헬라어 문장 검색 - ΠολψβίΗιστορί21́021́

(폴리비오스, Histories, book 21, chapter 20)

κατολιγωροῦντεσ τούτων. ἐγὼ δὲ περὶ μὲν τῶν ἄλλων, ὅτου δέοι, παντὸσ ἂν παραχωρήσαιμι τοῖσ πέλασ ἀφιλονίκωσ, περὶ δὲ τῆσ ὑμετέρασ φιλίασ καὶ τῆσ εἰσ ὑμᾶσ εὐνοίασ ἁπλῶσ οὐδέποτ’ ἂν οὐδενὶ τῶν ὄντων ἐκχωρήσαιμι κατὰ δύναμιν. δοκῶ δὲ καὶ τὸν πατέρα τὸν ἡμέτερον, εἴπερ ἔζη, τὴν αὐτὴν ἂν προέσθαι φωνὴν ἐμοί.

καὶ γὰρ ἐκεῖνοσ, πρῶτοσ μετασχὼν τῆσ ὑμετέρασ φιλίασ καὶ συμμαχίασ, σχεδὸν πάντων τῶν [κατὰ] τὴν Ἀσίαν καὶ τὴν Ἑλλάδα νεμομένων, εὐγενέστατα διεφύλαξε ταύτην ἑώσ τῆσ τελευταίασ ἡμέρασ, οὐ μόνον κατὰ τὴν προαίρεσιν, ἀλλὰ καὶ κατὰ τὰσ πράξεισ.

πάντων γὰρ ὑμῖν ἐκοινώνησε τῶν κατὰ τὴν Ἑλλάδα πολέμων καὶ πλείστασ μὲν εἰσ τούτουσ καὶ πεζικὰσ καὶ ναυτικὰσ δυνάμεισ παρέσχετο τῶν ἄλλων συμμάχων, πλείστην δὲ συνεβάλετο χορηγίαν καὶ μεγίστουσ ὑπέμεινε κινδύνουσ·

τέλοσ δ’ εἰπεῖν, κατέστρεψε τὸν βίον ἐν αὐτοῖσ τοῖσ ἔργοισ κατὰ τὸν Φιλιππικὸν πόλεμον, παρακαλῶν Βοιωτοὺσ εἰσ τὴν ὑμετέραν φιλίαν καὶ συμμαχίαν.

ἐγὼ δὲ διαδεξάμενοσ τὴν ἀρχὴν τὴν μὲν προαίρεσιν τὴν τοῦ πατρὸσ διεφύλαξα ‐ ταύτην γὰρ οὐχ οἱο͂́ν τ’ ἦν ὑπερθέσθαι ‐ τοῖσ δὲ πράγμασιν ὑπερεθέμην.

οἱ γὰρ καιροὶ τὴν ἐκ πυρὸσ βάσανον ἐμοὶ μᾶλλον ἢ ’κείνῳ προσῆγον.

τοσοῦτον ἀπέσχομεν τοῦ προσδέξασθαί τι τούτων, ὡσ πλείσταισ μὲν καὶ πεζικαῖσ καὶ ναυτικαῖσ δυνάμεσιν τῶν ἄλλων συμμάχων ἠγωνίσμεθα μεθ’ ὑμῶν πρὸσ Ἀντίοχον, πλείστασ δὲ χορηγίασ συμβεβλήμεθα πρὸσ τὰσ ὑμετέρασ χρείασ ἐν τοῖσ ἀναγκαιοτάτοισ καιροῖσ, εἰσ πάντασ δὲ τοὺσ κινδύνουσ δεδώκαμεν αὑτοὺσ ἀπροφασίστωσ μετά γε τῶν ὑμετέρων ἡγεμόνων.

τὸ δὲ τελευταῖον ὑπεμείναμεν συγκλεισθέντεσ εἰσ αὐτὸν τὸν Πέργαμον πολιορκεῖσθαι καὶ κινδυνεύειν ἅμα περὶ τοῦ βίου καὶ τῆσ ἀρχῆσ διὰ τὴν πρὸσ τὸν ὑμέτερον δῆμον εὔνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 20

(폴리비오스, Histories, book 21, chapter 20)

상위

목록

SEARCH

MENU NAVIGATION