γὰρ ξένοσ Κῦροσ ἐγένετο καί με φεύγοντα ἐκ τῆσ πατρίδοσ τά τε ἄλλα ἐτίμησε καὶ μυρίουσ ἔδωκε δαρεικούσ· οὓσ ἐγὼ λαβὼν οὐκ εἰσ τὸ ἴδιον κατεθέμην ἐμοὶ οὐδὲ καθηδυπάθησα, ἀλλ’ εἰσ ὑμᾶσ ἐδαπάνων. καὶ πρῶτον μὲν πρὸσ τοὺσ Θρᾷκασ ἐπολέμησα, καὶ ὑπὲρ τῆσ Ἑλλάδοσ ἐτιμωρούμην μεθ’ ὑμῶν, ἐκ τῆσ Χερρονήσου αὐτοὺσ ἐξελαύνων βουλομένουσ ἀφαιρεῖσθαι τοὺσ ἐνοικοῦντασ Ἕλληνασ τὴν γῆν.

ἐπειδὴ δὲ Κῦροσ ἐκάλει, λαβὼν ὑμᾶσ ἐπορευόμην, ἵνα εἴ τι δέοιτο ὠφελοίην αὐτὸν ἀνθ’ ὧν εὖ ἔπαθον ὑπ’ ἐκείνου. ἐπεὶ δὲ ὑμεῖσ οὐ βούλεσθε συμπορεύεσθαι, ἀνάγκη δή μοι ἢ ὑμᾶσ προδόντα τῇ Κύρου φιλίᾳ χρῆσθαι ἢ πρὸσ ἐκεῖνον ψευσάμενον μεθ’ ὑμῶν εἶναι.

εἰ μὲν δὴ δίκαια ποιήσω οὐκ οἶδα, αἱρήσομαι δ’ οὖν ὑμᾶσ καὶ σὺν ὑμῖν ὅ τι ἂν δέῃ πείσομαι. καὶ οὔποτε ἐρεῖ οὐδεὶσ ὡσ ἐγὼ Ἕλληνασ ἀγαγὼν εἰσ τοὺσ βαρβάρουσ, προδοὺσ τοὺσ Ἕλληνασ τὴν τῶν βαρβάρων φιλίαν εἱλόμην, ἀλλ’ ἐπεὶ ὑμεῖσ ἐμοὶ οὐ θέλετε πείθεσθαι, ἐγὼ σὺν ὑμῖν ἕψομαι καὶ ὅ τι ἂν δέῃ πείσομαι. νομίζω γὰρ ὑμᾶσ ἐμοὶ εἶναι καὶ πατρίδα καὶ φίλουσ καὶ συμμάχουσ, καὶ σὺν ὑμῖν μὲν ἂν οἶμαι εἶναι τίμιοσ ὅπου ἂν ὦ, ὑμῶν δὲ ἔρημοσ ὢν οὐκ ἂν ἱκανὸσ οἶμαι εἶναι οὔτ’ ἂν φίλον ὠφελῆσαι οὔτ’ ἂν ἐχθρὸν ἀλέξασθαι.

ὡσ ἐμοῦ οὖν ἰόντοσ ὅπῃ ἂν καὶ ὑμεῖσ οὕτω τὴν γνώμην ἔχετε. ταῦτα εἶπεν·

οἱ δὲ στρατιῶται οἵ τε αὐτοῦ ἐκείνου καὶ οἱ ἄλλοι ταῦτα ἀκούσαντεσ ὅτι οὐ φαίη παρὰ βασιλέα πορεύεσθαι ἐπῄνεσαν· παρὰ δὲ Ξενίου καὶ Πασίωνοσ πλείουσ ἢ δισχίλιοι λαβόντεσ τὰ ὅπλα καὶ τὰ σκευοφόρα ἐστρατοπεδεύσαντο παρὰ Κλεάρχῳ. Κῦροσ δὲ τούτοισ ἀπορῶν τε καὶ λυπούμενοσ μετεπέμπετο τὸν Κλέαρχον·

ὁ δὲ ἰέναι μὲν οὐκ ἤθελε, λάθρᾳ δὲ τῶν στρατιωτῶν πέμπων αὐτῷ ἄγγελον ἔλεγε θαρρεῖν ὡσ καταστησομένων τούτων εἰσ τὸ δέον. μεταπέμπεσθαι δ’ ἐκέλευεν αὐτόν· αὐτὸσ δ’ οὐκ ἔφη ἰέναι. μετὰ δὲ ταῦτα συναγαγὼν τούσ θ’ ἑαυτοῦ στρατιώτασ καὶ τοὺσ προσελθόντασ αὐτῷ καὶ τῶν ἄλλων τὸν βουλόμενον, ἔλεξε τοιάδε.

