헬라어 문장 검색 - Πλυταρ́Δεφατό10́

(플루타르코스, De fato, section 9)

ἔστιν οὖν πρόνοια ἡ μὲν ἀνωτάτω καὶ πρώτη τοῦ πρώτου θεοῦ νόησισ, εἴτε καὶ βούλησισ οὖσα εὐεργέτισ ἁπάντων, καθ’ ἣν πρώτωσ ἕκαστα τῶν θείων διὰ παντὸσ ἄριστά τε καὶ κάλλιστα κεκόσμηται. ἡ δὲ δευτέρα δευτέρων θεῶν τῶν κατ’ οὐρανὸν ἰόντων, καθ’ ἣν τά τε θνητὰ γίγνεται τεταγμένωσ καὶ ὅσα πρὸσ διαμονὴν καὶ σωτηρίαν ἑκάστων τῶν γενῶν.

τρίτη δ’ ἂν εἰκότι ῥηθείη πρόνοιά τε καὶ προμήθεια τῶν ὅσοι περὶ γῆν δαίμονεσ τεταγμένοι τῶν ἀνθρωπίνων πράξεων φύλακέσ τε καὶ ἐπίσκοποί εἰσι. τοίνυν τῆσ προνοίασ θεωρουμένησ, κυριώτατα δὲ καὶ μάλιστα τῆσ πρώτησ λεγομένησ, οὐκ ἂν ὀκνήσαιμεν εἰπεῖν, εἰ καὶ φιλοσόφοισ ἀνδράσι τἀναντία λέγειν δόξαιμεν, ὡσ πάντα μὲν καθ’ εἱμαρμένην καὶ κατὰ πρόνοιαν οὐ μὴν καὶ κατὰ φύσιν·

ἀλλ’ ἔνια μὲν κατὰ πρόνοιαν καὶ ἄλλα γε κατ’ ἄλλην, ἔνια δὲ καθ’ εἱμαρμένην·

καὶ ἡ μὲν εἱμαρμένη πάντωσ κατὰ πρόνοιαν, ἡ δὲ πρόνοια οὐδαμῶσ καθ’ εἱμαρμένην.

ἔστω δ’ ὁ λόγοσ τὰ νῦν περὶ τῆσ πρώτησ καὶ ἀνωτάτω. τὸ μὲν κατά τι ὕστερον ἐκείνου, καθ’ ὃ τι ἂν καὶ λέγηται· οἱο͂ν τὸ κατὰ νόμον τοῦ νόμου, καὶ τὸ κατὰ φύσιν τῆσ φύσεωσ·

οὕτω δὲ καὶ τὸ καθ’ εἱμαρμένην τῆσ εἱμαρμένησ νεώτερον ἂν εἰή. ἡ δ’ ἀνωτάτω πρόνοια πρεσβύτατον ἁπάντων, πλὴν οὗπέρ ἐστιν εἴτε βούλησισ εἴτε νόησισ εἴτε καὶ ἑκάτερον. ἔστι δ’, ὡσ πρότερον εἴρηται τοῦ πάντων πατρόσ τε καὶ δημιουργοῦ.

φησὶν ὁ Τίμαιοσ "δι’ ἥντινα αἰτίαν γένεσιν καὶ τὸ πᾶν τόδε ὁ ξυνιστὰσ ξυνέστησεν. "ἀγαθὸσ ἦν·

"ἀγαθῷ δὲ οὐδεὶσ περὶ οὐδενὸσ οὐδέποτε ἐγγίγνεται φθόνοσ· "τούτου δ’ ἐκτὸσ ὢν πάντα ὅτι μάλιστα ἐβουλήθη γενέσθαι παραπλήσια ἑαυτῷ. ταύτην δὴ γενέσεωσ καὶ κόσμου μάλιστ’ ἄν τισ ἀρχὴν κυριωτάτην παρ’ ἀνδρῶν φρονίμων ἀποδεχόμενοσ ὀρθότατ’ ἀποδέχοιτ’ ἄν. βουληθεὶσ γὰρ ὁ θεὸσ ἀγαθὰ μὲν πάντα, φαῦλον δὲ μηδὲν εἶναι κατὰ δύναμιν, οὕτω δὴ πᾶν ὅσον ἦν ὁρατὸν παραλαβών, οὐχ ἡσυχίαν ἄγον ἀλλὰ κινούμενον πλημμελῶσ καὶ ἀτάκτωσ, εἰσ τάξιν αὐτὸ ἦγεν ἐκ τῆσ ἀταξίασ, ἡγησάμενοσ ἐκεῖνο τοῦδε πάντωσ ἄμεινον. "θέμισ δὲ οὔτ’ ἦν οὔτ’ ἔστι τῷ ἀρίστῳ δρᾶν ἄλλο πλὴν τὸ κάλλιστον" ταῦτα μὲν οὖν καὶ τὰ τούτων ἐχόμενα μέχρι ψυχῶν ἀνθρωπίνων κατὰ πρόνοιαν νομιστέον τήν γε πρώτην συνεστηκέναι· "ξυστήσασ δὲ τὸ πᾶν ἰσαρίθμουσ τοῖσ ἄστροισ ἔταξε, διεῖλέ τε ψυχὰσ ἑκάστην πρὸσ ἕκαστον, καὶ ἐμβιβάσασ ὡσ εἰσ ὄχημα τὴν τοῦ παντὸσ φύσιν ἔδειξε, νόμουσ τε τοὺσ εἱμαρμένουσ εἶπεν αὐταῖσ·

