헬라어 문장 검색 - Πλυταρ́Σολον́03́

(플루타르코스, Σόλων, chapter 3)

τὸ δ’ οὖν εὐδάπανον τῷ Σόλωνι καὶ ὑγρὸν πρὸσ τὴν δίαιταν, καὶ τὸ φορτικώτερον ἢ φιλοσοφώτερον ἐν τοῖσ ποιήμασι διαλέγεσθαι περὶ τῶν ἡδονῶν, τὸν ἐμπορικὸν οἰόνται βίον προστετρῖφθαι· πολλοὺσ γὰρ ἔχοντα κινδύνουσ καὶ μεγάλουσ ἀνταπαιτεῖν πάλιν εὐπαθείασ τινὰσ καὶ ἀπολαύσεισ. ὅτι δ’ αὑτὸν ἐν τῇ τῶν πενήτων μερίδι μᾶλλον ἢ τῇ τῶν πλουσίων ἔταττε, δῆλόν ἐστιν ἐκ τούτων·

πολλοὶ γὰρ πλουτεῦσι κακοί, ἀγαθοὶ δὲ πένονται· ἀλλ’ ἡμεῖσ αὐτοῖσ οὐ διαμειψόμεθα τῆσ ἀρετῆσ τὸν πλοῦτον· ἐπεὶ τὸ μὲν ἔμπεδον αἰεί, χρήματα δ’ ἀνθρώπων ἄλλοτε ἄλλοσ ἔχει. τῇ δὲ ποιήσει κατ’ ἀρχὰσ μὲν εἰσ οὐδὲν ἄξιον σπουδῆσ, ἀλλὰ παίζων ἐοίκε προσχρήσασθαι καὶ παράγων ἑαυτὸν ἐν τῷ σχολάζειν·

ὕστερον δὲ καὶ γνώμασ ἐνέτεινε φιλοσόφουσ καὶ τῶν πολιτικῶν πολλὰ συγκατέπλεκε τοῖσ ποιήμασιν, οὐχ ἱστορίασ ἕνεκεν καὶ μνήμησ, ἀλλ’ ἀπολογισμούσ τε τῶν πεπραγμένων ἔχοντα καὶ προτροπὰσ ἐνιαχοῦ καὶ νουθεσίασ καὶ ἐπιπλήξεισ πρὸσ τοὺσ Ἀθηναίουσ. ἔνιοι δέ φασιν ὅτι καὶ τοὺσ νόμουσ ἐπεχείρησεν ἐντείνασ εἰσ ἔποσ ἐξενεγκεῖν, καὶ διαμνημονεύουσι τὴν ἀρχὴν οὕτωσ ἔχουσαν·

πρῶτα μὲν εὐχώμεσθα Διὶ̈ Κρονίδῃ βασιλῆϊ θεσμοῖσ τοῖσδε τύχην ἀγαθὴν καὶ κῦδοσ ὀπάσσαι. φιλοσοφίασ δὲ τοῦ ἠθικοῦ μάλιστα τὸ πολιτικόν, ὥσπερ οἱ πλεῖστοι τῶν σοφῶν, ἠγάπησεν. ἐν δὲ τοῖσ φυσικοῖσ ἁπλοῦσ ἐστι λίαν καὶ ἀρχαῖοσ, ὡσ δῆλον ἐκ τούτων· ἐκ νεφέλησ πέλεται χιόνοσ μένοσ ἠδὲ χαλάζησ·

βροντὴ δ’ ἐκ λαμπρᾶσ γίνεται ἀστεροπῆσ. ἐξ ἀνέμων δὲ θάλασσα ταράσσεται· ἢν δέ τισ αὐτὴν μὴ κινῇ, πάντων ἐστὶ δικαιοτάτη. καὶ ὅλωσ ἐοίκεν ἡ Θάλεω μόνου σοφία τότε περαιτέρω τῆσ χρείασ ἐξικέσθαι τῇ θεωρίᾳ· τοῖσ δὲ ἄλλοισ ἀπὸ τῆσ πολιτικῆσ ἀρετῆσ τοὔνομα τῆσ σοφίασ ὑπῆρξε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 3

(플루타르코스, Σόλων, chapter 3)

상위

목록

SEARCH

MENU NAVIGATION