ἄνδρεσ στρατιῶται, τὰ μὲν δὴ Κύρου δῆλον ὅτι οὕτωσ ἔχει πρὸσ ἡμᾶσ ὥσπερ τὰ ἡμέτερα πρὸσ ἐκεῖνον· οὔτε γὰρ ἡμεῖσ ἐκείνου ἔτι στρατιῶται, ἐπεί γε οὐ συνεπόμεθα αὐτῷ, οὔτε ἐκεῖνοσ ἔτι ἡμῖν μισθοδότησ. ὅτι μέντοι ἀδικεῖσθαι νομίζει ὑφ’ ἡμῶν οἶδα·

ὥστε καὶ μεταπεμπομένου αὐτοῦ οὐκ ἐθέλω ἐλθεῖν, τὸ μὲν μέγιστον αἰσχυνόμενοσ ὅτι σύνοιδα ἐμαυτῷ πάντα ἐψευσμένοσ αὐτόν, ἔπειτα καὶ δεδιὼσ μὴ λαβών με δίκην ἐπιθῇ ὧν νομίζει ὑπ’ ἐμοῦ ἠδικῆσθαι. ἐμοὶ οὖν δοκεῖ οὐχ ὡρ́α εἶναι ἡμῖν καθεύδειν οὐδ’ ἀμελεῖν ἡμῶν αὐτῶν, ἀλλὰ βουλεύεσθαι ὅ τι χρὴ ποιεῖν ἐκ τούτων.

καὶ ἑώσ γε μένομεν αὐτοῦ σκεπτέον μοι δοκεῖ εἶναι ὅπωσ ἀσφαλέστατα μενοῦμεν, εἴ τε ἤδη δοκεῖ ἀπιέναι, ὅπωσ ἀσφαλέστατα ἄπιμεν, καὶ ὅπωσ τὰ ἐπιτήδεια ἕξομεν· ἄνευ γὰρ τούτων οὔτε στρατηγοῦ οὔτε ἰδιώτου ὄφελοσ οὐδέν. ὁ δ’ ἀνὴρ πολλοῦ μὲν ἄξιοσ ᾧ ἂν φίλοσ ᾖ, χαλεπώτατοσ δ’ ἐχθρὸσ ᾧ ἂν πολέμιοσ ᾖ, ἔχει δὲ δύναμιν καὶ πεζὴν καὶ ἱππικὴν καὶ ναυτικὴν ἣν πάντεσ ὁμοίωσ ὁρῶμέν τε καὶ ἐπιστάμεθα·

καὶ γὰρ οὐδὲ πόρρω δοκοῦμέν μοι αὐτοῦ καθῆσθαι. ὥστε ὡρ́α λέγειν ὅ τι τισ γιγνώσκει ἄριστον εἶναι. ταῦτα εἰπὼν ἐπαύσατο. ἐκ δὲ τούτου ἀνίσταντο οἱ μὲν ἐκ τοῦ αὐτομάτου, λέξοντεσ ἃ ἐγίγνωσκον, οἱ δὲ καὶ ὑπ’ ἐκείνου ἐγκέλευστοι, ἐπιδεικνύντεσ οἱά εἰή ἡ ἀπορία ἄνευ τῆσ Κύρου γνώμησ καὶ μένειν καὶ ἀπιέναι.

εἷσ δὲ δὴ εἶπε προσποιούμενοσ σπεύδειν ὡσ τάχιστα πορεύεσθαι εἰσ τὴν Ἑλλάδα στρατηγοὺσ μὲν ἑλέσθαι ἄλλουσ ὡσ τάχιστα, εἰ μὴ βούλεται Κλέαρχοσ ἀπάγειν·

τὰ δ’ ἐπιτήδει’ ἀγοράζεσθαι ἡ δ’ ἀγορὰ ἦν ἐν τῷ βαρβαρικῷ στρατεύματι καὶ συσκευάζεσθαι· ἐλθόντασ δὲ Κῦρον αἰτεῖν πλοῖα, ὡσ ἀποπλέοιεν· ἐὰν δὲ μὴ διδῷ ταῦτα, ἡγεμόνα αἰτεῖν Κῦρον ὅστισ διὰ φιλίασ τῆσ χώρασ ἀπάξει. ἐὰν δὲ μηδὲ ἡγεμόνα διδῷ, συντάττεσθαι τὴν ταχίστην, πέμψαι δὲ καὶ προκαταληψομένουσ τὰ ἄκρα, ὅπωσ μὴ φθάσωσι μήτε Κῦροσ μήτε οἱ Κίλικεσ καταλαβόντεσ, ὧν πολλοὺσ καὶ πολλὰ χρήματα ἔχομεν ἀνηρπακότεσ. οὗτοσ μὲν τοιαῦτα εἶπε· μετὰ δὲ τοῦτον Κλέαρχοσ εἶπε τοσοῦτον. ὡσ μὲν στρατηγήσοντα ἐμὲ ταύτην τὴν στρατηγίαν μηδεὶσ ὑμῶν λεγέτω·

πολλὰ γὰρ ἐνορῶ δι’ ἃ ἐμοὶ τοῦτο οὐ ποιητέον· ὡσ δὲ τῷ ἀνδρὶ ὃν ἂν ἕλησθε πείσομαι ᾗ δυνατὸν μάλιστα, ἵνα εἰδῆτε ὅτι καὶ ἄρχεσθαι ἐπίσταμαι ὥσ τισ καὶ ἄλλοσ μάλιστα ἀνθρώπων. μετὰ τοῦτον ἄλλοσ ἀνέστη, ἐπιδεικνὺσ μὲν τὴν εὐήθειαν τοῦ τὰ πλοῖα αἰτεῖν κελεύοντοσ, ὥσπερ πάλιν τὸν στόλον Κύρου ποιουμένου, ἐπιδεικνὺσ δὲ ὡσ εὐήθεσ εἰή ἡγεμόνα αἰτεῖν παρὰ τούτου ᾧ λυμαινόμεθα τὴν πρᾶξιν.

