헬라어 문장 검색 - ΠολψβίΗιστορί21́016́

(폴리비오스, Histories, book 21, chapter 15)

Λαβὼν δὲ καιρὸν ἁρμόζοντα διελέγετο περὶ ὧν εἶχε τὰσ ἐντολάσ. συνέβαινε γὰρ ἐν ἀρχαῖσ τοῦ πολέμου τὸν υἱὸν τὸν τοῦ Σκιπίωνοσ γεγονέναι τοῖσ περὶ Ἀντίχον ὑποχείριον·

δεύτερον δὲ διότι καὶ κατὰ τὸ παρὸν ἕτοιμόσ ἐστιν ὁ βασιλεὺσ ὅσον ἂν ἀποδείξῃ διδόναι πλῆθοσ χρημάτων καὶ μετὰ ταῦτα κοινὴν ποιεῖν τὴν ἐκ τῆσ βασιλείασ χορηγίαν, ἐὰν συνεργήσῃ ταῖσ ὑπὸ τοῦ βασιλέωσ προτεινομέναισ διαλύσεσιν.

ὁ δὲ Πόπλιοσ τὴν μὲν κατὰ τὸν υἱὸν ἐπαγγελίαν ἔφη δέχεσθαι καὶ μεγάλην χάριν ἕξειν ἐπὶ τούτοισ, ἐὰν βεβαιώσῃ τὴν ὑπόσχεσιν·

περὶ δὲ τῶν ἄλλων ἀγνοεῖν αὐτὸν ἔφη καὶ παραπαίειν ὁλοσχερῶσ τοῦ σφετέρου συμφέροντοσ οὐ μόνον κατὰ τὴν πρὸσ αὑτὸν ἔντευξιν, ἀλλὰ καὶ κατὰ τὴν πρὸσ τὸ συνέδριον.

εἰ μὲν γὰρ ἔτι Λυσιμαχείασ καὶ τῆσ εἰσ τὴν Χερρόνησον εἰσόδου κύριοσ ὑπάρχων ταῦτα προύτεινε, ταχέωσ ἂν αὐτὸν ἐπιτυχεῖν.

ὁμοίωσ, εἰ καὶ τούτων ἐκχωρήσασ παραγεγόνει πρὸσ τὸν Ἑλλήσποντον μετὰ τῆσ δυνάμεωσ καὶ δῆλοσ ὢν ὅτι κωλύσει τὴν διάβασιν ἡμῶν ἐπρέσβευε περὶ τῶν αὐτῶν τούτων, ἦν ἂν οὕτωσ αὐτὸν ἐφικέσθαι τῶν ἀξιουμένων.

ὅτε δ’ ἐάσασ ἐπιβῆναι τῆσ Ἀσίασ τὰσ ἡμετέρασ δυνάμεισ καὶ προσδεξάμενοσ οὐ μόνον τὸν χαλινόν, ἀλλὰ καὶ τὸν ἀναβάτην παραγίνεται πρεσβεύων περὶ διαλύσεων ἴσων, εἰκότωσ αὐτὸν ἀποτυγχάνειν καὶ διεψεῦσθαι τῶν ἐλπίδων.

διόπερ αὐτῷ παρῄνει βέλτιον βουλεύεσθαι περὶ τῶν ἐνεστώτων καὶ βλέπειν τοὺσ καιροὺσ ἀληθινῶσ.

ἀντὶ δὲ τῆσ κατὰ τὸν υἱὸν ἐπαγγελίασ ὑπισχνεῖτο δώσειν αὐτῷ συμβουλίαν ἀξίαν τῆσ προτεινομένησ χάριτοσ·

παρεκάλει γὰρ αὐτὸν εἰσ πᾶν συγκαταβαίνειν, μάχεσθαι δὲ κατὰ μηδένα τρόπον Ῥωμαίοισ. ὁ μὲν οὖν Ἡρακλείδησ ταῦτ’ ἀκούσασ ἐπανῆλθε καὶ συμμίξασ διεσάφει τῷ βασιλεῖ τὰ κατὰ μέροσ·

Ἀντίοχοσ δὲ νομίσασ οὐδὲν ἂν βαρύτερον αὑτῷ γενέσθαι πρόσταγμα τῶν νῦν ἐπιταττομένων, εἰ λειφθείη μαχόμενοσ, τῆσ μὲν περὶ τὰσ διαλύσεισ ἀσχολίασ ἀπέστη, τὰ δὲ πρὸσ ἀγῶνα πάντα καὶ πανταχόθεν ἡτοίμαζεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 15

(폴리비오스, Histories, book 21, chapter 15)

상위

목록

SEARCH

MENU NAVIGATION