헬라어 문장 검색 - Πλυταρ́Σολον́20́

(플루타르코스, Σόλων, chapter 20)

τῶν δ’ ἄλλων αὐτοῦ νόμων ἴδιοσ μὲν μάλιστα καὶ παράδοξοσ ὁ κελεύων ἄτιμον εἶναι τὸν ἐν στάσει μηδετέρασ μερίδοσ γενόμενον. βούλεται δ’, ὡσ ἐοίκε, μὴ ἀπαθῶσ μηδ’ ἀναισθήτωσ ἔχειν πρὸσ τὸ κοινόν, ἐν ἀσφαλεῖ θέμενον τὰ οἰκεῖα καὶ τῷ μὴ συναλγεῖν μηδὲ συννοσεῖν τῇ πατρίδι καλλωπιζόμενον, ἀλλ’ αὐτόθεν τοῖσ τὰ βελτίω καὶ δικαιότερα πράττουσι προσθέμενον, συγκινδυνεύειν καὶ βοηθεῖν, μᾶλλον ἢ περιμένειν ἀκινδύνωσ τὰ τῶν κρατούντων. ἄτοποσ δὲ δοκεῖ καὶ γελοῖοσ ὁ τῇ ἐπικλήρῳ διδούσ, ἂν ὁ κρατῶν καὶ κύριοσ γεγονὼσ κατὰ τὸν νόμον αὐτὸσ μὴ δυνατὸσ ᾖ πλησιάζειν, ὑπὸ τῶν ἔγγιστα του ἀνδρὸσ ὀπύεσθαι.

καί τοῦτο δ’ ὀρθῶσ ἔχειν τινέσ φασι πρόσ τοὺσ μὴ δυναμένουσ συνεῖναι, χρημάτων δ’ ἕνεκα λαμβάνοντασ ἐπικλήρουσ καὶ τῷ νόμῳ καταβιαζομένουσ τὴν φύσιν. ὁρῶντεσ γὰρ ᾧ βούλεται τὴν ἐπίκληρον συνοῦσαν ἢ προήσονται τὸν γάμον ἢ μετ’ αἰσχύνησ καθέξουσι, φιλοπλουτίασ καὶ ὕβρεωσ δίκην διδόντεσ. εὖ δ’ ἔχει καὶ τὸ μὴ πᾶσιν, ἀλλὰ τῶν συγγενῶν τοῦ ἀνδρὸσ ᾧ βούλεται διαλέγεσθαι τὴν ἐπίκληρον, ὅπωσ οἰκεῖον ᾖ καὶ μετέχον τοῦ γένουσ τὸ τικτόμενον.

εἰσ τοῦτο δὲ συντελεῖ καὶ τὸ τὴν νύμφην τῷ νυμφίῳ συγκαθείργνυσθαι μήλου κυδωνίου κατατραγοῦσαν, καὶ τὸ τρὶσ ἑκάστου μηνὸσ ἐντυγχάνειν πάντωσ τῇ ἐπικλήρῳ τὸν λαβόντα. καὶ γὰρ εἰ μὴ γένοιντο παῖδεσ, ἀλλὰ τιμή τισ ἀνδρὸσ αὕτη πρὸσ σώφρονα γυναῖκα, καὶ φιλοφροσύνη πολλὰ τῶν συλλεγομένων ἑκάστοτε δυσχερῶν ἀφαιροῦσα, καὶ ταῖσ διαφοραῖσ οὐκ ἐῶσα παντάπασιν ἀποστραφῆναι. τῶν δ’ ἄλλων γάμων ἀφεῖλε τὰσ φερνάσ,ἱμάτια τρία καὶ σκεύη μικροῦ νομίσματοσ ἄξια κελεύσασ, ἕτερον δὲ μηδὲν ἐπιφέρεσθαι τὴν γαμουμένην.

οὐ γὰρ ἐβούλετο μισθοφόρον οὐδ’ ὤνιον εἶναι τὸν γάμον, ἀλλ’ ἐπὶ τεκνώσει καὶ χάριτι καὶ φιλότητι γίνεσθαι τὸν ἀνδρὸσ καὶ γυναικὸσ συνοικισμόν. ὁ μὲν γὰρ Διονύσιοσ, ἀξιούσησ τῆσ μητρὸσ αὐτοῦ δοθῆναί τινι τῶν πολιτῶν πρὸσ γάμον, ἔφη τοὺσ μὲν τῆσ πόλεωσ νόμουσ λελυκέναι τυραννῶν, τοὺσ δὲ τῆσ φύσεωσ οὐκ εἶναι δυνατὸσ βιάζεσθαι γάμουσ νυμφαγωγῶν παρ’ ἡλικίαν· ἐν δὲ ταῖσ πόλεσι τὴν ἀταξίαν ταύτην οὐ δοτέον, οὐδὲ περιοπτέον ἀώρουσ καὶ ἀχαρίτουσ ἐπιπλοκὰσ καὶ μηδὲν ἔργον γαμήλιον ἐχούσασ μηδὲ τέλοσ.

ἀλλὰ γέροντι νέαν ἀγομένῳ φαίη τισ ἂν ἐμμελὴσ ἄρχων ἢ νομοθέτησ τὸ πρὸσ τὸν Φιλοκτήτην· εὖ γοῦν ὡσ γαμεῖν ἔχεισ τάλασ, καὶ νέον ἐν δωματίῳ πλουσίασ πρεσβύτιδοσ, ὥσπερ οἱ πέρδικεσ, ἀπὸ συνουσίασ παχυνόμενον ἐξανευρὼν μετοικίσει πρὸσ παρθένον νύμφην ἀνδρὸσ δεομένην. ταῦτα μὲν οὖν περὶ τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 20

(플루타르코스, Σόλων, chapter 20)

상위

목록

SEARCH

MENU NAVIGATION