헬라어 문장 검색 - ΠολψβίΗιστορί21́037́

(폴리비오스, Histories, book 21, chapter 34)

καὶ οὐκ ἄξιόσ ἐστιν ἐκ παραδρομῆσ, ἀλλὰ μετ’ ἐπιστάσεωσ τυχεῖν τῆσ ἁρμοζούσησ μνήμησ. Πλὴν συνεγγίζοντοσ Γναί̈ου ὑπάτου Ῥωμαίων τῇ Κιβύρᾳ, καὶ τοῦ Ἑλουίου πεμφθέντοσ εἰσ ἀπόπειραν ἐπὶ τίνοσ ἐστὶ γνώμησ, πρεσβευτὰσ ἐξέπεμψε, παρακαλῶν μὴ φθεῖραι τὴν χώραν, ὅτι φίλοσ ὑπάρχει Ῥωμαίων καὶ πᾶν ποιήσει τὸ παραγγελλόμενον.

καὶ ταῦτα λέγων ἅμα προύτεινε στέφανον ἀπὸ πεντεκαίδεκα ταλάντων.

ὧν ἀκούσασ αὐτὸσ μὲν ἀφέξεσθαι τῆσ χώρασ ἔφη, πρὸσ δὲ τὸν στρατηγὸν ἐκέλευσε πρεσβεύειν ὑπὲρ τῶν ὅλων·

ἕπεσθαι γὰρ αὐτὸν μετὰ τῆσ στρατείασ κατὰ πόδασ. φάσκων οὐ μόνον ἀλλοτριώτατον γεγονέναι Ῥωμαίων τὸν Μοαγέτην πάντων τῶν κατὰ τὴν Ἀσίαν δυναστῶν, ἀλλὰ καὶ κατὰ τὴν ῥώμην ὅλην εἰσ καθαίρεσιν τῆσ ἀρχῆσ καὶ ἐπιστροφῆσ εἶναι καὶ κολάσεωσ.

οἱ δὲ πρεσβευταὶ καταπλαγέντεσ τὴν ἐπίφασιν τῆσ ὀργῆσ τῶν μὲν ἄλλων ἐντολῶν ἀπέστησαν, ἠξίουν δ’ αὐτὸν εἰσ λόγουσ ἐλθεῖν.

εἰσ δὲ τὴν ἐπαύριον ἐξῆλθεν μετὰ τῶν φίλων ὁ τύραννοσ κατά τε τὴν ἐσθῆτα καὶ τὴν ἄλλην προστασίαν λιτὸσ καὶ ταπεινόσ, ἔν τε τοῖσ ἀπολογισμοῖσ κατολοφυρόμενοσ τὴν ἀδυναμίαν τὴν αὑτοῦ καὶ τὴν ἀσθένειαν ὧν ἐπῆρχε πόλεων, καὶ πρὸσ τούτοισ ἠξίου προσδέξασθαι τὰ πεντεκαίδεκα τάλαντα τὸν Γνάιον·

ἐκράτει δὲ τῆσ Κιβύρασ καὶ Συλείου καὶ τῆσ ἐν Λίμνῃ πόλεωσ.

ὁ δὲ Γνάιοσ καταπλαγεὶσ τὴν ἀπόνοιαν ἄλλο μὲν οὐδὲν εἶπε πρὸσ αὐτόν, ἐὰν δὲ μὴ διδῷ πεντακόσια τάλαντα μετὰ μεγάλησ χάριτοσ, οὐ τὴν χώραν ἔφη φθερεῖν, ἀλλὰ τὴν πόλιν αὐτὴν πολιορκήσειν καὶ διαρπάσειν.

ὅθεν ὁ Μοαγέτησ κατορρωδήσασ τὸ μέλλον ἐδεῖτο μηδὲν ποιῆσαι τοιοῦτον, καὶ προσετίθει κατὰ βραχὺ τῶν χρημάτων, καὶ τέλοσ ἔπεισε τὸν Γνάιον ἑκατὸν τάλαντα καὶ μυρίουσ μεδίμνουσ λαβόντα πυρῶν προσδέξασθαι πρὸσ τὴν φιλίαν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 34

(폴리비오스, Histories, book 21, chapter 34)

상위

목록

SEARCH

MENU NAVIGATION