헬라어 문장 검색 - Ηιπποξ́Οευϝρεσ́10́06́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 6.)

Ἐπὴν δὲ τριταῖοσ γένηται, ἑβδομαῖοσ δὲ ἀπὸ τῆσ πρώτησ ἐπιδέσιοσ, ἢν ὀρθῶσ ἐπιδέηται, τὸ μὲν οἴδημα ἐν ἄκρῃ τῇ χειρὶ ἔσται, οὐδὲ τοῦτο λίην μέγα‧ τὸ δ’ ἐπιδεόμενον χωρίον ἐν πάσῃσι τῇσιν ἐπιδέσεσιν ἐπὶ τὸ λεπτότερον καὶ ἰσχνότερον εὑρεθήσεται, ἐν δὲ τῇ ἑβδόμῃ καὶ πάνυ λεπτὸν, καὶ τὰ ὀστέα τὰ κατεηγότα ἐπὶ μᾶλλον κινεύμενα καὶ εὐπαράγωγα ἐσ κατόρθωσιν. Καὶ ἢν ᾖ ταῦτα τοιαῦτα, κατορθωσάμενον χρὴ ἐπιδῆσαι ὡσ ἐσ νάρθηκασ, ὀλίγῳ μᾶλλον πιέσαντα, ἢ τὸ πρότερον, ἢν μὴ πόνοσ τισ πλείων ᾖ ἀπὸ τοῦ οἰδήματοσ τοῦ ἐν ἄκρῃ τῇ χειρί. Ἐπὴν δὲ ἐπιδήσῃσ τοῖσιν ὀθονίοισι, τοὺσ νάρθηκασ περιθεῖναι χρὴ καὶ περιλαβεῖν ἐν τοῖσι δεσμοῖσιν ὡσ χαλαρωτάτοισιν, ὁκόσον ἠρεμέειν, ὥστε μηδὲν ξυμβάλλεσθαι ἐσ τὴν πίεξιν τῆσ χειρὸσ τὴν τῶν ναρθήκων πρόσθεσιν. Μετὰ δὲ ταῦτα, ὅ τε πόνοσ, αἵ τε Ῥᾳστῶναι αἱ αὐταὶ γινέσθωσαν, αἵ περ καὶ ἐν τῇσι πρώτῃσι περιόδοισι τῶν ἐπιδεσίων. Ἐπὴν δὲ τριταῖοσ ἐὼν φῇ χαλαρὸν εἶναι, τότ’ ἔπειτα χρὴ τοὺσ νάρθηκασ ἐρείσασθαι, μάλιστα μὲν κατὰ τὸ κάτηγμα, ἀτὰρ καὶ τἄλλα, κατὰ λόγον, ᾗπερ καὶ ἡ ἐπίδεσισ ἐχάλα μᾶλλον ἢ ἐπίεζεν. Παχύτατον δὲ χρὴ εἶναι τὸν νάρθηκα, ᾗ ἐξέστη τὸ κάτηγμα, μὴ μὴν πολλῷ. Ἐπιτηδεύειν δὲ χρὴ μάλιστα μὲν κατ’ ἰθυωρίην τοῦ μεγάλου δακτύλου, ὡσ μὴ κείσηται ὁ νάρθηξ, ἀλλὰ τῇ ἢ τῇ, μηδὲ κατὰ τὴν τοῦ σμικροῦ ἰθυωρίην ᾗ τὸ ὀστέον ὑπερέχει ἐν τῷ καρπῷ, ἀλλὰ τῇ ἢ τῇ. Ἢν δὲ ἄρα πρὸσ τὸ κάτηγμα ξυμφέρῃ κεῖσθαι κατὰ ταῦτά τινασ τῶν ναρθήκων, βραχυτέρουσ αὐτοὺσ χρὴ τῶν ἄλλων ποιέειν, ὡσ μὴ ἐξικνέωνται πρὸσ τὰ ὀστέα τὰ ὑπερέχοντα παρὰ τὸν καρπόν‧ κίνδυνοσ γὰρ ἑλκώσιοσ, καὶ νεύρων ψιλώσιοσ. Χρὴ δὲ διὰ τρίτησ ἐρείδειν τοῖσι νάρθηξι πάνυ ἡσυχῇ, οὕτω τῇ γνώμῃ ἔχοντα, ὡσ οἱ νάρθηκεσ φυλακῆσ εἵνεκα τῆσ ἐπιδέσιοσ προσκέωνται, ἀλλ’ οὐ τῆσ πιέξιοσ εἵνεκεν ἐπιδέωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 6.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 6.)

상위

목록

SEARCH

MENU NAVIGATION