호흡부호 보기
강세부호 보기
장단부호 보기
작은 Iota 보기
모든 부호 보기
διαφωνοῦνται δὲ καὶ αἱ ἀποφάσεισ αὐτῶν καὶ ἄλλου ἄλλο φασίν, ὡσ ἐκεῖνο· ἦν Λακεδαιμόνιοσ Χίλων σοφόσ, ὃσ τάδ’ ἔλεξε· "μηδὲν ἄγαν· καιρῷ πάντα πρόσεστι καλά. " στασιάζεται δὲ καὶ περὶ τοῦ ἀριθμοῦ αὐτῶν. Μαιάνδριοσ μὲν γὰρ ἀντὶ Κλεοβούλου καὶ Μύσωνοσ Λεώφαντον Γοργιάδα, Λεβέδιον ἢ Ἐφέσιον, ἐγκρίνει καὶ Ἐπιμενίδην τὸν Κρῆτα· Πλάτων δὲ ἐν Πρωταγόρᾳ Μύσωνα ἀντὶ Περιάνδρου· Ἔφοροσ δὲ ἀντὶ Μύσωνοσ Ἀνάχαρσιν· οἱ δὲ καὶ Πυθαγόραν προσγράφουσιν. Δικαίαρχοσ δὲ τέσσαρασ ὡμολογημένουσ ἡμῖν παραδίδωσι, Θαλῆν, Βίαντα, Πιττακόν, Σόλωνα. ἄλλουσ δὲ ὀνομάζει ἕξ, ὧν ἐκλέξασθαι τρεῖσ, Ἀριστόδημον, Πάμφυλον, Χίλωνα Λακεδαιμόνιον, Κλεόβουλον, Ἀνάχαρσιν, Περίανδρον. ἔνιοι προστιθέασιν Ἀκουσίλαον Κάβα ἢ Σκάβρα Ἀργεῖον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기