ταῦτα τίσ οὐκ ἂν διαρρήδην καὶ σαφέστατ’ οἰηθείη τὴν εἱμαρμένην δηλοῦν, ὥσπερ τινὰ βάσιν καὶ πολιτικὴν νομοθεσίαν ταῖσ ἀνθρωπίναισ ψυχαῖσ προσήκουσαν, ἧσ δὴ καὶ τὴν αἰτίαν ἑξῆσ ἐπιφέρει;

"διαθεσμοθετήσασ πάντα αὐτοῖσ, ἵνα τοῖσ ἔπειτα εἰή κακίασ ἑκάστων ἀναίτιοσ, ἔσπειρε τοὺσ μὲν εἰσ τὴν γῆν, τοὺσ δ’ εἰσ τὴν σελήνην, τοὺσ δ’ εἰσ τἄλλα ὅσα ὄργανα χρόνου.

"τὸ δὲ μετὰ τὸν σπόρον τοῖσ νέοισ παρέδωκε θεοῖσ σώματα πλάττειν θνητά, τὸ τ’ ἐπίλοιπον, ὅσον ἐστὶ ψυχῆσ ἀνθρωπίνησ δέον προσγενέσθαι, τοῦτο καὶ πάνθ’ ὅσα ἀκόλουθα ἐκείνοισ ἀπεργασαμένουσ ἄρχειν καὶ κατὰ δύναμιν ὅτι κάλλιστα καὶ ἄριστα τὸ θνητὸν διακυβερνᾶν ζῷον, ὅ τι μὴ κακῶν αὐτὸ αὑτῷ γίγνοιτο αἴτιον. σαφεστάτην αἰτίαν σημαίνει τῆσ εἱμαρμένησ·

ἡ δὲ τῶν νέων θεῶν τάξισ καὶ δημιουργία τὴν δευτέραν πρόνοιαν δηλοῖ· "ἵνα τῆσ ἔπειτα εἰή κακίασ ἑκάστῳ ἀναίτιοσ· θεὸσ δὲ κακίασ ἄμοιροσ οὔτε νόμων οὔθ’ εἱμαρμένησ;

ἐπιδέοιτ’ ἄν, ἀλλὰ τῇ προνοίᾳ τοῦ γεννήσαντοσ συνεπισπώμενοσ ἕκαστοσ αὐτῶν πράττει τὰ αὑτοῦ· ταῦτα δ’ ἀληθῆ καὶ ἀρέσκοντα τῷ Πλάτωνι φανερά μοι δοκεῖ μαρτύρια εἶναι τὰ πρὸσ τοῦ νομοθέτου ἐν τοῖσ Νόμοισ οὕτω λεγόμενα·

"ἐπεὶ ταῦτα εἴ ποτέ τισ ἀνθρώπων φύσει ἱκανόσ, θείᾳ μοίρᾳ γεννηθείσ, παραλαβεῖν δυνατὸσ εἰή, νόμων οὐδὲν ἂν δέοιτο αὑτοῦ ἀρξόντων·

"ἐπιστήμησ γὰρ οὔτε νόμοσ οὔτε τάξισ οὐδεμία κρείττων, οὐδὲ θέμισ ἐστὶ νοῦν οὐδενὸσ ὑπήκοον οὐδὲ δοῦλον ἀλλὰ πάντων ἄρχοντα εἶναι , ἐάνπερ ἀληθινὸσ ἐλεύθερόσ τε ὄντωσ ᾖ κατὰ φύσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fato, section 9

(플루타르코스, De fato, section 9)

상위

목록

SEARCH

MENU NAVIGATION