Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. g'. XILWN

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. g'. XILWN)

Χίλων Δαμαγήτου Λακεδαιμόνοισ. οὗτοσ ἐποίησεν ἐλεγεῖα εἰσ ἔπη διακόσια, καὶ ἔφασκε πρόνοιαν περὶ τοῦ μέλλοντοσ λογισμῷ καταληπτὴν εἶναι ἀνδρὸσ ἀρετήν. πρόσ τε τὸν ἀδελφὸν δυσφοροῦντα ὅτι μὴ ἔφοροσ ἐγένετο, αὐτοῦ ὄντοσ, "ἐγὼ μὲν γὰρ ἐπίσταμαι," εἶπεν, "ἀδικεῖσθαι, σὺ δὲ οὔ. " γέγονε δὲ ἔφοροσ κατὰ τὴν πεντηκοστὴν πέμπτην Ὀλυμπιάδα· Παμφίλη δέ φησι κατὰ τὴν ἕκτην. καὶ πρῶτον ἔφορον γενέσθαι ἐπὶ Εὐθυδήμου, ὥσ φησι Σωσικράτησ. καὶ πρῶ‐ τοσ εἰσηγήσατο ἐφόρουσ τοῖσ βασιλεῦσι παραζευγνύναι· Σάτυροσ δὲ Λυκοῦργον. Οὗτοσ, ὥσ φησιν Ἡρόδοτοσ ἐν τῇ πρώτῃ, Ἱπποκράτει θυομένῳ ἐν Ὀλυμπίᾳ, τῶν λεβήτων αὐτομάτων ζεσάντων, συνεβούλευσεν ἢ μὴ γῆμαι, ἤ, εἰ ἔχοι γυναῖκα, ἐκπέμψαι καὶ παῖδασ ἀπείπασθαι. φασὶ δ’ αὐτὸν καὶ Αἰσώπου πυθέσθαι, ὁ Ζεὺσ τί εἰή ποιῶν·

τὸν δὲ φάναι, "τὰ μὲν ὑψηλὰ ταπεινῶν, τὰ δὲ ταπεινὰ ὑψῶν. " ἐρωτηθεὶσ τίνι διαφέρουσιν οἱ πεπαιδευμένοι τῶν ἀπαιδεύτων, ἔφη, "ἐλπίσιν ἀγαθαῖσ. " τί δύσκολον, "τὸ τὰ ἀπόρρητα σιωπῆσαι, καὶ σχολὴν εὖ διαθέσθαι, καὶ ἀδικούμενον [δύνασθαι] φέρειν. " προσέταττε δὲ καὶ ταῦτα· γλώττησ κρατεῖν, καὶ μάλιστα ἐν συμποσίῳ. μὴ κακολογεῖν τοὺσ πλησίον· εἰ δὲ μή, ἀκούσεσθαι ἐφ’ οἷσ λυπήσεσθαι. μὴ ἀπειλεῖν μηδενί·

γυναικῶδεσ γάρ. ταχύτερον ἐπὶ τὰσ ἀτυχίασ τῶν φίλων ἢ ἐπὶ τὰσ εὐτυχίασ πορεύεσθαι. γάμον εὐτελῆ ποιεῖσθαι. τὸν τεθνηκότα μὴ κακολογεῖν. γῆρασ τιμᾶν. φυλάττειν ἑαυτόν. ζημίαν αἱρεῖσθαι μᾶλλον ἢ κέρδοσ αἰσχρόν· ἡ μὲν γὰρ ἅπαξ ἐλύπησε, τὸ δὲ διὰ παντόσ. ἀτυχοῦντι μὴ ἐπεγγελᾶν. ἰσχυρὸν ὄντα πρᾷον εἶναι, ὅπωσ οἱ πλησίον αἰδῶνται μᾶλλον ἢ φοβῶνται. μανθάνειν τῆσ αὑτοῦ οἰκίασ καλῶσ προστατεῖν. τὴν γλῶτταν μὴ προτρέχειν τοῦ νοῦ. θυμοῦ κρατεῖν. μαντικὴν μὴ ἐχθαίρειν. μὴ ἐπιθυμεῖν ἀδυνάτων. ἐν ὁδῷ μὴ σπεύδειν. λέγοντα μὴ κινεῖν τὴν χεῖρα· μανικὸν γάρ. νόμοισ πείθεσθαι. ἠρεμίᾳ χρῆσθαι. Τῶν δὲ ᾀδομένων αὐτοῦ μάλιστα εὐδοκίμησεν ἐκεῖνο·

