Plutarch, De fato, section 11

(플루타르코스, De fato, section 11)

ὁ μὲν οὖν ἡμέτεροσ λόγοσ, ἐπὶ κεφαλαίων εἰπεῖν, τοιοῦτόσ τισ ἂν εἰή· ὁ δὲ τούτων ἐναντίοσ οὐ μόνον ἐν εἱμαρμένῃ ἀλλὰ καὶ καθ’ εἱμαρμένην πάντα τίθεται. πάντα δὲ θατέρῳ συνᾴδει· τὰ δὲ τῷ ἑτέρῳ συνῳδὰ δῆλον ὅτι καὶ θάτερον. κατὰ μὲν οὖν τόνδε τὸν λόγον τὸ ἐνδεχόμενον εἴρηται· καὶ τὸ γ’ ἐφ’ ἡμῖν δεύτερον·

καὶ τρίτον ἥ τε τύχη καὶ τὸ αὐτόματον καὶ ὅσα κατ’ αὐτά· ἔπαινοσ δὲ καὶ ψόγοσ καὶ τὰ τούτων συγγενῆ τέταρτα πέμπτον δὲ καὶ ἐπὶ πᾶσιν εὐχαὶ θεῶν καὶ θεραπεῖαι λεγέσθω· ἀργοὶ δὲ καὶ θερίζοντεσ λόγοι καὶ ὁ παρὰ τὴν εἱμαρμένην ὀνομαζόμενοσ σοφίσμαθ’ ὡσ ἀληθῶσ κατὰ τοῦτον τὸν λόγον τυγχάνει ὄντα.

κατὰ δὲ τὸν ἐναντίον μάλιστα μὲν καὶ πρῶτον ἂν εἶναι δόξειε, τὸ μηδὲν ἀναιτίωσ γίγνεσθαι ἀλλὰ κατὰ προηγουμένασ αἰτίασ·

δεύτερον δὲ τὸ φύσει διοικεῖσθαι τόνδε τὸν κόσμον σύμπνουν καὶ συμπαθῆ αὐτὸν αὑτῷ ὄντα· τρίτον δέ, ἃ πρὸσ τούτοισ μαρτύρια μᾶλλον ἐοίκεν εἶναι, μαντικὴ μὲν ἅπασιν ἀνθρώποισ εὐδόκιμοσ ὡσ ἀληθῶσ θεῶν ὑπάρχουσα·

ἡ δὲ τῶν σοφῶν πρὸσ τὰ συμβαίνοντα εὐαρέστησισ, ὡσ πάντα κατὰ μοῖραν γιγνόμενα δευτέρα.

τρίτον δὲ τὸ πολυθρύλητον τοῦτο, ὅτι πᾶν ἀξίωμα ἢ ἀληθέσ ἐστιν ἢ ψευδέσ.

ἃ χρὴ διερευνήσασθαι κατὰ τὴν ἀκριβῆ βάσανον ἑκατέρου τῶν λόγων, τὰ δὲ καθ’ ἕκαστα τούτων ἐσαῦθισ μέτιμεν.

일치하는 문장이 없습니다.

SEARCH

MENU NAVIGATION