헬라어 문장 검색 - Αρριαν́Αναβασί5́03́

(아리아노스, Anabasis, book 5, chapter 3)

Καὶ ταῦτα ὅπωσ τισ ἐθέλει ὑπολαβὼν ἀπιστείτω ἢ πιστευέτω. οὐ γὰρ ἔγωγε Ἐρατοσθένει τῷ Κυρηναίῳ πάντῃ ξυμφέρομαι, ὃσ λέγει πάντα ὅσα ἐσ τὸ θεῖον ἀναφέρεται ἐκ Μακεδόνων πρὸσ χάριν τὴν Ἀλεξάνδρου ἐσ τὸ ὑπέρογκον ἐπιφημισθῆναι. καὶ γὰρ καὶ σπήλαιον λέγει ἰδόντασ ἐν Παραπαμισάδαισ τοὺσ Μακεδόνασ καί τινα μῦθον ἐπιχώριον ἀκούσαντασ ἤ καὶ αὐτοὺσ ξυνθέντασ φημίσαι, ὅτι τοῦτο ἄρα ἦν τοῦ Προμηθέωσ τὸ ἄντρον ἵνα ἐδέδετο, καὶ ὁ ἀετὸσ ὅτι ἐκεῖσε ἐφοίτα δαισόμενοσ τῶν σπλάγχνων τοῦ Προμηθέωσ, καὶ ὁ Ἡρακλῆσ ὅτι ἐκεῖσε ἀφικόμενοσ τόν τε ἀετὸν ἀπέκτεινε καὶ τὸν Προμηθέα τῶν δεσμῶν ἀπέλυσε.

τὸν δὲ Καύκασον τὸ ὄροσ ἐκ τοῦ Πόντου ἐσ τὰ πρὸσ ἑώ μέρη τῆσ γῆσ καὶ τὴν Παραπαμισαδῶν χώραν ὡσ ἐπὶ Ἰνδοὺσ μετάγειν τῷ λόγῳ τοὺσ Μακεδόνασ, Παραπάμισον ὄντα τὸ ὄροσ αὐτοὺσ καλοῦντασ Καύκασον τῆσ Ἀλεξάνδρου ἕνεκα δόξησ, ὡσ ὑπὲρ τὸν Καύκασον ἄρα ἐλθόντα Ἀλέξανδρον.

ἔν τε αὐτῇ τῇ Ἰνδῶν γῇ βοῦσ ἰδόντασ ἐγκεκαυμένασ ῥόπαλον τεκμηριοῦσθαι ἐπὶ τῷδε, ὅτι Ἡρακλῆσ ἐσ Ἰνδοὺσ ἀφίκετο.

ὅμοια δὲ καὶ ὑπὲρ Διονύσου τῆσ πλάνησ ἀπιστεῖ Ἐρατοσθένησ· ἐμοὶ δ̓ ἐν μέσῳ κείσθων οἱ ὑπὲρ τούτων λόγοι. Ἀλέξανδροσ δὲ ὡσ ἀφίκετο ἐπὶ τὸν Ἰνδὸν ποταμόν, καταλαμβάνει γέφυράν τε ἐπ̓ αὐτῷ πεποιημένην πρὸσ Ἡφαιστίωνοσ καὶ πλοῖα πολλὰ μὲν σμικρότερα, δύο δὲ τριακοντόρουσ, καὶ παρὰ Ταξίλου τοῦ Ἰνδοῦ δῶρα ἥκοντα ἀργυρίου μὲν τάλαντα ἐσ διακόσια, ἱερεῖα δὲ βοῦσ μὲν τρισχιλίασ, πρόβατα δὲ ὑπὲρ μύρια, ἐλέφαντασ δὲ ἐσ τριάκοντα·

καὶ ἱππεῖσ δὲ ἑπτακόσιοι αὐτῷ Ἰνδῶν ἐσ ξυμμαχίαν παρὰ Ταξίλου ἧκον·

καὶ τὴν πόλιν Τάξιλα, τὴν μεγίστην μεταξὺ Ἰνδοῦ τε ποταμοῦ καὶ Ὑδάσπου, ὅτι αὐτῷ Ταξίλησ ἐνδίδωσιν. ἐνταῦθα θύει Ἀλέξανδροσ τοῖσ θεοῖσ ὅσοισ αὐτῷ νόμοσ καὶ ἀγῶνα ποιεῖ γυμνικὸν καὶ ἱππικὸν ἐπὶ τῷ ποταμῷ· καὶ γίγνεται αὐτῷ ἐπὶ τῇ διαβάσει τὰ ἱερά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 3

(아리아노스, Anabasis, book 5, chapter 3)

상위

목록

SEARCH

MENU NAVIGATION