헬라어 문장 검색 - ΠολψβίΗιστορί21́006́

(폴리비오스, Histories, book 21, chapter 5)

Οὗτοι μὲν οὖν ἐπανῄεσαν βουλευσόμενοι περὶ τῶν προειρημένων· οἱ δὲ περὶ τὸν Ἐχέδημον συμμίξαντεσ τοῖσ ἀποκλήτοισ ἐβουλεύοντο περὶ τῶν προειρημένων.

ἦν δὲ τῶν ἐπιταττομένων τὸ μὲν ἀδύνατον διὰ τὸ πλῆθοσ τῶν χρημάτων, τὸ δὲ φοβερὸν διὰ τὸ πρότερον αὐτοὺσ ἀπατηθῆναι, καθ’ ὃν καιρὸν ἐπινεύσαντεσ ὑπὲρ τῆσ ἐπιτροπῆσ παρὰ μικρὸν εἰσ τὴν ἅλυσιν ἐνέπεσον.

διόπερ ἀπορούμενοι καὶ δυσχρηστούμενοι περὶ ταῦτα πάλιν ἐξέπεμπον τοὺσ αὐτοὺσ δεησομένουσ ἢ τῶν χρημάτων ἀφελεῖν, ἵνα δύνωνται τελεῖν, ἢ τῆσ ἐπιτροπῆσ ἐκτὸσ ποιῆσαι τοὺσ πολιτικοὺσ ἄνδρασ καὶ τὰσ γυναῖκασ.

οἳ καὶ συμμίξαντεσ τοῖσ περὶ τὸν Πόπλιον διεσάφουν τὰ δεδογμένα.

οἱ δὲ περὶ τὸν Ἐχέδημον ἐπακολουθήσαντεσ εἰσ τὴν Ὑπάταν συνεβούλευσαν τοῖσ Αἰτωλοῖσ, ἐπεὶ τὰ τῆσ διαλύσεωσ ἐμποδίζοιτο κατὰ τὸ παρόν, ἀνοχὰσ αἰτησαμένουσ καὶ τῶν ἐνεστώτων κακῶν ὑπέρθεσιν ποιησαμένουσ πρεσβεύειν πρὸσ τὴν σύγκλητον, κἂν μὲν ἐπιτυγχάνωσι περὶ τῶν ἀξιουμένων·

εἰ δὲ μή, τοῖσ καιροῖσ ἐφεδρεύειν.

χείρω μὲν γὰρ ἀδύνατον γενέσθαι τῶν ὑποκειμένων τὰ περὶ σφᾶσ, βελτίω γε μὴν οὐκ ἀδύνατον διὰ πολλὰσ αἰτίασ.

φανέντων δὲ καλῶσ λέγειν τῶν περὶ τὸν Ἐχέδημον, ἔδοξε πρεσβεύειν τοῖσ Αἰτωλοῖσ ὑπὲρ τῶν ἀνοχῶν.

ἀφικόμενοι δὲ πρὸσ τὸν Λεύκιον ἐδέοντο συγχωρηθῆναι σφίσι κατὰ τὸ παρὸν ἑξαμήνουσ ἀνοχάσ, ἵνα πρεσβεύσωσι πρὸσ τὴν σύγκλητον.

ὁ δὲ Πόπλιοσ, πάλαι πρὸσ τὰσ κατὰ τὴν Ἀσίαν πράξεισ παρωρμημένοσ, ταχέωσ ἔπεισε τὸν ἀδελφὸν ὑπακοῦσαι τοῖσ ἀξιουμένοισ.

γραφεισῶν δὲ τῶν ὁμολογιῶν, ὁ μὲν Μάνιοσ, λύσασ τὴν πολιορκίαν καὶ παραδοὺσ ἅπαν τὸ στράτευμα καὶ τὰσ χορηγίασ τοῖσ περὶ τὸν Λεύκιον, εὐθέωσ ἀπηλλάττετο μετὰ τῶν χιλιάρχων εἰσ τὴν Ῥώμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 5

(폴리비오스, Histories, book 21, chapter 5)

상위

목록

SEARCH

MENU NAVIGATION