호흡부호 보기
강세부호 보기
장단부호 보기
작은 Iota 보기
모든 부호 보기
ἀεὶ μὲν οὖν λέγονται φιλοβασίλειοι Μακεδόνεσ, τότε δ’ ὡσ ἐρείσματι κεκλασμένῳ πάντων ἅμα συμπεσόντων ἐγχειρίζοντεσ αὑτοὺσ τῷ Αἰμιλίῳ δύο ἡμέραισ ὅλησ κύριον αὐτὸν κατέστησαν Μακεδονίασ, καὶ δοκεῖ τοῦτο μαρτυρεῖν τοῖσ εὐτυχίᾳ τινὶ τὰσ πράξεισ ἐκείνασ γεγονέναι φάσκουσιν. ἔτι δὲ καὶ τὸ περὶ τὴν θυσίαν σύμπτωμα δαιμόνιον ἦν ἐν Ἀμφιπόλει θύοντοσ τοῦ Αἰμιλίου καὶ τῶν ἱερῶν ἐνηργμένων κεραυνὸσ ἐνσκήψασ εἰσ τὸν βωμὸν ἐπέφλεξε καὶ συγκαθήγισε τὴν ἱερουργίαν. ὑπερβάλλει δὲ θειότητι πάντωσ καὶ τύχῃ τὰ τῆσ φήμησ, ἦν μὲν γὰρ ἡμέρα τετάρτη νενικημένῳ Περσεῖ περὶ Πύδναν, ἐν δὲ τῇ Ῥώμῃ τοῦ δήμου θεωροῦντοσ ἱππικοὺσ ἀγῶνασ ἐξαίφνησ ἐνέπεσε λόγοσ εἰσ τὸ πρῶτον τοῦ θεάτρου μέροσ ὡσ Αἰμίλιοσ μεγάλῃ μάχῃ νενικηκὼσ Περσέα καταστρέφοιτο σύμπασαν Μακεδονίαν.
ἐκ δὲ τούτου ταχὺ τῆσ φήμησ ἀναχεομένησ εἰσ τὸ πλῆθοσ ἐξέλαμψε χαρὰ μετὰ κρότου καὶ βοῆσ τὴν ἡμέραν ἐκείνην κατασχοῦσα τὴν πόλιν.
호흡부호 보기
강세부호 보기
장단부호 보기
작은 Iota 보기
모든 부호 보기