Plutarch, Σόλων, chapter 22

(플루타르코스, Σόλων, chapter 22)

ὁρῶν δὲ τὸ μὲν ἄστυ πιμπλάμενον ἀνθρώπων ἀεὶ συρρεόντων πανταχόθεν ἐπ’ ἀδείασ εἰσ τὴν Ἀττικήν, τὰ δὲ πλεῖστα τῆσ χώρασ ἀγεννῆ καὶ φαῦλα, τοὺσ δὲ χρωμένουσ τῇ θαλάττῃ μηδὲν εἰωθότασ εἰσάγειν τοῖσ μηδὲν ἔχουσιν ἀντιδοῦναι, πρὸσ τὰσ τέχνασ ἔτρεψε τοὺσ πολίτασ, καὶ νόμον ἔγραψεν υἱῷ τρέφειν τὸν πατέρα μὴ διδαξάμενον τέχνην ἐπάναγκεσ μὴ εἶναι. τῷ μὲν γὰρ Λυκούργῳ καὶ πόλιν οἰκοῦντι καθαρὰν ὄχλου ξενικοῦ καὶ χώραν κεκτημένῳ πολλοῖσι πολλήν, δὶσ τοσοῖσδε πλείονα, κατ’ Εὐριπίδην, καὶ τὸ μέγιστον, εἱλωτικοῦ πλήθουσ, ὃ βέλτιον ἦν μὴ σχολάζειν, ἀλλὰ τριβόμενον ἀεὶ καὶ πονοῦν ταπεινοῦσθαι, περικεχυμένου τῇ Λακεδαίμονι, καλῶσ εἶχεν ἀσχολιῶν ἐπιπόνων καὶ βαναύσων ἀπαλλάξαντα τοὺσ πολίτασ συνέχειν ἐν τοῖσ ὅπλοισ, μίαν τέχνην ταύτην ἐκμανθάνοντασ καὶ ἀσκοῦντασ·

σόλων δὲ τοῖσ πράγμασι τοὺσ νόμουσ μᾶλλον ἢ τὰ πράγματα τοῖσ νόμοισ προσαρμόζων, καὶ τῆσ χώρασ τὴν φύσιν ὁρῶν τοῖσ γεωργοῦσι γλίσχρωσ διαρκοῦσαν, ἀργὸν δὲ καὶ σχολαστὴν ὄχλον οὐ δυναμένην τρέφειν, ταῖσ τέχναισ ἀξίωμα περιέθηκε, καὶ τὴν ἐξ Ἀρείου πάγου βουλὴν ἔταξεν ἐπισκοπεῖν ὅθεν ἕκαστοσ ἔχει τὰ ἐπιτήδεια, καὶ τοὺσ ἀργοὺσ κολάζειν.

ἐκεῖνο δ’ ἤδη σφοδρότερον,τὸ μηδὲ τοῖσ ἐξ ἑταίρασ γενομένοισ ἐπάναγκεσ εἶναι τοὺσ πατέρασ τρέφειν, ὡσ Ἡρακλείδησ ἱστόρηκεν ὁ Ποντικόσ.

ὁ γὰρ ἐν γάμῳ παρορῶν τὸ καλὸν οὐ τέκνων ἕνεκα δῆλόσ ἐστιν, ἀλλ’ ἡδονῆσ ἀγόμενοσ γυναῖκα, τόν τε μισθὸν ἀπέχει, καὶ παρρησίαν αὑτῷ πρὸσ τοὺσ γενομένουσ οὐκ ἀπολέλοιπεν, οἷσ αὐτὸ τὸ γενέσθαι πεποίηκεν ὄνειδοσ.

일치하는 문장이 없습니다.

SEARCH

MENU NAVIGATION