헬라어 문장 검색 - ΧενοπήΑναβασί1́10́

(크세노폰, Anabasis, Κύρου Ἀναβάσεωσ Α, chapter 10)

ἐνταῦθα δὴ Κύρου ἀποτέμνεται ἡ κεφαλὴ καὶ ἡ χεὶρ ἡ δεξιά. βασιλεὺσ δὲ καὶ οἱ σὺν αὐτῷ διώκων εἰσπίπτει εἰσ τὸ Κύρειον στρατόπεδον· καὶ οἱ μὲν μετὰ Ἀριαίου οὐκέτι ἵστανται, ἀλλὰ φεύγουσι διὰ τοῦ αὑτῶν στρατοπέδου εἰσ τὸν σταθμὸν ἔνθεν ὡρμῶντο· τέτταρεσ δ’ ἐλέγοντο παρασάγγαι εἶναι τῆσ ὁδοῦ. βασιλεὺσ δὲ καὶ οἱ σὺν αὐτῷ τά τε ἄλλα πολλὰ διαρπάζουσι καὶ τὴν Φωκαί̈δα τὴν Κύρου παλλακίδα τὴν σοφὴν καὶ καλὴν λεγομένην εἶναι λαμβάνει.

ἡ δὲ Μιλησία ἡ νεωτέρα ληφθεῖσα ὑπὸ τῶν ἀμφὶ βασιλέα ἐκφεύγει γυμνὴ πρὸσ τῶν Ἑλλήνων οἳ ἔτυχον ἐν τοῖσ σκευοφόροισ ὅπλα ἔχοντεσ καὶ ἀντιταχθέντεσ πολλοὺσ μὲν τῶν ἁρπαζόντων ἀπέκτειναν, οἱ δὲ καὶ αὐτῶν ἀπέθανον·

οὐ μὴν ἔφυγόν γε, ἀλλὰ καὶ ταύτην ἔσωσαν καὶ τἆλλα, ὁπόσα ἐντὸσ αὐτῶν καὶ χρήματα καὶ ἄνθρωποι ἐγένοντο, πάντα ἔσωσαν. ἐνταῦθα διέσχον ἀλλήλων βασιλεύσ τε καὶ οἱ Ἕλληνεσ ὡσ τριάκοντα στάδια, οἱ μὲν διώκοντεσ τοὺσ καθ’ αὑτοὺσ ὡσ πάντασ νικῶντεσ, οἱ δ’ ἁρπάζοντεσ ὡσ ἤδη πάντεσ νικῶντεσ.

ἐπεὶ δ’ ᾔσθοντο οἱ μὲν Ἕλληνεσ ὅτι βασιλεὺσ σὺν τῷ στρατεύματι ἐν τοῖσ σκευοφόροισ εἰή, βασιλεὺσ δ’ αὖ ἤκουσε Τισσαφέρνουσ ὅτι οἱ Ἕλληνεσ νικῷεν τὸ καθ’ αὑτοὺσ καὶ εἰσ τὸ πρόσθεν οἴχονται διώκοντεσ, ἔνθα δὴ βασιλεὺσ μὲν ἁθροίζει τε τοὺσ ἑαυτοῦ καὶ συντάττεται, ὁ δὲ Κλέαρχοσ ἐβουλεύετο Πρόξενον καλέσασ πλησιαίτατοσ γὰρ ἦν, εἰ πέμποιέν τινασ ἢ πάντεσ ἰοιέν ἐπὶ τὸ στρατόπεδον ἀρήξοντεσ.

ἐν τούτῳ καὶ βασιλεὺσ δῆλοσ ἦν προσιὼν πάλιν, ὡσ ἐδόκει, ὄπισθεν.

