Plutarch, Aemilius Paulus, chapter 16

(플루타르코스, Aemilius Paulus, chapter 16)

ὁ μὲν οὖν Νασικᾶσ ἐνταῦθα διενυκτέρευσε· τῷ δὲ Περσεῖ τὸν Αἰμίλιον ἀτρεμοῦντα κατὰ χώραν ὁρῶντι καὶ μὴ λογιζομένῳ τὸ γινόμενον ἀποδρὰσ ἐκ τῆσ ὁδοῦ Κρὴσ αὐτόμολοσ ἧκε μηνύων τὴν περίοδον τῶν Ῥωμαίων. ὁ δὲ συνταραχθείσ τὸ μὲν στρατόπεδον οὐκ ἐκίνησε, μυρίουσ δὲ μισθοφόρουσ ξένουσ καὶ δισχιλίουσ Μακεδόνασ Μίλωνι παραδοὺσ ἐξαπέστειλε, παρακελευσάμενοσ ταχῦναι καὶ καταλαβεῖν τὰσ ὑπερβολάσ. τούτοισ ὁ μὲν Πολύβιόσ φησιν ἔτι κοιμωμένοισ ἐπιπεσεῖν τοὺσ Ῥωμαίουσ, ὁ δὲ Νασικᾶσ ὀξὺν ἀγῶνα περὶ τοῖσ ἄκροισ γενέσθαι καὶ κίνδυνον, αὐτὸσ δὲ Θρᾷκα μισθοφόρον εἰσ χεῖρασ συνδραμόντα τῷ ξυστῷ διὰ τοῦ στήθουσ πατάξασ καταβαλεῖν, ἐκβιασθέντων δὲ τῶν πολεμίων, καὶ τοῦ Μίλωνοσ αἴσχιστα φεύγοντοσ ἄνευ τῶν ὅπλων μονοχίτωνοσ, ἀσφαλῶσ ἀκολουθεῖν, ἅμα καταβιβάζων εἰσ τὴν χώραν τὸ στράτευμα.

τούτων δὲ τῷ Περσεῖ προσπεσόντων κατὰ τάχοσ ἀναζεύξασ ἦγεν ὀπίσω, περίφοβοσ γεγονὼσ καὶ συγκεχυμένοσ ταῖσ ἐλπίσιν.

αὐτοῦ δ’ ὅμωσ πρὸ τῆσ Πύδνησ ὑπομένοντα πειρᾶσθαι μάχησ ἀναγκαῖον ἦν, ἢ τῷ στρατῷ σκεδασθέντι περὶ τὰσ πόλεισ δέχεσθαι τὸν πόλεμον, ἐπείπερ ἅπαξ ἐμβέβηκε τῇ χώρᾳ, δίχα πολλοῦ φόνου καὶ νεκρῶν ἐκπεσεῖν μὴ δυνάμενον. πλήθει μὲν οὖν ἀνδρῶν αὐτόθεν περιεῖναι, προθυμίαν δὲ πολλὴν ὑπάρχειν ἀμυνομένοισ περὶ τέκνων καὶ γυναικῶν, ἐφορῶντοσ ἕκαστα τοῦ βασιλέωσ καὶ προκινδυνεύοντοσ.

ἐκ τούτων ἐθάρσυνον οἱ φίλοι τὸν Περσέα· καὶ βαλόμενοσ στρατόπεδον συνετάττετο πρὸσ μάχην, καὶ τὰ χωρία κατεσκοπεῖτο, καὶ διῄρει τὰσ ἡγεμονίασ, ὡσ εὐθὺσ ἐξ ἐφόδου τοῖσ Ῥωμαίοισ ἀπαντήσων. ὁ δὲ τόποσ καὶ πεδίον ἦν τῇ φάλαγγι βάσεωσ ἐπιπέδου καὶ χωρίων ὁμαλῶν δεομένῃ, καὶ λόφοι συνεχεῖσ ἄλλοσ ἐξ ἄλλου τοῖσ γυμνητεύουσι καὶ ψιλοῖσ ἀναφυγὰσ καὶ περιδρομὰσ ἔχοντεσ, διὰ μέσου δὲ ποταμοὶ ῥέοντεσ Αἴσων καὶ Λεῦκοσ οὐ μάλα βαθεῖσ τότε ̔θέρουσ γὰρ ἦν ὡρ́α φθίνοντοσ’ ἐδόκουν τινὰ δυσεργίαν ὅμωσ τοῖσ Ῥωμαίοισ παρέξειν.

일치하는 문장이 없습니다.

SEARCH

MENU NAVIGATION