헬라어 문장 검색 - Διογεν́Λιϝεσοφ́1́07́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. s'. KLEOBOULOS)

Κλεόβουλοσ Εὐαγόρου Λίνδιοσ, ὡσ δὲ Δοῦρισ, Κάρ· ἔνιοι δὲ εἰσ Ἡρακλέα ἀναφέρειν τὸ γένοσ αὐτόν· ῥώμῃ δὲ καὶ κάλλει διαφέρειν, μετασχεῖν τε τῆσ ἐν Αἰγύπτῳ φιλοσοφίασ. γενέσθαι τε αὐτῷ θυγατέρα Κλεοβουλίνην, αἰνιγμάτων ἑξαμέτρων ποιήτριαν, ἧσ μέμνηται καὶ Κρατῖνοσ ἐν τῷ ὁμωνύμῳ δράματι, πληθυντικῶσ ἐπιγράψασ. ἀλλὰ καὶ τὸ ἱερὸν τῆσ Ἀθηνᾶσ ἀνανεώσασθαι αὐτὸν κτισθὲν ὑπὸ Δαναοῦ. οὗτοσ ἐποίησεν ᾅσματα καὶ γρίφουσ εἰσ ἔπη τρισχίλια. Καὶ τὸ ἐπίγραμμά τινεσ τὸ ἐπὶ Μίδᾳ τοῦτόν φασι ποιῆσαι· χαλκῆ παρθένοσ εἰμί, Μίδα δ’ ἐπὶ σήματι κεῖμαι. ἔστ’ ἂν ὕδωρ τε νάῃ καὶ δένδρεα μακρὰ τεθήλῃ, ἠέλιόσ τ’ ἀνιὼν λάμπῃ, λαμπρά τε σελήνη, καὶ ποταμοί γε ῥέωσιν, ἀνακλύζῃ δὲ θάλασσα, αὐτοῦ τῇδε μένουσα πολυκλαύτῳ ἐπὶ τύμβῳ, ἀγγελέω παριοῦσι, Μίδασ ὅτι τῇδε τέθαπται. φέρουσι δὲ μαρτύριον Σιμωνίδου ᾆσμα, ὅπου φησί τίσ κεν αἰνήσειε νόῳ πίσυνοσ Λίνδου ναέταν Κλεόβουλον ἀενάοισ ποταμοῖσ ἄνθεσί τ’ εἰαρινοῖσ ἀελίου τε φλογὶ χρυσέασ τε σελάνασ καὶ θαλασσαίαισι δίνῃσ ἀντιθέντα μένοσ στάλασ;

ἅπαντα γάρ ἐστι θεῶν ἥσσω· λίθον δὲ καὶ βρότεοι παλάμαι θραύοντι· μωροῦ φωτὸσ ἅδε βουλά. οὐ γὰρ εἶναι Ὁμήρου τὸ ἐπίγραμμα, πολλοῖσ ἔτεσι προέχοντοσ, φασί, τοῦ Μίδα. Φέρεται δ’ αὐτοῦ ἐν τοῖσ Παμφίλησ Ὑπομνήμασι καὶ αἴνιγμα τοῖον· εἷσ ὁ πατήρ, παῖδεσ δυοκαίδεκα.

