헬라어 문장 검색 - Πλυταρ́Σολον́07́

(플루타르코스, Σόλων, chapter 7)

ἄτοποσ δὲ καὶ ἀγεννὴσ ὁ τῷ φόβῳ τῆσ ἀποβολῆσ τὴν κτῆσιν ὧν χρὴ προϊέμενοσ· οὕτω γὰρ ἄν τισ οὐ πλοῦτον, οὐ δόξαν, οὐ σοφίαν ἀγαπήσειε παραγενομένην, δεδιὼσ στέρεσθαι. καὶ γὰρ ἀρετήν, ἧσ κτῆμα μεῖζον οὐδὲν οὐδ’ ἥδιον, ἐξισταμένην ὑπὸ νόσων καὶ φαρμάκων ὁρῶμεν· αὐτῷ τε Θαλῇ μὴ γήμαντι πλέον οὐδὲν εἰσ ἀφοβίαν, εἰ μὴ καὶ φίλων κτῆσιν ἔφυγε καὶ οἰκείων καὶ πατρίδοσ. ἀλλὰ καὶ παῖδα θετὸν ἔσχε ποιησάμενοσ αὐτὸσ τὸν τῆσ ἀδελφῆσ, ὥσ φασι, Κύβισθον.

ἐχούσησ γάρ τι τῆσ ψυχῆσ ἀγαπητικὸν ἐν ἑαυτῇ καὶ πεφυκυίασ, ὥσπερ αἰσθάνεσθαι καὶ διανοεῖσθαι καὶ μνημονεύειν, οὕτω καὶ φιλεῖν, ἐνδύεταί τι τούτῳ καὶ προσφύεται τῶν ἐκτὸσ οἷσ οἰκεῖον οὐδέν ἐστιν, καὶ καθάπερ οἶκον ἢ χώραν γνησίων ἔρημον διαδόχων, τὸ φιλόστοργον ἀλλότριοι καὶ νόθοι παῖδεσ ἢ θεράποντεσ εἰσοικισάμενοι καὶ καταλαβόντεσ ἅμα τῷ φιλεῖν τὸ φροντίζειν καὶ δεδιέναι περὶ αὐτῶν ἐνεποίησαν. ὥστ’ ἴδοισ ἂν ἀνθρώπουσ στερροτέρα τῇ φύσει περὶ γάμου καὶ γενέσεωσ παίδων διαλεγομένουσ, εἶτα τοὺσ αὐτοὺσ ἐπὶ παισὶν οἰκοτρίβων ἢ θρέμμασι παλλακῶν νοσοῦσι καὶ θνήσκουσι παρατεινομένουσ πόθῳ καὶ φωνὰσ ἀγεννεῖσ ἀφιέντασ.

ἔνιοι δὲ καὶ κυνῶν θανάτῳ καὶ ἵππων αἰσχρῶσ καὶ ἀβιώτωσ ὑπὸ λύπησ διετέθησαν. ἀλλ’ ἕτεροί γε παῖδασ ἀγαθοὺσ ἀποβαλόντεσ οὐδὲν ἔπαθον δεινὸν οὐδ’ ἐποίησαν αἰσχρόν, ἀλλὰ καὶ χρώμενοι τῷ λοιπῷ βίῳ κατὰ λόγον διετέλεσαν. ἀσθένεια γάρ, οὐκ εὔνοια, λύπασ ἀπεράντουσ ἐπάγεται καὶ φόβουσ ἀνθρώποισ ἀνασκήτοισ ὑπὸ λόγου πρὸσ τύχην, οἷσ οὐδ’ ἀπόλαυσισ ἐγγίνεται τοῦ ποθουμένου παρόντοσ, τοῦ μέλλοντοσ ὠδῖνασ ἀεὶ καὶ τρόμουσ καὶ ἀγῶνασ, εἰ στερήσονται, παρέχοντοσ αὐτοῖσ.

δεῖ δὲ μήτε πενίᾳ πρὸσ χρημάτων πεφράχθαι στέρησιν μήτε ἀφιλίᾳ πρὸσ φίλων ἀποβολὴν μήτ’ ἀπαιδίᾳ πρὸσ τέκνων θάνατον, ἀλλὰ τῷ λογισμῷ πρὸσ πάντα. καὶ ταῦτα μέν, ὡσ ἐν τῷ παρόντι, πλείονα τῶν ἱκανῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 7

(플루타르코스, Σόλων, chapter 7)

상위

목록

SEARCH

MENU NAVIGATION