헬라어 문장 검색 - Αρριαν́Αναβασί5́16́

(아리아노스, Anabasis, book 5, chapter 16)

Αὕτη μὲν ἡ Πώρου τάξισ ἦν. Ἀλέξανδροσ δὲ ὡσ ἤδη καθεώρα τοὺσ Ἰνδοὺσ ἐκτασσομένουσ, ἐπέστησε τοὺσ ἱππέασ τοῦ πρόσω, ὡσ ἀναλαμβάνειν τῶν πεζῶν τοὺσ ἀεὶ προσάγοντασ. ὡσ δὲ καὶ ἡ φάλαγξ αὐτῷ δρόμῳ συνάψασα ὁμοῦ ἤδη ἦν, ὁ δὲ οὐκ εὐθὺσ ἐκτάξασ ἐπῆγεν, ὡσ μὴ καματηρούσ τε καὶ πνευστιῶντασ ἀκμῆσι παραδοῦναι τοῖσ βαρβάροισ, ἀλλὰ ἐσ κύκλουσ παριππεύων ἀνέπαυε τοὺσ πεζοὺσ ἔστε καταστῆναι αὐτοῖσ τὸν θυμόν. ὡσ δὲ τὴν τάξιν κατεῖδε τῶν Ἰνδῶν, κατὰ μέσον μέν, ἵνα οἱ ἐλέφαντεσ προεβέβληντο καὶ πυκνὴ ἡ φάλαγξ κατὰ τὰ διαλείποντα αὐτῶν ἐπετέτακτο, οὐκ ἔγνω προάγειν, αὐτὰ ἐκεῖνα ὀκνήσασ ἅπερ ὁ Πῶροσ τῷ λογισμῷ ξυνθεὶσ ταύτῃ ἔταξεν·

ἀλλὰ αὐτὸσ μὲν ἅτε ἱπποκρατῶν τὴν πολλὴν τῆσ ἵππου ἀναλαβὼν ἐπὶ τὸ εὐώνυμον κέρασ τῶν πολεμίων παρήλαυνεν, ὡσ ταύτῃ ἐπιθησόμενοσ. Κοῖνον δὲ πέμπει ὡσ ἐπὶ τὸ δεξιόν, τὴν Δημητρίου καὶ τὴν αὑτοῦ ἔχοντα ἱππαρχίαν, κελεύσασ, ἐπειδὰν τὸ κατὰ σφᾶσ στῖφοσ τῶν ἱππέων ἰδόντεσ οἱ βάρβαροι ἀντιπαριππεύωσιν, αὐτὸν κατόπιν ἔχεσθαι αὐτῶν·

τῶν πεζῶν δὲ τὴν φάλαγγα Σελεύκῳ καὶ Ἀντιγένει καὶ Ταύρωνι προσέταξεν ἄγειν, μὴ πρόσθεν δὲ ἅπτεσθαι τοῦ ἔργου πρὶν ὑπὸ τῆσ ἵππου τῆσ ἀμφ̓ αὑτὸν τεταραγμένην τήν τε φάλαγγα τῶν πεζῶν καὶ τοὺσ ἱππέασ κατίδωσιν. Ἤδη τε ἐντὸσ βέλουσ ἐγίγνετο καὶ ἐφῆκεν ἐπὶ τὸ κέρασ τὸ εὐώνυμον τῶν Ἰνδῶν τοὺσ ἱπποτοξότασ, ὄντασ ἐσ χιλίουσ, ὡσ ταράξαι τοὺσ ταύτῃ ἐφεστηκότασ τῶν πολεμίων τῇ πυκνότητί τε τῶν τοξευμάτων καὶ τῶν ἵππων τῇ ἐπελάσει.

καὶ αὐτὸσ δὲ τοὺσ ἑταίρουσ ἔχων τοὺσ ἱππέασ παρήλαυνεν ὀξέωσ ἐπὶ τὸ εὐώνυμον τῶν βαρβάρων, κατὰ κέρασ ἔτι τεταραγμένοισ ἐμβαλεῖν σπουδὴν ποιούμενοσ, πρὶν ἐπὶ φάλαγγοσ ἐκταθῆναι αὐτοῖσ τὴν ἵππον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 5, chapter 16

(아리아노스, Anabasis, book 5, chapter 16)

상위

목록

SEARCH

MENU NAVIGATION