καὶ οἱ μὲν Ἕλληνεσ στραφέντεσ παρεσκευάζοντο ὡσ ταύτῃ προσιόντοσ καὶ δεξόμενοι, ὁ δὲ βασιλεὺσ ταύτῃ μὲν οὐκ ἦγεν, ᾗ δὲ παρῆλθεν ἔξω τοῦ εὐωνύμου κέρατοσ ταύτῃ καὶ ἀπῆγεν, ἀναλαβὼν καὶ τοὺσ ἐν τῇ μάχῃ πρὸσ τοὺσ Ἕλληνασ αὐτομολήσαντασ καὶ Τισσαφέρνην καὶ τοὺσ σὺν αὐτῷ. ὁ γὰρ Τισσαφέρνησ ἐν τῇ πρώτῃ συνόδῳ οὐκ ἔφυγεν, ἀλλὰ διήλασε παρὰ τὸν ποταμὸν κατὰ τοὺσ Ἕλληνασ πελταστάσ·

διελαύνων δὲ κατέκανε μὲν οὐδένα, διαστάντεσ δ’ οἱ Ἕλληνεσ ἔπαιον καὶ ἠκόντιζον αὐτούσ· Ἐπισθένησ δὲ Ἀμφιπολίτησ ἦρχε τῶν πελταστῶν καὶ ἐλέγετο φρόνιμοσ γενέσθαι. ὁ δ’ οὖν Τισσαφέρνησ ὡσ μεῖον ἔχων ἀπηλλάγη, πάλιν μὲν οὐκ ἀναστρέφει, εἰσ δὲ τὸ στρατόπεδον ἀφικόμενοσ τὸ τῶν Ἑλλήνων ἐκεῖ συντυγχάνει βασιλεῖ, καὶ ὁμοῦ δὴ πάλιν συνταξάμενοι ἐπορεύοντο.

ἐπεὶ δ’ ἦσαν κατὰ τὸ εὐώνυμον τῶν Ἑλλήνων κέρασ, ἔδεισαν οἱ Ἕλληνεσ μὴ προσάγοιεν πρὸσ τὸ κέρασ καὶ περιπτύξαντεσ ἀμφοτέρωθεν αὐτοὺσ κατακόψειαν·

καὶ ἐδόκει αὐτοῖσ ἀναπτύσσειν τὸ κέρασ καὶ ποιήσασθαι ὄπισθεν τὸν ποταμόν. ἐν ᾧ δὲ ταῦτα ἐβουλεύοντο, καὶ δὴ βασιλεὺσ παραμειψάμενοσ εἰσ τὸ αὐτὸ σχῆμα κατέστησεν ἀντίαν τὴν φάλαγγα ὥσπερ τὸ πρῶτον μαχούμενοσ συνῄει.

ὡσ δὲ εἶδον οἱ Ἕλληνεσ ἐγγύσ τε ὄντασ καὶ παρατεταγμένουσ, αὖθισ παιανίσαντεσ ἐπῇσαν πολὺ ἔτι προθυμότερον ἢ τὸ πρόσθεν. οἱ δ’ αὖ βάρβαροι οὐκ ἐδέχοντο, ἀλλὰ ἐκ πλέονοσ ἢ τὸ πρόσθεν ἔφευγον·

οἱ δ’ ἐπεδίωκον μέχρι κώμησ τινόσ·

ἐνταῦθα δ’ ἔστησαν οἱ Ἕλληνεσ· ὑπὲρ γὰρ τῆσ κώμησ γήλοφοσ ἦν, ἐφ’ οὗ ἀνεστράφησαν οἱ ἀμφὶ βασιλέα, πεζοὶ μὲν οὐκέτι, τῶν δὲ ἱππέων ὁ λόφοσ ἐνεπλήσθη, ὥστε τὸ ποιούμενον μὴ γιγνώσκειν. καὶ τὸ βασίλειον σημεῖον ὁρᾶν ἔφασαν αἰετόν τινα χρυσοῦν ἐπὶ πέλτῃ ἐπὶ ξύλου ἀνατεταμένον. ἐπεὶ δὲ καὶ ἐνταῦθ’ ἐχώρουν οἱ Ἕλληνεσ, λείπουσι δὴ καὶ τὸν λόφον οἱ ἱππεῖσ·

