헬라어 문장 검색 - Πλυταρ́Αεμιλιύ22́

(플루타르코스, Aemilius Paulus, chapter 22)

καὶ κρίσιν μὲν ὀξυτάτην μέγιστοσ ἀγὼν οὗτόσ ἔσχεν ἐνάτησ γὰρ ὡρ́ασ ἀρξάμενοι μάχεσθαι πρὸ δεκάτησ ἐνίκησαν τῷ δὲ λειπομένῳ τῆσ ἡμέρασ χρησάμενοι πρὸσ τὴν δίωξιν καὶ μέχρι σταδίων ἑκατὸν καὶ εἴκοσι διώξαντεσ ἑσπέρασ ἤδη βαθείασ ἀπετράποντο. καὶ τοὺσ μὲν ἄλλουσ οἱ θεράποντεσ ὑπὸ λαμπάδων ἀπαντῶντεσ μετὰ χαρᾶσ καὶ βοῆσ ἀπῆγον ἐπὶ τὰσ σκηνάσ φωτὶ λαμπομένασ καὶ κεκοσμημένασ κιττοῦ καὶ δάφνησ στεφάνοισ· αὐτὸν δὲ τὸν στρατηγὸν μέγα πένθοσ εἶχε. δυεῖν γὰρ υἱῶν αὐτοῦ στρατευομένων ὁ νεώτεροσ οὐδαμοῦ φανερὸσ ἦν, ὃν ἐφίλει τε μάλιστα καὶ πλεῖστον εἰσ ἀρετὴν φύσει προὔχοντα τῶν ἀδελφῶν ἑώρα.

θυμοειδῆ δὲ καὶ φιλότιμον ὄντα τὴν ψυχήν, ἔτι δ’ ἀντίπαιδα τὴν ἡλικίαν, παντάπασιν ἀπολωλέναι κατεδόξαζεν, ὑπ’ ἀπειρίασ ἀναμιχθέντα τοῖσ πολεμίοισ μαχομένοισ. ἀπορουμένου δὲ αὐτοῦ καὶ περιπαθοῦντοσ ᾔσθετο πᾶν τὸ στράτευμα, καὶ μεταξὺ δειπνοῦντεσ ἀνεπήδων καὶ διέθεον μετὰ λαμπάδων, πολλοὶ μὲν ἐπὶ τὴν σκηνὴν τοῦ Αἰμιλίου, πολλοὶ δὲ πρὸ τοῦ χάρακοσ ἐν τοῖσ πρώτοισ νεκροῖσ ζητοῦντεσ.

κατήφεια δὲ τὸ στρατόπεδον καὶ κραυγὴ τὸ πεδίον κατεῖχεν ἀνακαλουμένων τὸν Σκηπίωνα. πᾶσι γὰρ ἀγαστὸσ ἦν εὐθὺσ ἐξ ἀρχῆσ, πρὸσ ἡγεμονίαν καὶ πολιτείαν ὡσ ἄλλοσ οὐδεὶσ τῶν συγγενῶν κεκραμένοσ τὸ ἦθοσ. ὀψὲ δ’ οὖν ἤδη σχεδὸν ἀπεγνωσμένοσ ἐκ τῆσ διώξεωσ προσῄει μετὰ δύο ἢ τριῶν ἑταίρων, αἵματοσ καὶ φόνου πολεμίων ἀνάπλεωσ, ὥσπερ σκύλαξ γενναῖοσ, ὑφ’ ἡδονῆσ ἀκρατῶσ τῇ νίκῃ συνεξενεχθείσ.

οὗτόσ ἐστι Σκηπίων ὁ τοῖσ ἱκνουμένοισ χρόνοισ Καρχηδόνα καὶ Νομαντίαν κατασκάψασ καὶ πολὺ πρῶτοσ ἀρετῇ τῶν τότε Ῥωμαίων γενόμενοσ καὶ δυνηθεὶσ μέγιστον. Αἰμιλίῳ μὲν οὖν τὴν τοῦ κατορθώματοσ νέμεσιν εἰσ ἕτερον ἡ τύχη καιρὸν ὑπερβαλλομένη τότε παντελῆ τὴν ἡδονὴν ἀπεδίδου τῆσ νίκησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 22

(플루타르코스, Aemilius Paulus, chapter 22)

상위

목록

SEARCH

MENU NAVIGATION