εἰ δὲ καὶ τῷ ἡγεμόνι πιστεύσομεν ὃν ἂν Κῦροσ διδῷ, τί κωλύει καὶ τὰ ἄκρα ἡμῖν κελεύειν Κῦρον προκαταλαβεῖν; ἐγὼ γὰρ ὀκνοίην μὲν ἂν εἰσ τὰ πλοῖα ἐμβαίνειν ἃ ἡμῖν δοίη, μὴ ἡμᾶσ ταῖσ τριήρεσι καταδύσῃ, φοβοίμην δ’ ἂν τῷ ἡγεμόνι ὃν δοίη ἕπεσθαι, μὴ ἡμᾶσ ἀγάγῃ ὅθεν οὐκ ἔσται ἐξελθεῖν·

βουλοίμην δ’ ἂν ἄκοντοσ ἀπιὼν Κύρου λαθεῖν αὐτὸν ἀπελθών· ὃ οὐ δυνατόν ἐστιν. ἀλλ’ ἐγώ φημι ταῦτα μὲν φλυαρίασ εἶναι·

δοκεῖ δέ μοι ἄνδρασ ἐλθόντασ πρὸσ Κῦρον οἵτινεσ ἐπιτήδειοι σὺν Κλεάρχῳ ἐρωτᾶν ἐκεῖνον τί βούλεται ἡμῖν χρῆσθαι· καὶ ἐὰν μὲν ἡ πρᾶξισ ᾖ παραπλησία οἱᾴπερ καὶ πρόσθεν ἐχρῆτο τοῖσ ξένοισ, ἕπεσθαι καὶ ἡμᾶσ καὶ μὴ κακίουσ εἶναι τῶν πρόσθεν τούτῳ συναναβάντων· ἐὰν δὲ μείζων ἡ πρᾶξισ τῆσ πρόσθεν φαίνηται καὶ ἐπιπονωτέρα καὶ ἐπικινδυνοτέρα, ἀξιοῦν ἢ πείσαντα ἡμᾶσ ἄγειν ἢ πεισθέντα πρὸσ φιλίαν ἀφιέναι·

οὕτω γὰρ καὶ ἑπόμενοι ἂν φίλοι αὐτῷ καὶ πρόθυμοι ἑποίμεθα καὶ ἀπιόντεσ ἀσφαλῶσ ἂν ἀπίοιμεν· ὅ τι δ’ ἂν πρὸσ ταῦτα λέγῃ ἀπαγγεῖλαι δεῦρο· ἡμᾶσ δ’ ἀκούσαντασ πρὸσ ταῦτα βουλεύεσθαι. ἔδοξε ταῦτα, καὶ ἄνδρασ ἑλόμενοι σὺν Κλεάρχῳ πέμπουσιν οἳ ἠρώτων Κῦρον τὰ δόξαντα τῇ στρατιᾷ.

ὁ δ’ ἀπεκρίνατο ὅτι ἀκούει Ἀβροκόμαν ἐχθρὸν ἄνδρα ἐπὶ τῷ Εὐφράτῃ ποταμῷ εἶναι, ἀπέχοντα δώδεκα σταθμούσ· πρὸσ τοῦτον οὖν ἔφη βούλεσθαι ἐλθεῖν· κἂν μὲν ᾖ ἐκεῖ, τὴν δίκην ἔφη χρῄζειν ἐπιθεῖναι αὐτῷ, ἦν δὲ φύγῃ, ἡμεῖσ ἐκεῖ πρὸσ ταῦτα βουλευσόμεθα. ἀκούσαντεσ δὲ ταῦτα οἱ αἱρετοὶ ἀγγέλλουσι τοῖσ στρατιώταισ·

τοῖσ δὲ ὑποψία μὲν ἦν ὅτι ἄγει πρὸσ βασιλέα, ὅμωσ δὲ ἐδόκει ἕπεσθαι. προσαιτοῦσι δὲ μισθόν· ὁ δὲ Κῦροσ ὑπισχνεῖται ἡμιόλιον πᾶσι δώσειν οὗ πρότερον ἔφερον, ἀντὶ δαρεικοῦ τρία ἡμιδαρεικὰ τοῦ μηνὸσ τῷ στρατιώτῃ· ὅτι δὲ ἐπὶ βασιλέα ἄγοι οὐδὲ ἐνταῦθα ἤκουσεν οὐδεὶσ ἐν τῷ γε φανερῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 3

(크세노폰, Anabasis, Κύρου Ἀναβάσεωσ Α, chapter 3)

상위

목록

SEARCH

MENU NAVIGATION