τῶν δὲ ἑκάστῳ παῖδεσ δὶσ τριάκοντα διάνδιχα εἶδοσ ἔχουσαι· αἱ μὲν λευκαὶ ἐάσιν ἰδεῖν, αἱ δ’ αὖτε μέλαιναι· ἀθάνατοι δέ τ’ ἐοῦσαι, ἀποφθινύθουσιν ἅπασαι. ἔστι δὲ ὁ ἐνιαυτόσ. Τῶν δὲ ᾀδομένων αὐτοῦ εὐδοκίμησε τάδε· Ἀμουσία τὸ πλέον μέροσ ἐν βροτοῖσι, λόγων τε πλῆθοσ· ἀλλ’ ὁ καιρὸσ ἀρκέσει. φρόνει τι κεδνόν. μὴ μάταιοσ ἄχαρισ γινέσθω. ἔφη δὲ δεῖν συνοικίζειν τὰσ θυγατέρασ, παρθένουσ μὲν τὴν ἡλικίαν, τὸ δὲ φρονεῖν γυναῖκασ· ὑποδεικνὺσ ὅτι δεῖ παιδεύεσθαι καὶ τὰσ παρθένουσ. ἔλεγέ τε τὸν φίλον δεῖν εὐεργετεῖν, ὅπωσ μᾶλλον ᾖ φίλοσ· τὸν δὲ ἐχθρὸν φίλον ποιεῖν. φυλάσσεσθαι γὰρ τῶν μὲν φίλων τὸν ψόγον, τῶν δὲ ἐχθρῶν τὴν ἐπιβουλήν. καὶ ὅταν τισ ἐξίῃ τῆσ οἰκίασ, ζητείτω πρότερον τί μέλλει πράσσειν· καὶ ὅταν εἰσέλθῃ πάλιν, ζητείτω τί ἔπραξε.

συνεβούλευέ τε εὖ τὸ σῶμα ἀσκεῖν· φιλήκοον εἶναι μᾶλλον ἢ φιλόλαλον· [φιλομαθῆ μᾶλλον ἢ ἀμαθῆ· ] γλῶσσαν εὔφημον ἴσχειν· ἀρετῆσ οἰκεῖον εἶναι, κακίασ ἀλλότριον· ἀδικίαν φεύγειν· πόλει τὰ βέλτιστα συμβουλεύειν· ἡδονῆσ κρατεῖν· βίᾳ μηδὲν πράττειν· τέκνα παιδεύειν· ἐχθρὰν διαλύειν. γυναικὶ μὴ φιλοφρονεῖσθαι, μηδὲ μάχεσθαι, ἀλλοτρίων παρόντων· τὸ μὲν γὰρ ἄνοιαν, τὸ δὲ μανίαν σημαίνειν. οἰκέτην παρ’ οἶνον μὴ κολάζειν, δοκεῖν γὰρ ἂν παροινεῖν. γαμεῖν ἐκ τῶν ὁμοίων· ἂν γὰρ ἐκ τῶν κρειττόνων λάβῃσ, φησί, δεσπότασ κτήσῃ τοὺσ συγγενέασ. μὴ ἐπεγγελᾶν τοῖσ σκωπτομένοισ·

ἀπεχθήσεσθαι γὰρ τούτοισ. εὐτυχῶν μὴ ἴσθι ὑπερήφανοσ· ἀπορήσασ μὴ ταπεινοῦ. τὰσ μεταβολὰσ τῆσ τύχησ γενναίωσ ἐπίστασο φέρειν. Ἐτελεύτησε δὲ γηραιόσ, ἔτη βιοὺσ ἑβδομήκοντα· καὶ αὐτῷ ἐπεγράφη· ἄνδρα σοφὸν Κλεόβουλον ἀποφθίμενον καταπενθεῖ ἥδε πάτρα Λίνδοσ πόντῳ ἀγαλλομένη. Ἀπεφθέγξατο· μέτρον ἄριστον. καὶ Σόλωνι ἐπέστειλεν οὕτω· Κλεόβουλοσ Σόλωνι "Πολλοὶ μέν τιν ἐάσιν ἕταροι καὶ οἶκοσ πάντη· φαμὶ δὲ ἐγὼν ποτανεστάταν ἐσεῖσθαι Σόλωνι τὰν Λίνδον δαμοκρατεομέναν. καὶ ἁ νᾶσοσ πελαγία, ἔνθα οἰκέοντι οὐδὲν δεινὸν ἐκ Πεισιστράτω. καὶ τοὶ ἕταροι δὲ ἑκαστόθεν πὰρ τὺ βασοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. s'. KLEOBOULOS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. s'. KLEOBOULOS)

상위

목록

SEARCH

MENU NAVIGATION