헬라어 문장 검색 - Αρριαν́Αναβασί5́11́

(아리아노스, Anabasis, book 5, chapter 11)

Ἄκρα ἦν ἀνέχουσα τῆσ ὄχθησ τοῦ Ὑδάσπου, ἵνα ἐπέκαμπτεν ὁ ποταμὸσ λόγου ἀξίωσ, αὐτή τε δασεῖα ἴδῃ παντοίων δένδρων καὶ κατ̓ αὐτὴν νῆσοσ ἐν τῷ ποταμῷ ὑλώδησ τε καὶ ἀστιβὴσ ὑπ̓ ἐρημίασ. ταύτην καταμαθὼν τὴν νῆσον καταντικρὺ τῆσ ἄκρασ, ἀμφότερα ὑλώδη τὰ χωρία καὶ οἱᾶ κρύψαι τῆσ διαβάσεωσ τὴν ἐπιχείρησιν, ταύτῃ ἔγνω διαβιβάζειν τὸν στρατόν. ἀπέχει δὲ ἥ τε ἄκρα καὶ ἡ νῆσοσ τοῦ μεγάλου στρατοπέδου ἐσ πεντήκοντα καὶ ἑκατὸν σταδίουσ.

παρὰ πᾶσαν δὴ τὴν ὄχθην φυλακαί τε αὐτῷ καθεστηκυῖαι ἦσαν, διαλείπουσαι ὅσον ξύμμετρον ἐσ τὸ ξυνορᾶν τε ἀλλήλουσ καὶ κατακούειν εὐπετῶσ ὁπόθεν τι παραγγέλλοιτο, καὶ πανταχόθεν βοαί τε νύκτωρ ἐπὶ πολλὰσ νύκτασ ἐγίγνοντο καὶ πυρὰ ἐκαίετο. Ἐπειδὴ δὲ ἔγνω ἐπιχειρεῖν τῷ πόρῳ, κατὰ μὲν τὸ στρατόπεδον φανερῶσ αὐτῷ τὰ τῆσ διαβάσεωσ παρεσκευάζετο.

καὶ Κρατερὸσ ὑπελέλειπτο ἐπὶ στρατοπέδου τήν τε αὑτοῦ ἔχων ἱππαρχίαν καὶ τοὺσ ἐξ Ἀραχωτῶν καὶ Παραπαμισαδῶν ἱππέασ καὶ τῆσ φάλαγγοσ τῶν Μακεδόνων τήν τε Ἀλκέτου καὶ τὴν Πολυπέρχοντοσ τάξιν καὶ τοὺσ νομάρχασ τῶν ἐπὶ τάδε Ἰνδῶν καὶ τοὺσ ἅμα τούτοισ τοὺσ πεντακισχιλίουσ. παρηγγέλλετο δὲ Κρατερῷ μὴ πρὶν διαβαίνειν τὸν πόρον πρὶν ἀπαλλαγῆναι Πῶρον ξὺν τῇ δυνάμει ὡσ ἐπὶ σφᾶσ ἢ φεύγοντα μαθεῖν, αὐτοὺσ δὲ νικῶντασ·

ἢν δὲ μέροσ μέν τι τῆσ στρατιᾶσ ἀναλαβὼν Πῶροσ ἐπ̓ ἐμὲ ἄγῃ, μέροσ δέ τι ὑπολειφθῇ αὐτῷ ἐπὶ στρατοπέδου καὶ ἐλέφαντεσ, σὺ δὲ δὴ καὶ ὣσ μένειν κατὰ χώραν· εἰ δὲ τοὺσ ἐλέφαντασ ξύμπαντασ ἅμα οἷ ἄγοι Πῶροσ ἐπ̓ ἐμέ, τῆσ δὲ ἄλλησ στρατιᾶσ ὑπολείποιτό τι ἐπὶ στρατοπέδου, σὺ δὲ διαβαίνειν σπουδῇ· οἱ γὰρ ἐλέφαντεσ μόνοι, ἔφη, ἄποροί εἰσι πρὸσ τοὺσ ἐκβαίνοντασ ἵππουσ, ἡ δὲ ἄλλη στρατιὰ εὔποροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 11

(아리아노스, Anabasis, book 5, chapter 11)

상위

목록

SEARCH

MENU NAVIGATION