헬라어 문장 검색 - ΠολψβίΗιστορί21́020́

(폴리비오스, Histories, book 21, chapter 19)

ἠναγκάσθη περὶ τῶν προκειμένων. ἔφασκεν οὖν ἄλλο μὲν οὐδὲν ἂν εἰπεῖν περὶ τῶν καθ’ αὑτόν, ἀλλὰ μεῖναι τελέωσ διδοὺσ ἐκείνοισ τὴν ἐξουσίαν· ἕνα δὲ τόπον ἀγωνιᾶν τὸν κατὰ τοὺσ Ῥοδίουσ· διὸ καὶ προῆχθαι νῦν εἰσ τὸ λέγειν ὑπὲρ τῶν ἐνεστώτων.

ἐκείνουσ γὰρ παρεῖναι μὲν οὐδὲν ἧττον ὑπὲρ τῆσ σφετέρασ πατρίδοσ συμφερόντωσ σπουδάζοντασ ἤπερ αὑτοὺσ ὑπὲρ τῆσ ἰδίασ ἀρχῆσ φιλοτιμεῖσθαι κατὰ τὸ παρόν·

τοὺσ δὲ λόγουσ αὐτῶν τὴν ἐναντίαν ἔμφασιν ἔχειν τῇ προθέσει τῇ κατὰ τὴν ἀλήθειαν.

τοῦτο δ’ εἶναι ῥᾴδιον καταμαθεῖν. ἐρεῖν μὲν γὰρ αὐτούσ, ἐπειδὰν εἰσπορευθῶσιν, διότι πάρεισιν οὔτε παρ’ ὑμῶν αἰτούμενοι τὸ παράπαν οὐδὲν οὔθ’ ἡμᾶσ βλάπτειν θέλοντεσ κατ’ οὐδένα τρόπον, πρεσβεύονται δὲ περὶ τῆσ ἐλευθερίασ τῶν τὴν Ἀσίαν κατοικούντων Ἑλλήνων.

τοῦτο δ’ οὐχ οὕτωσ αὐτοῖσ εἶναι κεχαρισμένον φήσουσιν ὡσ ὑμῖν καθῆκον καὶ τοῖσ γεγονόσιν ἔργοισ ἀκόλουθον.

ἡ μὲν οὖν διὰ τῶν λόγων φαντασία τοιαύτη τισ αὐτῶν ἔσται·

τὰ δὲ κατὰ τὴν ἀλήθειαν τὴν ἐναντίαν ἔχοντα τούτοισ εὑρεθήσεται διάθεσιν. τῶν γὰρ πόλεων ἐλευθερωθεισῶν, ὡσ αὐτοὶ παρακαλοῦσιν, τὴν μὲν τούτων συμβήσεται δύναμιν αὐξηθῆναι πολλαπλασίωσ, τὴν δ’ ἡμετέραν τρόπον τινὰ καταλυθῆναι.

τὸ γὰρ τῆσ ἐλευθερίασ ὄνομα καὶ τῆσ αὐτονομίασ ἡμῖν μὲν ἄρδην ἀποσπάσει πάντασ οὐ μόνον τοὺσ νῦν ἐλευθερωθησομένουσ, ἀλλὰ καὶ τοὺσ πρότερον ἡμῖν ὑποταττομένουσ, ἐπειδὰν ὑμεῖσ ἐπὶ ταύτησ ὄντεσ φανεροὶ γένησθε τῆσ προαιρέσεωσ, τούτοισ δὲ προσθήσει πάντασ.

τὰ γὰρ πράγματα φύσιν ἔχει τοιαύτην·

δόξαντεσ γὰρ ἠλευθερῶσθαι διὰ τούτουσ ὀνόματι μὲν ἔσονται σύμμαχοι τούτων, τῇ δ’ ἀληθείᾳ πᾶν ποιήσουσι τὸ κελευόμενον ἑτοίμωσ, τῇ μεγίστῃ χάριτι γεγονότεσ ὑπόχρεοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 19

(폴리비오스, Histories, book 21, chapter 19)

상위

목록

SEARCH

MENU NAVIGATION