Plutarch, Σόλων, chapter 24

(플루타르코스, Σόλων, chapter 24)

τῶν δὲ γινομένων διάθεσιν πρὸσ ξένουσ ἐλαίου μόνον ἔδωκεν, ἄλλα δ’ ἐξάγειν ἐκώλυσε· καὶ κατὰ τῶν ἐξαγόντων ἀρὰσ τὸν ἄρχοντα ποιεῖσθαι προσέταξεν, ἢ ἐκτίνειν αὐτὸν ἑκατὸν δραχμὰσ εἰσ τὸ δημόσιον. καὶ πρῶτοσ ἄξων ἐστὶν ὁ τοῦτον περιέχων τὸν νόμον. οὐκ ἂν οὖν τισ ἡγήσαιτο παντελῶσ ἀπιθάνουσ τοὺσ λέγοντασ ὅτι καὶ σύκων ἐξαγωγὴ τὸ παλαιὸν ἀπείρητο, καὶ τὸ φαίνειν ἐνδεικνύμενον τοὺσ ἐξάγοντασ κληθῆναι συκοφαντεῖν. ἔγραψε δὲ καὶ βλάβησ τετραπόδων νόμον, ἐν ᾧ καὶ κύνα δακόντα παραδοῦναι κελεύει κλοιῷ τριπήχει δεδεμένον· τὸ μὲν ἐνθύμημα χάριεν πρὸσ ἀσφάλειαν. παρέχει δ’ ἀπορίαν καὶ ὁ τῶν δημοποιήτων νόμοσ, ὅτι γενέσθαι πολίταισ οὐ δίδωσι πλὴν τοῖσ φεύγουσιν ἀειφυγίᾳ τὴν ἑαυτῶν ἢ πανεστίοισ Ἀθήναζε μετοικιζομένοισ ἐπὶ τέχνῃ.

τοῦτο δὲ ποιῆσαί φασιν αὐτὸν οὐχ οὕτωσ ἀπελαύνοντα τοὺσ ἄλλουσ ὡσ κατακαλούμενον Ἀθήναζε τούτουσ ἐπὶ βεβαίῳ τῷ μεθέξειν τῆσ πολιτείασ, καὶ ἅμα πιστοὺσ νομίζοντα τοὺσ μὲν ἀποβεβληκότασ τὴν ἑαυτῶν διὰ τὴν ἀνάγκην, τοὺσ δ’ ἀπολελοιπότασ διὰ τὴν γνώμην. ἴδιον δὲ τοῦ Σόλωνοσ καὶ τὸ περὶ τῆσ ἐν δημοσίῳ σιτήσεωσ, ὅπερ αὐτὸσ παρασιτεῖν κέκληκε.

τὸν γὰρ αὐτὸν οὐκ ἐᾷ σιτεῖσθαι πολλάκισ, ἐὰν δὲ ᾧ καθήκει μὴ βούληται, κολάζει, τὸ μὲν ἡγούμενοσ πλεονεξίαν, τὸ δ’ ὑπεροψίαν τῶν κοινῶν.

일치하는 문장이 없습니다.

SEARCH

MENU NAVIGATION