Plutarch, De vitioso pudore, section 2

(플루타르코스, De vitioso pudore, section 2)

οὔτε δὴ τούτουσ περιοπτέον οὕτωσ ἀσθενῶσ ἔχοντασ οὔτ’ αὖ πάλιν ἐκείνην ἐπαινετέον τὴν ἄτρεπτον καὶ ἀτενῆ διάθεσιν, ἐν δὲ τὸ θαρσαλέον τε καὶ ἐμμανὲσ ὅππη ὀρούσαι φαίνετ’ Ἀναξάρχου κύνεον μένοσ· ἀλλ’ ἐμμελῆ τινα μηχανητέον σύγκρασιν ἀμφοῖν, τοῦ μὲν ἀτενοῦσ ἄγαν τὴν ἀναίδειαν τοῦ δ’ ἐπιεικοῦσ σφόδρα τὴν ἀσθένειαν ἀφαιροῦσαν.

ᾗ καὶ τὸ θεράπευμα δυσχερὲσ καὶ οὐκ ἀκίνδυνοσ ἡ τῶν τοιούτων πλεονασμῶν κόλουσισ·

ὡσ γὰρ ὁ γεωργὸσ ἄγριον μὲν ἐκκόπτων βλάστημα καὶ ἀγεννέσ, αὐτόθεν ἀφειδῶσ ἐμβαλὼν τὸ σκαφεῖον ἀνέτρεψε τὴν ῥίζαν ἢ πῦρ προσαγαγὼν ἐπέκαυσεν ἀμπέλῳ δὲ προσιὼν τομῆσ δεομένῃ καὶ μηλέασ ἤ τινοσ ἐλαίασ ἁπτόμενοσ, εὐλαβῶσ ἐπιφέρει τὴν χεῖρα, δεδιὼσ μή τι τοῦ ὑγιαίνοντοσ ἀποτυφλώσῃ·

οὕτωσ ὁ φιλόσοφοσ φθόνον μὲν ἐξαιρῶν νέου ψυχῆσ, ἀγεννὲσ βλάστημα καὶ δυστιθάσευτον, ἢ φιλαργυρίαν ἀώρον, ἢ φιληδονίαν ἐπικόπτων ἀκόλαστον αἱμάσσει καὶ πιέζει καὶ τομὴν ποιεῖ καὶ οὐλὴν βαθεῖαν ὅταν δὲ τρυφερῷ μέρει ψυχῆσ καὶ ἁπαλῷ κολούοντα προσαγάγῃ λόγον, οἱο͂́ν ἐστι τὸ δυσωπούμενον καὶ διατρεπόμενον, εὐλαβεῖται μὴ λάθῃ τούτοισ συναποκόψασ τὸ αἰδούμενον.

καὶ γὰρ αἱ τίτθαι τῶν βρεφῶν ἐκτρίβουσαι πολλάκισ τὸν ῥύπον ἑλκοῦσιν ἐνίοτε τὴν σάρκα καὶ βασανίζουσιν.

ὅθεν οὐ δεῖ τῶν νέων παντάπασιν ἐν χρῷ τὴν δυσωπίαν ἐκτρίβοντασ ὀλιγώρουσ ποιεῖν καὶ λίαν ἀτρέπτουσ·

οὕτω δεῖ τὴν δυσωπίαν κινεῖν δεδιότασ συνεφελκύσασθαι τὰ ὁμοροῦντα τῆσ αἰδοῦσ καὶ τῆσ ἐπιεικείασ;

καὶ τῆσ ἡμερότητοσ, οἷσ ὑποδέδυκε καὶ προσπλέκεται κολακεύουσα τὸν εὐδυσώπητον ὡσ φιλάνθρωπον καὶ πολιτικὸν καὶ κοινὸν ἔχοντα νοῦν καὶ οὐκ ἄτεγκτον οὐδ’ αὐθέκαστον.

ὅθεν εὐθὺσ οἱ Στωικοὶ καὶ τῷ ῥήματι τὸ αἰσχύνεσθαι καὶ δυσωπεῖσθαι τοῦ αἰδεῖσθαι διέστησαν, ἵνα μηδὲ τὴν ὁμωνυμίαν τῷ πάθει πρόφασιν τοῦ βλάπτειν ἀπολίπωσιν.

ἀλλ’ ἡμῖν χρῆσθαι τοῖσ ὀνόμασιν ἀσυκοφαντήτωσ δότωσαν, μᾶλλον δ’ Ὁμηρικῶσ· καὶ γὰρ ἐκεῖνοσ εἶπεν αἰδώσ, ἣτ’ ἄνδρασ μέγα σίνεται ἠδ’ ὀνίνησι·

καὶ οὐ κακῶσ τὸ βλάπτον αὐτῆσ πρότερον εἶπε. γίγνεται γὰρ ὠφέλιμοσ ὑπὸ λόγου τὸ πλεονάζον ἀφελόντοσ καὶ τὸ μέτριον ἀπολιπόντοσ.

일치하는 문장이 없습니다.

SEARCH

MENU NAVIGATION