οὐ μὴν ἔτι ἁθρόοι ἀλλ’ ἄλλοι ἄλλοθεν· ἐψιλοῦτο δ’ ὁ λόφοσ τῶν ἱππέων· τέλοσ δὲ καὶ πάντεσ ἀπεχώρησαν. ὁ οὖν Κλέαρχοσ οὐκ ἀνεβίβαζεν ἐπὶ τὸν λόφον, ἀλλ’ ὑπ’ αὐτὸν στήσασ τὸ στράτευμα πέμπει Λύκιον τὸν Συρακόσιον καὶ ἄλλον ἐπὶ τὸν λόφον καὶ κελεύει κατιδόντασ τὰ ὑπὲρ τοῦ λόφου τί ἐστιν ἀπαγγεῖλαι.

καὶ ὁ Λύκιοσ ἤλασέ τε καὶ ἰδὼν ἀπαγγέλλει ὅτι φεύγουσιν ἀνὰ κράτοσ.

σχεδὸν δ’ ὅτε ταῦτα ἦν καὶ ἥλιοσ ἐδύετο.

ἐνταῦθα δ’ ἔστησαν οἱ Ἕλληνεσ καὶ θέμενοι τὰ ὅπλα ἀνεπαύοντο· καὶ ἅμα μὲν ἐθαύμαζον ὅτι οὐδαμοῦ Κῦροσ φαίνοιτο οὐδ’ ἄλλοσ ἀπ’ αὐτοῦ οὐδεὶσ παρῄει· οὐ γὰρ ᾔδεσαν αὐτὸν τεθνηκότα, ἀλλ’ εἴκαζον ἢ διώκοντα οἴχεσθαι ἢ καταληψόμενόν τι προεληλακέναι· καὶ αὐτοὶ ἐβουλεύοντο εἰ αὐτοῦ μείναντεσ τὰ σκευοφόρα ἐνταῦθα ἄγοιντο ἢ ἀπίοιεν ἐπὶ τὸ στρατόπεδον.

ἔδοξεν αὐτοῖσ ἀπιέναι· καὶ ἀφικνοῦνται ἀμφὶ δορπηστὸν ἐπὶ τὰσ σκηνάσ. ταύτησ μὲν τῆσ ἡμέρασ τοῦτο τὸ τέλοσ ἐγένετο.

καταλαμβάνουσι δὲ τῶν τε ἄλλων χρημάτων τὰ πλεῖστα διηρπασμένα καὶ εἴ τι σιτίον ἢ ποτὸν ἦν, καὶ τὰσ ἁμάξασ μεστὰσ ἀλεύρων καὶ οἴνου, ἃσ παρεσκευάσατο Κῦροσ, ἵνα εἴ ποτε σφόδρα τὸ στράτευμα λάβοι ἔνδεια, διαδιδοίη τοῖσ Ἕλλησιν ἦσαν δ’ αὗται τετρακόσιαι, ὡσ ἐλέγοντο, ἅμαξαι, καὶ ταύτασ τότε οἱ σὺν βασιλεῖ διήρπασαν. ὥστε ἄδειπνοι ἦσαν οἱ πλεῖστοι τῶν Ἑλλήνων·

ἦσαν δὲ καὶ ἀνάριστοι· πρὶν γὰρ δὴ καταλῦσαι τὸ στράτευμα πρὸσ ἄριστον βασιλεὺσ ἐφάνη. ταύτην μὲν οὖν τὴν νύκτα οὕτω διεγένοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 10

(크세노폰, Anabasis, Κύρου Ἀναβάσεωσ Α, chapter 10)

상위

목록

SEARCH

MENU NAVIGATION