헬라어 문장 검색 - ΠολψβίΗιστορί21́025́

(폴리비오스, Histories, book 21, chapter 24)

ἐπὶ δὲ τούτοισ εἰσήγαγον τοὺσ παρ’ Ἀντιόχου πρεσβευτὰσ Ἀντίπατρον καὶ Ζεῦξιν. καὶ μετά τινασ ἡμέρασ τοῦ δήμου συνεπικυρώσαντοσ ἔτεμον ὁρ́κια περὶ τούτων πρὸσ τοὺσ περὶ τὸν Ἀντίπατρον.

μετὰ δὲ ταῦτα καὶ τοὺσ ἄλλουσ εἰσῆγον, ὅσοι παρῆσαν ἀπὸ τῆσ Ἀσίασ πρεσβεύοντεσ·

ὧν ἐπὶ βραχὺ μὲν διήκουσαν, ἅπασιν δὲ τὴν αὐτὴν ἔδωκαν ἀπόκρισιν. αὕτη δ’ ἦν ὅτι δέκα πρεσβεύοντασ ἐξαποστελοῦσι τοὺσ ὑπὲρ ἁπάντων τῶν ἀμφισβητουμένων ταῖσ πόλεσι διαγνωσομένουσ.

τῶν δὲ πόλεων τῶν Ἑλληνίδων ὅσαι μὲν Ἀττάλῳ φόρον ὑπετέλουν, ταύτασ τὸν αὐτὸν Εὐμένει τελεῖν, ὅσαι δ’ Ἀντιόχῳ, μόνον ταύταισ ἀφεῖσθαι τὸν φόρον.

δόντεσ δὲ τοὺσ τύπουσ τούτουσ ὑπὲρ τῆσ ὅλησ διοικήσεωσ, ἐξέπεμπον τοὺσ δέκα πρὸσ Γνάιον τὸν ὕπατον εἰσ τὴν Ἀσίαν.

ἤδη δὲ τούτων διῳκημένων, προσῆλθον αὖθισ οἱ Ῥόδιοι πρὸσ τὴν σύγκλητον, ἀξιοῦντεσ περὶ Σόλων τῶν Κιλικίων·

διὰ γὰρ τὴν συγγένειαν ἔφασαν καθήκειν αὑτοῖσ προνοεῖσθαι τῆσ πόλεωσ ταύτησ. εἶναι γὰρ Ἀργείων ἀποίκουσ Σολεῖσ, καθάπερ καὶ Ῥοδίουσ·

ἐξ ὧν ἀδελφικὴν οὖσαν ἀπεδείκνυον τὴν συγγένειαν πρὸσ ἀλλήλουσ. ὧν ἕνεκα δίκαιον ἔφασαν εἶναι τυχεῖν αὐτοὺσ τῆσ ἐλευθερίασ ὑπὸ Ῥωμαίων διὰ τῆσ Ῥοδίων χάριτοσ.

ἡ δὲ σύγκλητοσ διακούσασα περὶ τούτων εἰσεκαλέσατο τοὺσ παρ’ Ἀντιόχου πρεσβευτάσ, καὶ τὸ μὲν πρῶτον ἐπέταττε πάσησ Κιλικίασ ἐκχωρεῖν τὸν Ἀντίοχον·

οὐ προσδεχομένων δὲ τῶν περὶ τὸν Ἀντίπατρον διὰ τὸ παρὰ τὰσ συνθήκασ εἶναι, πάλιν ὑπὲρ αὐτῶν Σόλων ἐποιοῦντο τὸν λόγον. φιλοτίμωσ δὲ πρὸσ τοῦτο διερειδομένων τῶν πρεσβευτῶν, τούτουσ μὲν ἀπέλυσαν, τοὺσ δὲ Ῥοδίουσ εἰσκαλεσάμενοι διεσάφουν τὰ συναντώμενα παρὰ τῶν περὶ τὸν Ἀντίπατρον καὶ προσεπέλεγον ὅτι πᾶν ὑπομενοῦσιν, εἰ πάντωσ τοῦτο κέκριται Ῥοδίοισ.

τῶν δὲ πρεσβευτῶν εὐδοκουμένων τῇ φιλοτιμίᾳ τῆσ συγκλήτου καὶ φασκόντων οὐδὲν ἔτι πέρα ζητεῖν, ταῦτα μὲν ἐπὶ τῶν ὑποκειμένων ἔμεινεν.

Ἤδη δὲ πρὸσ ἀναζυγὴν τῶν δέκα καὶ τῶν ἄλλων πρεσβευτῶν ὄντων, κατέπλευσαν τῆσ Ἰταλίασ εἰσ Βρεντέσιον οἵ τε περὶ τὸν Σκιπίωνα καὶ Λεύκιον οἱ τῇ ναυμαχίᾳ νικήσαντεσ τὸν Ἀντίοχον·

οἳ καὶ μετά τινασ ἡμέρασ εἰσελθόντεσ εἰσ τὴν Ῥώμην ἦγον θριάμβουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 24

(폴리비오스, Histories, book 21, chapter 24)

상위

목록

SEARCH

MENU NAVIGATION