헬라어 문장 검색 - Πλυταρ́Αεμιλιύ25́

(플루타르코스, Aemilius Paulus, chapter 25)

λέγεται δὲ καὶ τῆσ ἐπὶ Σάγρᾳ ποταμῷ μάχησ Ἰταλιωτῶν αὐθημερὸν ἐν Πελοποννήσῳ λόγον γενέσθαι, καὶ Πλαταιᾶσι τῆσ ἐν Μυκάλῃ πρὸσ Μήδουσ. ἣν δὲ Ῥωμαῖοι Ταρκυνίουσ μετὰ Λατίνων ἐπιστρατεύσαντασ ἐνίκησαν, αὐτάγγελοι φράζοντεσ ὤφθησαν ἀπὸ τοῦ στρατοῦ μικρὸν ὕστερον ἄνδρεσ δύο καλοὶ καὶ μεγάλοι, τούτουσ εἴκασαν εἶναι Διοσκούρουσ. ὁ δ’ ἐντυχὼν πρῶτοσ αὐτοῖσ κατ’ ἀγορὰν πρὸ τῆσ κρήνησ, ἀναψύχουσι τοὺσ ἵππουσ ἱδρῶτι πολλῷ περιρρεομένουσ, ἐθαύμαζε τὸν περὶ τῆσ νίκησ λόγον.

εἶθ’ οἱ μὲν ἐπιψαῦσαι λέγονται τῆσ ὑπήνησ αὐτοῦ τοῖν χεροῖν ἀτρέμα μειδιῶντεσ· ἡ δὲ εὐθὺσ ἐκ μελαίνησ τριχὸσ εἰσ πυρρὰν μεταβαλοῦσα τῷ μὲν λόγῳ πίστιν, τῷ δ’ ἀνδρὶ παρασχεῖν ἐπίκλησιν τὸν Αἠνόβαρβον, ὅπερ ἐστὶ χαλκοπώγωνα. πᾶσι δὲ τούτοισ τὸ καθ’ ἡμᾶσ γενόμενον πίστιν παρέσχεν. ὅτε γὰρ Ἀντώνιοσ ἀπέστη Δομετιανοῦ καὶ πολὺσ πόλεμοσ ἀπὸ Γερμανίασ προσεδοκᾶτο, τῆσ Ῥώμησ ταραττομένησ ἄφνω καὶ αὐτομάτωσ ὁ δῆμοσ ἐξ αὑτοῦ φήμην ἀνέδωκε νίκησ, καὶ τὴν Ῥώμην ἐπέδραμε λόγοσ αὐτόν τε τὸν Ἀντώνιον ἀνῃρῆσθαι καὶ τοῦ σὺν αὐτῷ στρατεύματοσ ἡττημένου μηδὲν μέροσ λελεῖφθαι.

τοσαύτην δὲ λαμπρότητα καὶ ῥύμην ἡ πίστισ ἔσχεν ὥστε καὶ θῦσαι τῶν ἐν τέλει πολλούσ, ζητουμένου δὲ τοῦ πρώτου φράσαντοσ, ὡσ οὐδεὶσ ἦν, ἀλλ’ ο λόγοσ εἰσ ἄλλον ἐξ ἄλλου διωκόμενοσ ἀνέφευγε, καὶ τέλοσ καταδὺσ ὥσπερ εἰσ πέλαγοσ ἀχανὲσ τὸν ἄπειρον ὄχλον ἐφάνη μηδεμίαν ἀρχὴν ἔχων βέβαιον, αὕτη μὲν ἡ φήμη ταχὺ τῆσ πόλεωσ ἐξερρύη, πορευομένῳ δὲ τῷ Δομετιανῷ μετὰ δυνάμεωσ ἐπὶ τὸν πόλεμον ἤδη καθ’ ὁδὸν ἀγγελία καὶ γράμματα φράζοντα τὴν νίκην ἀπήντησεν. ἡ δ’ αὐτοῦ τοῦ κατορθώματοσ ἡμέρα καὶ τῆσ φήμησ ἐγίνετο, ἐπὶ πλέον ἢ δισμυρίουσ σταδίουσ τῶν τόπων διεστώτων.

ταῦτα μὲν οὐδεὶσ ἀγνοεῖ τῶν καθ’ ἡμᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 25

(플루타르코스, Aemilius Paulus, chapter 25)

상위

목록

SEARCH

MENU NAVIGATION