Plutarch, Aemilius Paulus, chapter 18

(플루타르코스, Aemilius Paulus, chapter 18)

περὶ δὲ δείλην οἱ μὲν αὐτοῦ φασι τοῦ Αἰμιλίου τεχνάζοντοσ ἐκ τῶν πολεμίων γενέσθαι τὴν ἐπιχείρησιν, ἀχάλινον ἵππον ἐξελάσαντασ ἐμβαλεῖν αὐτοῖσ τοὺσ Ῥωμαίουσ, καὶ τοῦτον ἀρχὴν μάχησ διωκόμενον παρασχεῖν οἱ δὲ Ῥωμαϊκῶν ὑποζυγίων χορτάσματα παρακομιζόντων ἅπτεσθαι Θρᾷκασ, ὧν Ἀλέξανδροσ ἡγεῖτο, πρὸσ δὲ τούτουσ ἐκδρομὴν ὀξεῖαν ἑπτακοσίων Λιγύων γενέσθαι· παραβοηθούντων δὲ πλειόνων ἑκατέροισ οὕτω συνάπτεσθαι τὴν μάχην ἀμφοτέρων. ὁ μὲν οὖν Αἰμίλιοσ ὥσπερ κυβερνήτησ τῷ παρόντι σάλῳ καὶ κινήματι τῶν στρατοπέδων τεκμαιρόμενοσ τὸ μέγεθοσ τοῦ μέλλοντοσ ἀγῶνοσ, ἐκ τῆσ σκηνῆσ προῆλθε καὶ τὰ τάγματα τῶν ὁπλιτῶν ἐπιὼν παρεθάρρυνεν, ὁ δὲ Νασικᾶσ ἐξιππασάμενοσ πρὸσ τοὺσ ἀκροβολιζομένουσ ὁρᾷ πάντασ ὅσον οὔπω τοὺσ πολεμίουσ ἐν χερσὶν ὄντασ.

πρῶτοι δ’ οἱ Θρᾷκεσ ἐχώρουν, ὧν μάλιστά φησιν ἐκπλαγῆναι τὴν ὄψιν, ἄνδρεσ ὑψηλοὶ τὰ σώματα, λευκῷ καὶ περιλάμποντι θυρεῶν καὶ περικνημίδων ὁπλισμῷ μέλανασ ὑπενδεδυμένοι χιτῶνασ, ὀρθὰσ δὲ ῥομφαίασ βαρυσιδήρουσ ἀπὸ τῶν δεξιῶν ὤμων ἐπισείοντεσ, παρὰ δὲ τοὺσ Θρᾷκασ οἱ μισθοφόροι παρενέβαλλον, ὧν σκευαί τε παντοδαπαὶ, καὶ μεμιγμένοι Παίονεσ ἦσαν ἐπὶ δὲ τούτοισ ἄγημα τρίτον οἱ λογάδεσ, αὐτῶν Μακεδόνων ἀρετῇ καὶ ἡλικίᾳ τὸ καθαρώτατον, ἀστράπτοντεσ ἐπιχρύσοισ ὅπλοισ καὶ νεουργοῖσ φοινικίσιν.

οἷσ καθισταμένοισ εἰσ τάξιν αἱ τῶν χαλκασπίδων ἐπανατέλλουσαι φάλαγγεσ ἐκ τοῦ χάρακοσ ἐνέπλησαν αὐγῆσ σιδήρου καὶ λαμπηδόνοσ χαλκοῦ τὸ πεδίον, κραυγῆσ δὲ καὶ θορύβου παρακελευομένων τὴν ὀρεινήν.

οὕτω δὲ θρασέωσ καὶ μετὰ τάχουσ ἐπῄεσαν ὥστε τοὺσ πρώτουσ νεκροὺσ ἀπὸ δυεῖν σταδίων τοῦ Ῥωμαϊκοῦ χάρακοσ καταπεσεῖν.

일치하는 문장이 없습니다.

SEARCH

MENU NAVIGATION