Plutarch, Σόλων, chapter 14

(플루타르코스, Σόλων, chapter 14)

ἐνταῦθα δὴ τῶν Ἀθηναίων οἱ φρονιμώτατοι συνορῶντεσ τὸν Σόλωνα μόνον μάλιστα τῶν ἁμαρτημάτων ἐκτὸσ ὄντα, καὶ μήτε τοῖσ πλουσίοισ κοινωνοῦντα τῆσ ἀδικίασ μήτε ταῖσ τῶν πενήτων ἀνάγκαισ ἐνεχόμενον, ἐδέοντο τοῖσ κοινοῖσ προσελθεῖν καὶ καταπαῦσαι τὰσ διαφοράσ. καίτοι Φανίασ ὁ Λέσβιοσ αὐτὸν ἱστορεῖ τὸν Σόλωνα, χρησάμενον ἀπάτῃ πρὸσ ἀμφοτέρουσ ἐπὶ σωτηρίᾳ τῆσ πόλεωσ, ὑποσχέσθαι κρύφα τοῖσ μὲν ἀπόροισ τὴν νέμησιν, τοῖσ δὲ χρηματικοῖσ βεβαίωσιν τῶν συμβολαίων. ἀλλ’ αὐτὸσ ὁ Σόλων ὀκνῶν φησι τὸ πρῶτον ἅψασθαι τῆσ πολιτείασ, καὶ δεδοικὼσ τῶν μὲν τὴν φιλοχρηματίαν, τῶν δὲ τὴν ὑπερηφανίαν.

ᾑρέθη δὲ ἄρχων μετὰ Φιλόμβροτον ὁμοῦ καὶ διαλλακτὴσ καὶ νομοθέτησ, δεξαμένων προθύμωσ αὐτὸν ὡσ μὲν εὔπορον τῶν πλουσίων, ὡσ δὲ χρηστὸν τῶν πενήτων. λέγεται δὲ καὶ φωνή τισ αὐτοῦ περιφερομένη πρότερον, εἰπόντοσ ὡσ τὸ ἴσον πόλεμον οὐ ποιεῖ, καὶ τοῖσ κτηματικοῖσ ἀρέσκειν καὶ τοῖσ ἀκτήμοσι, τῶν μὲν ἀξίᾳ καὶ ἀρετῇ, τῶν δὲ μέτρῳ καὶ ἀριθμῷ τὸ ἴσον ἕξειν προσδοκώντων· ὅθεν ἐπ’ ἐλπίδοσ μεγάλησ ἑκατέρων γενομένων οἱ προϊστάμενοι προσέκειντο τῷ Σόλωνι τυραννίδα προξενοῦντεσ καὶ ἀναπείθοντεσ εὐτολμότερον ἅψασθαι τῆσ πόλεωσ ἐγκρατῆ γενόμενον.

πολλοὶ δὲ καὶ τῶν διὰ μέσου πολιτῶν, τὴν ὑπὸ λόγου καὶ νόμου μεταβολὴν ὁρῶντεσ ἐργώδη καὶ χαλεπὴν οὖσαν, οὐκ ἔφευγον ἕνα τὸν δικαιότατον καὶ φρονιμώτατον ἐπιστῆσαι τοῖσ πράγμασιν. ἔνιοι δέ φασι καὶ μαντείαν γενέσθαι τῷ Σόλωνι Πυθοῖ τοιαύτην·

ἧσο μέσην κατὰ νῆα κυβερνητήριον ἔργον εὐθύνων· πολλοί τοι Ἀθηναίων ἐπίκουροι. μάλιστα δὲ οἱ συνήθεισ ἐκάκιζον εἰ διὰ τοὔνομα δυσωπεῖται τὴν μοναρχίαν, ὥσπερ οὐκ ἀρετῇ τοῦ λαβόντοσ εὐθὺσ ἂν βασιλείαν γενομένην, καὶ γεγενημένην πρότερον μὲν Εὐβοεῦσι Τυννώνδαν, νῦν δὲ Μιτυληναίοισ Πιττακὸν ᾑρημένοισ τύραννον. τούτων οὐδὲν ἐξέκρουσε τὸν Σόλωνα τῆσ αὑτοῦ προαιρέσεωσ, ἀλλὰ πρὸσ μὲν τοὺσ φίλουσ εἶπεν, ὡσ λέγεται, καλὸν μὲν εἶναι τὴν τυραννίδα χωρίον, οὐκ ἔχειν δὲ ἀπόβασιν, πρὸσ δὲ Φῶκον ἐν τοῖσ ποιήμασι γράφων·

εἰ δὲ γῆσ φησίν ἐφεισάμην πατρίδοσ, τυραννίδοσ δὲ καὶ βίησ ἀμειλίχου οὐ καθηψάμην μιάνασ καὶ καταισχύνασ κλέοσ, οὐδὲν αἰδεῦμαι· πλέον γὰρ ὧδε νικήσειν δοκέω πάντασ ἀνθρώπουσ. ὅθεν εὔδηλον ὅτι καὶ πρὸ τῆσ νομοθεσίασ μεγάλην δόξαν εἶχεν. ἃ δὲ φυγόντοσ αὐτοῦ τὴν τυραννίδα πολλοὶ καταγελῶντεσ ἔλεγον, γέγραφεν οὕτωσ·

οὐκ ἔφυ Σόλων βαθύφρων οὐδὲ βουλήεισ ἀνήρ· ἐσθλὰ γὰρ θεοῦ διδόντοσ αὐτὸσ οὐκ ἐδέξατο. περιβαλὼν δ’ ἄγραν ἀγασθεὶσ οὐκ ἐπέσπασεν μέγα δίκτυον, θυμοῦ θ’ ἁμαρτῇ καὶ φρενῶν ἀποσφαλείσ. ἤθελον γάρ κεν κρατήσασ, πλοῦτον ἄφθονον λαβὼν καὶ τυραννεύσασ Ἀθηνῶν μοῦνον ἡμέραν μίαν, ἀσκὸσ ὕστερον δεδάρθαι κἀπιτετρῖφθαι γένοσ.

일치하는 문장이 없습니다.

SEARCH

MENU NAVIGATION