헬라어 문장 검색 - Πλυταρ́ΔεΑλεχά2́03́

(플루타르코스, De Alexandri magni fortuna aut virtute, chapter 2, section 3)

ἀλλὰ φέρε πρὸσ θεῶν ἐκτελεσθῆναι καὶ φανῆναι τοιοῦτον ἔργον ἔσθ’ ὅστισ ἂν ἰδὼν ὑπέλαβε κατὰ τύχην γεγονέναι καὶ αὐτομάτωσ τὸ σχῆμα καὶ τὴν διάθεσιν καὶ τὸ εἶδοσ; οὐδεὶσ ἂν οἶμαι.

τί δὲ τὸν κεραυνοφόρον; τί δὲ τὸν ἐπὶ τῆσ αἰχμῆσ προσαγορευόμενον; εἶτ’ ἀνδριάντοσ μὲν μέγεθοσ οὐκ ἂν ἄνευ τέχνησ ὑπὸ τύχησ γένοιτο χρυσὸν καὶ χαλκὸν καὶ ἐλέφαντα καὶ πολλὴν καὶ πλουσίαν ὕλην καταχεαμένησ καὶ παραβαλούσησ, ἄνδρα δὲ μέγαν, μᾶλλον δὲ τῶν γεγονότων ἁπάντων μέγιστον, ἐνδέχεται χωρὶσ ἀρετῆσ ἀποτελεσθῆναι διὰ τύχην, ὅπλα καὶ χρήματα καὶ πεζοὺσ καὶ ἵππουσ παρασκευάσασαν; ἃ τῷ μὴ μαθόντι χρῆσθαι κίνδυνόσ ἐστιν, οὐ δύναμισ οὐδὲ κόσμοσ, ἀλλ’ ἔλεγχοσ τῆσ ἀσθενείασ καὶ μικρότητοσ.

"πάντα δεῖ τοῖσ πολεμίοισ εὔχεσθαι τἀγαθὰ πλὴν ἀνδρείασ· "γίγνεται γὰρ οὕτωσ οὐ τῶν ἐχόντων, ἀλλὰ τῶν κρατούντων. διὰ τοῦτό φασι καὶ τὴν φύσιν ἀγεννεστάτῳ ζῴῳ τῷ ἐλάφῳ κέρατα θαυμαστὰ τῷ μεγέθει καὶ τραχύτητι πρὸσ ἄμυναν ἐμφῦσαι, διδάσκουσαν ἡμᾶσ ὡσ οὐδὲν ὠφελεῖ τὸ ἰσχύειν καὶ ὡπλίσθαι τοὺσ μένειν καὶ θαρρεῖν μὴ δυναμένουσ. οὕτω καὶ ἡ τύχη πολλάκισ ἀτόλμοισ καὶ ἀνοήτοισ προσάπτουσα δυνάμεισ καὶ ἀρχάσ, αἷσ ἐνασχη ‐ μονοῦσι, κοσμεῖ καὶ συνίστησι τὴν ἀρετὴν ὡσ μόνην μέγεθοσ ἀνδρὸσ καὶ κάλλοσ οὖσαν.

εἰ μὲν γάρ, ὥσ φησιν Ἐπίχαρμοσ, νοῦσ ὁρῇ καὶ νοῦσ ἀκούει, τἄλλα δὲ κωφὰ καὶ τυφλά, τυγχάνει λόγου δεόμενα. αἱ γὰρ αἰσθήσεισ ἰδίασ ἔχειν ἀφορμὰσ δοκοῦσιν ὅτι δὲ νοῦσ ὠφελεῖ καὶ νοῦσ κοσμεῖ καὶ νοῦσ τὸ νικῶν καὶ κρατοῦν καὶ βασιλεῦον, τὰ δ’ ἄλλα τυφλὰ καὶ κωφὰ καὶ ἄψυχα παρέλκει καὶ βαρύνει καὶ καταισχύνει χωρὶσ ἀρετῆσ τοὺσ ἔχοντασ, ἀπὸ τῶν πραγμάτων λαβεῖν ἔστι. τῆσ γὰρ αὐτῆσ δυνάμεωσ ὑποκειμένησ καὶ ἡγεμονίασ, Σεμίραμισ μὲν οὖσα γυνὴ στόλουσ ἐπλήρου καὶ φάλαγγασ ὥπλιζε καὶ Βαβυλῶνασ ἔκτιζε, καὶ περιέπλει τὴν Ἐρυθρὰν θάλατταν Αἰθίοπασ καταστρεφομένη καὶ Ἄραβασ·

Σαρδανάπαλλοσ δ’ ἀνὴρ πεφυκὼσ ἔξαινεν οἴκοι πορφύραν, ἀναβάδην ἐν ταῖσ παλλακαῖσ καθήμενοσ· "ἔσθιε, πῖνε, ἀφροδισίαζε· "τἄλλα δ’ οὐδέν. ὁ μὲν οὖν Κράτησ ἰδὼν χρυσῆν εἰκόνα Φρύνησ τῆσ ἑταίρασ ἑστῶσαν ἐν Δελφοῖσ ἀνέκραγεν ὅτι τοῦτο τῆσ τῶν Ἑλλήνων ἀκρασίασ τρόπαιον ἕστηκε· τὸν δὲ Σαρδαναπάλλου βίον ἄν τισ ἢ τάφον οὐδὲν γάρ, οἶμαι, διαφέρει θεασάμενοσ εἴποι τοῦτο τῶν τῆσ Τύχησ ἀγαθῶν τρόπαιον εἶναι.

τί οὖν; ἐάσωμεν τὴν Τύχην Ἀλεξάνδρου μετὰ Σαρδανάπαλλον ἅψασθαι καὶ τοῦ μεγέθουσ ἐκείνου καὶ τῆσ δυνάμεωσ ἀντιποιεῖσθαι; τί γὰρ αὐτῷ πλέον ἔδωκεν ὧν οἱ λοιποὶ βασιλεῖσ ἔλαβον παρ’ αὐτῆσ; ὅπλων, ἵππων, βελῶν, χρημάτων, δορυφόρων; ἢ Τιγράνην τὸν Ἀρμένιον ἢ τὸν Βιθυνὸν Νικομήδην ὧν ὁ μὲν τὸ διάδημα τοῖσ Πομπηίου ποσὶν ὑπορρίψασ αἰσχρῶσ τὴν βασιλείαν ἀπέλαβε, λάφυρον γενομένην Νικομήδησ δὲ τὴν κεφαλὴν ξυράμενοσ καὶ πιλίον ἐπιθέμενοσ ἀπελεύθερον ἑαυτὸν Ῥωμαίων ἀνηγόρευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 2, section 3

(플루타르코스, De Alexandri magni fortuna aut virtute, chapter 2, section 3)

상위

목록

SEARCH

MENU NAVIGATION