헬라어 문장 검색 - ΠολψβίΗιστορί21́012́

(폴리비오스, Histories, book 21, chapter 11)

Ὅτι Ἀντίοχοσ ὁ βασιλεὺσ παραγενόμενοσ εἰσ τὰσ Σάρδεισ ἀπὸ τῆσ προρρηθείσησ στρατείασ διεπέμπετο συνεχῶσ πρὸσ Προυσίαν, παρακαλῶν αὐτὸν εἰσ τὴν σφετέραν συμμαχίαν. ὁ δὲ Προυσίασ κατὰ μὲν τοὺσ ἀνώτερον χρόνουσ οὐκ ἀλλότριοσ ἦν τοῦ κοινωνεῖν τοῖσ περὶ τὸν Ἀντίοχον·

πάνυ γὰρ ἐδεδίει τοὺσ Ῥωμαίουσ, μὴ ποιῶνται τὴν εἰσ Ἀσίαν διάβασιν ἐπὶ καταλύσει πάντων τῶν δυναστῶν. ἅτε τῶν περὶ τὸν Πόπλιον ἐναργέσι κεχρημένων καὶ πολλοῖσ μαρτυρίοισ πρὸσ πίστιν διὰ τῶν ἐγγράπτων.

δι’ ὧν παρεδείκνυον οὐχ οἱο͂ν ἀφῃρημένοι τινὸσ τῶν ἐξ ἀρχῆσ βασιλέων τὰσ δυναστείασ, ἀλλὰ τινὰσ μὲν καὶ προσκατεσκευακότεσ αὐτοὶ δυνάστασ, ἐνίουσ δ’ ηὐξηκότεσ καὶ πολλαπλασίουσ αὐτῶν τὰσ ἀρχὰσ πεποιηκότεσ.

ὧν κατὰ μὲν τὴν Ἰβηρίαν Ἀνδοβάλην καὶ Κολίχαντα προεφέροντο, κατὰ δὲ τὴν Λιβύην Μασαννάσαν, ἐν δὲ τοῖσ κατὰ τὴν Ἰλλυρίδα τόποισ Πλευρᾶτον·

οὓσ ἅπαντασ ἔφασαν ἐξ ἐλαφρῶν καὶ τῶν τυχόντων δυναστῶν πεποιηκέναι βασιλεῖσ ὁμολογουμένωσ.

ὁμοίωσ κατὰ τὴν Ἑλλάδα Φίλιππον καὶ Νάβιν, ὧν Φίλιππον μὲν καταπολεμήσαντεσ καὶ συγκλείσαντεσ εἰσ ὅμηρα καὶ φόρουσ, βραχεῖαν αὐτοῦ νῦν λαβόντεσ ἀπόδειξιν εὐνοίασ ἀποκαθεστακέναι μὲν αὐτῷ τὸν υἱὸν καὶ τοὺσ ἅμα τούτῳ συνομηρεύοντασ νεανίσκουσ, ἀπολελυκέναι δὲ τῶν φόρων, πολλὰσ δὲ τῶν πόλεων ἀποδεδωκέναι τῶν ἁλουσῶν κατὰ πόλεμον·

Νάβιν δὲ δυνηθέντεσ ἄρδην ἐπανελέσθαι, τοῦτο μὲν οὐ ποιῆσαι, φείσασθαι δ’ αὐτοῦ, καίπερ ὄντοσ τυράννου, λαβόντεσ πίστεισ τὰσ εἰθισμένασ.

εἰσ ἃ βλέποντα παρεκάλουν τὸν Προυσίαν διὰ τῆσ ἐπιστολῆσ μὴ δεδιέναι περὶ τῆσ ἀρχῆσ, θαρροῦντα δ’ αἱρεῖσθαι τὰ Ῥωμαίων·

ἔσεσθαι γὰρ ἀμεταμέλητον αὐτῷ τὴν τοιαύτην προαίρεσιν. ὧν ὁ Προυσίασ διακούσασ ἐπ’ ἄλλησ ἐγένετο γνώμησ.

ὡσ δὲ καὶ παρεγενήθησαν πρὸσ αὐτὸν πρέσβεισ οἱ περὶ τὸν Γάιον Λίβιον, τελέωσ ἀπέστη τῶν κατὰ τὸν Ἀντίοχον ἐλπίδων, συμμίξασ τοῖσ προειρημένοισ ἀνδράσιν. Ἀντίοχοσ δὲ ταύτησ ἀποπεσὼν τῆσ ἐλπίδοσ παρῆν εἰσ Ἔφεσον καὶ συλλογιζόμενοσ ὅτι μόνωσ ἂν οὕτω δύναιτο κωλῦσαι τὴν τῶν πεζικῶν στρατοπέδων διάβασιν καὶ καθόλου τὸν πόλεμον ἀπὸ τῆσ Ἀσίασ ἀποτρίβεσθαι βεβαίωσ κρατοίη τῆσ θαλάττησ, προέθετο ναυμαχεῖν καὶ κρίνειν τὰ πράγματα διὰ τῶν κατὰ θάλατταν κινδύνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 21, chapter 11

(폴리비오스, Histories, book 21, chapter 11)

상위

목록

SEARCH

MENU NAVIGATION