헬라어 문장 검색 - Πλυταρ́Δεϝιτιό01́

(플루타르코스, De vitioso pudore, section 1)

ἔνια τῶν ἐκ τῆσ γῆσ φυομένων αὐτὰ μέν ἐστιν ἄγρια τῇ φύσει καὶ ἄκαρπα καὶ βλαβερὰν τοῖσ ἡμέροισ σπέρμασι καὶ φυτοῖσ τὴν αὔξησιν ἔχοντα, σημεῖα δ’ αὐτὰ ποιοῦνται χώρασ οἱ γεωργοῦντεσ οὐ πονηρᾶσ ἀλλὰ γενναίασ καὶ πίονοσ· οὕτω δὴ καὶ πάθη ψυχῆσ ἐστιν οὐ χρηστά, χρηστῆσ δὲ φύσεωσ οἱο͂ν ἐξανθήματα καὶ λόγῳ παρασχεῖν ἐργάσιμον ἑαυτὴν ἐπιεικῶσ δυναμένησ.

ἐν τούτοισ τίθεμαι καὶ τὴν λεγομένην δυσωπίαν, σημεῖον μὲν οὐ φαῦλον αἰτίαν δὲ μοχθηρίασ οὖσαν.

τὰ γὰρ αὐτὰ τοῖσ ἀναισχύντοισ οἱ· αἰσχυνόμενοι πολλάκισ ἁμαρτάνουσι, πλὴν ὅτι τὸ λυπεῖσθαι καὶ ἀλγεῖν ἐφ’ οἷσ διαμαρτάνουσι τούτοισ πρόσεστιν οὐχ ὡσ ἐκείνοισ τὸ ἥδεσθαι.

ἀναλγὴσ μὲν γὰρ ὁ ἀναιδὴσ πρὸσ τὸ αἰσχρόν, εὐπαθὴσ δὲ καὶ πρὸσ τὸ φαινόμενον αἰσχρὸν ὁ εὐδυσώπητοσ. ὑπερβολὴ γὰρ τοῦ αἰσχύνεσθαι τὸ δυσωπεῖσθαι.

διὸ καὶ οὕτω κέκληται, τρόπον τινὰ τοῦ προσώπου τῇ ψυχῇ συνδιατρεπομένου καὶ συνεξατονοῦντοσ. ὡσ γὰρ τὴν κατήφειαν ὁρίζονται λύπην κάτω βλέπειν ποιοῦσαν, οὕτω τὴν αἰσχυντηλίαν μέχρι τοῦ μηδ’ ἀντιβλέπειν τοῖσ δεομένοισ ὑπείκουσαν δυσωπίαν ὠνόμασαν. ὅθεν ὁ μὲν ῥήτωρ τὸν ἀναίσχυντον οὐκ ἔφη κόρασ ἐν τοῖσ ὄμμασιν ἔχειν ἀλλὰ πόρνασ·

ὁ δ’ εὐδυσώπητοσ αὖ πάλιν ἄγαν τὸ θῆλυ τῆσ ψυχῆσ καὶ τρυφερὸν ἐμφαίνει διὰ τῆσ ὄψεωσ, τὴν ὑπὸ τῶν ἀναισχύντων ὄψιν αἰσχύνην ὑποκοριζόμενοσ.

ὁ μὲν οὖν Κάτων ἔλεγε τῶν νέων μᾶλλον ἀγαπᾶν τοὺσ ἐρυθριῶντασ ἢ τοὺσ ὠχριῶντασ, ὀρθῶσ ἐθίζων καὶ διδάσκων τὸν ψόγον μᾶλλον ἢ τὸν ἔλεγχον δεδιέναι καὶ τὴν ὑποψίαν μᾶλλον ἢ τὸν κίνδυνον. μὴν ἀλλὰ καὶ τοῦ πρὸσ τὸν ψόγον ὑπόπτου καὶ ψοφοδεοῦσ τὸ ἄγαν ἀφαιρετέον, ὡσ οὐχ ἧττον ἔνιοι πολλάκισ ἀκοῦσαι κακῶσ ἢ παθεῖν·

δείσαντεσ ἀπεδειλίασαν, καὶ προήκαντο τὸ καλὸν οὐ δυνηθέντεσ ὑπομεῖναι τὸ ἄδοξον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De vitioso pudore, section 1

(플루타르코스, De vitioso pudore, section 1)

상위

목록

SEARCH

MENU NAVIGATION