"ἐν λιθίναισ ἀκόναισ ὁ χρυσὸσ ἐξετάζεται, διδοὺσ βάσανον φανεράν· ἐν δὲ χρυσῷ ἀνδρῶν ἀγαθῶν τε κακῶν τε νοῦσ ἔδωκ’ ἔλεγχον. " φασὶ δ’ αὐτόν ποτε γηραιὸν ἤδη ὄντα εἰπεῖν, ὡσ οὐδὲν συνειδείη ἄνομον ἑαυτῷ ἐν τῷ βίῳ· διστάζειν δὲ περὶ ἑνόσ. κρίνων γάρ ποτε φίλῳ δίκην αὐτὸσ μὲν κατὰ τὸν νόμον, τὸν δὲ φίλον πείσειεν ἀποδικάσαι αὐτοῦ, ἵνα ἀμφότερα καὶ τὸν νόμον καὶ τὸν φίλον τηρήσαι. Ἐνδοξότατοσ δὲ μάλιστα παρὰ τοῖσ Ἕλλησιν ἐγένετο προειπὼν περὶ Κυθήρων τῆσ νήσου τῆσ Λακωνικῆσ. καταμαθὼν γὰρ τὴν φύσιν αὐτῆσ, "εἴθε," ἔφη, "μὴ ἐγεγόνει, ἢ γενομένη κατεβυθίσθη. καὶ εὖ προὐνοήσατο.

Δημάρατοσ μὲν γὰρ φυγὰσ ὢν Λακεδαιμονίων Ξέρξῃ συνεβούλευσε τὰσ ναῦσ συνέχειν ἐν τῇ νήσῳ· κἂν ἑαλώκει ἡ Ἑλλάσ, εἰ ἐπείσθη Ξέρξησ. ὕστερόν τε Νικίασ ἐπὶ τῶν Πελοποννησιακῶν καταστρεψάμενοσ τὴν νῆσον, φρουρὰν ἐγκατέστησεν Ἀθηναίων, καὶ πάμπολλα τοὺσ Λακεδαιμονίουσ κακὰ διέθηκε. Βραχυλόγοσ τε ἦν· ὅθεν καὶ Ἀρισταγόρασ ὁ Μιλήσιοσ τοῦτον τὸν τρόπον Χιλώνειον καλεῖ. . . . Βράγχου δὲ εἶναι, ὃσ τὸ ἱερὸν ἔκτισε τὸ ἐν Βραγχίδαισ. ἦν δὲ γέρων περὶ τὴν πεντηκοστὴν δευτέραν Ὀλυμπιάδα, ὅτε Αἴσωποσ ὁ λογοποιὸσ ἤκμαζεν. ἐτελεύτησε δ’, ὥσ φησιν Ἕρμιπποσ, ἐν Πίσῃ, τὸν υἱὸν Ὀλυμπιονίκην ἀσπασάμενοσ πυγμῆσ. ἔπαθε δὲ τοῦτο ὑπερβολῇ τε χαρᾶσ καὶ ἀσθενείᾳ πολυετίασ. καὶ αὐτὸν πάντεσ οἱ κατὰ τὴν πανήγυριν ἐντιμότατα παρέπεμψαν. Ἔστι δὲ καὶ εἰσ τοῦτον ἐπίγραμμα ἡμῶν· Φωσφόρε, σοί, Πολύδευκεσ, ἔχω χάριν, οὕνεκεν υἱὸσ Χίλωνοσ πυγμῇ χλωρὸν ἕλεν κότινον.

εἰ δ’ ὁ πατὴρ στεφανοῦχον ἰδὼν τέκνον ἤμυσεν ἡσθείσ, οὐ νεμεσητόν· ἐμοὶ τοῖοσ ἴτω θάνατοσ. ἐπὶ δὲ τῆσ εἰκόνοσ αὐτοῦ ἐπιγέγραπται τόδε· τόνδε δοριστέφανοσ Σπάρτα Χίλων’ ἐφύτευσεν, ὃσ τῶν ἑπτὰ σοφῶν πρῶτοσ ἔφυ σοφίᾳ. ἀπεφθέγξατο, "ἐγγύα, πάρα δ’ ἄτα. " ἔστιν αὐτοῦ καὶ ἐπιστόλιον τόδε· Χίλων Περιάνδρῳ "Ἐπιστέλλεισ ἐμὶν ἐκστρατείαν ἐπὶ ἐκδάμωσ, ὡσ αὐτόσ κα ἐξέρποισ· ἐγὼν δὲ δοκέω καὶ τὰ οἰκῇα σφαλερὰ ἦμεν ἀνδρὶ μονάρχῳ, καὶ τῆνον τυράννων εὐδαιμονίζω ὅστισ κα οἴκοι ἐξ αὐτὸσ αὑτῶ κατθάνῃ.

일치하는 문장이 없습니다.

SEARCH

MENU NAVIGATION