헬라어 문장 검색 - ΠολψβίΗιστορί21́031́

(폴리비오스, Histories, book 21, chapter 30)

ροῦντεσ τὴν πρὸσ τοὺσ συμμάχουσ πίστιν. ὥστε διακόσια μὲν Εὐβοϊκὰ τάλαντα παραχρῆμα λαβεῖν, τριακόσια δ’ ἐν ἔτεσιν ἕξ, πεντήκοντα καθ’ ἕκαστον ἔτοσ·

ἀποκατασταθῆναι δὲ καὶ τοὺσ αἰχμαλώτουσ καὶ τοὺσ αὐτομόλουσ Ῥωμαίοισ ἅπαντασ τοὺσ παρ’ αὐτοῖσ ὄντασ ἐν ἓξ μησὶ χωρὶσ λύτρων·

πόλιν δὲ μηδεμίαν ἔχειν ἐν τῇ συμπολιτείᾳ μηδὲ μετὰ ταῦτα προσλαβέσθαι τούτων, ὅσαι μετὰ τὴν Λευκίου Κορνηλίου διάβασιν ἑάλωσαν ὑπὸ Ῥωμαίων ἢ φιλίαν ἐποιήσαντο πρὸσ Ῥωμαίουσ·

Κεφαλληνίουσ δὲ πάντασ ἐκσπόνδουσ εἶναι τούτων τῶν συνθηκῶν.

Ταῦτα μὲν οὖν ὑπετυπώθη τότε κεφαλαιωδῶσ περὶ τῶν διαλύσεων·

ἔδει δὲ τούτοισ πρῶτον μὲν εὐδοκῆσαι τοὺσ Αἰτωλούσ, μετὰ δὲ ταῦτα γίνεσθαι τὴν ἀναφορὰν ἐπὶ Ῥωμαίουσ. οἱ μὲν οὖν Ἀθηναῖοι καὶ Ῥόδιοι παρέμενον αὐτοῦ, καραδοκοῦντεσ τὴν τῶν Αἰτωλῶν ἀπόφασιν·

οἱ δὲ περὶ τὸν Δαμοτέλην ἐπανελθόντεσ διεσάφουν τοῖσ Αἰτωλοῖσ περὶ τῶν συγκεχωρημένων. τοῖσ μὲν οὖν ὅλοισ εὐδόκουν·

καὶ γὰρ ἦν αὐτοῖσ ἅπαντα παρὰ τὴν προσδοκίαν· περὶ δὲ τῶν πόλεων τῶν πρότερον συμπολιτευομένων αὐτοῖσ διαπορήσαντεσ ἐπὶ ποσὸν τέλοσ συγκατέθεντο τοῖσ προτεινομένοισ. ὁ δὲ Μάρκοσ παραλαβὼν τὴν Ἀμβρακίαν τοὺσ μὲν Αἰτωλοὺσ ἀφῆκεν ὑποσπόνδουσ, τὰ δ’ ἀγάλματα καὶ τοὺσ ἀνδριάντασ καὶ τὰσ γραφὰσ ἀπήγαγεν ἐκ τῆσ πόλεωσ, ὄντα καὶ πλείω διὰ τὸ γεγονέναι βασίλειον Πύρρου τὴν Ἀμβρακίαν.

ἐδόθη δ’ αὐτῷ καὶ στέφανοσ ἀπὸ ταλάντων ἑκατὸν καὶ πεντήκοντα.

ταῦτα δὲ διοικησάμενοσ ἐποιεῖτο τὴν πορείαν εἰσ τὴν μεσόγειον τῆσ Αἰτωλίασ, θαυμάζων ἐπὶ τῷ μηδὲν αὐτῷ παρὰ τῶν Αἰτωλῶν ἀπαντᾶσθαι.

παραγενόμενοσ δὲ πρὸσ Ἄργοσ τὸ καλούμενον Ἀμφιλοχικὸν κατεστρατοπέδευσεν, ὅπερ ἀπέχει τῆσ Ἀμβρακίασ ἑκατὸν ὀγδοήκοντα σταδίουσ.

ἐκεῖ δὲ συμμιξάντων αὐτῷ τῶν περὶ τὸν Δαμοτέλην καὶ διασαφούντων ὅτι δέδοκται τοῖσ Αἰτωλοῖσ βεβαιοῦν τὰσ δι’ ἑαυτῶν γεγενημένασ ὁμολογίασ, διεχωρίσθησαν, Αἰτωλοὶ μὲν εἰσ τὴν οἰκείαν, Μάρκοσ δ’ εἰσ τὴν Ἀμβρακίαν.

οἱ δ’ Αἰτωλοὶ προχειρισάμενοι Φαινέαν καὶ Νίκανδρον πρεσβευτὰσ ἐξέπεμψαν εἰσ τὴν Ῥώμην περὶ τῆσ εἰρήνησ·

ἁπλῶσ γὰρ οὐδὲν ἦν κύριον τῶν προειρημένων, εἰ μὴ καὶ τῷ δήμῳ δόξαι τῷ τῶν Ῥωμαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 30

(폴리비오스, Histories, book 21, chapter 30)

상위

목록

SEARCH

MENU NAVIGATION